Yihowa Farciꞌraasine Akkala Gondooro Ammantanno?
Ee ammantanno. Yihowa Farciꞌraasine, Qullaawu Maxaafi gudisame “Maganunnihu Qullaawu Ayyaani kulanna” borreessinoonnihanna kaaꞌlannoha ikkinota ammantanno. (2 Ximootewoosi 3:16) Hatto yaano Akkalu (Albi) Gondoorino ikko Haaru Gondoori Maganu ayyaaninni borreessaminoho yaate. Xaphoomunni, Yihowa Farciꞌraasine konne lame gafa Ibiraawootu Afiita Qullaawa Borronna Giriikete Afiita Qullaawa Borro yite woshshitanno. Hatto yineemmohu, Qullaawu Maxaafihu mitu gafi akkala woy yanna saꞌinoha lawannokki gedeeti.
Kiristaanu Akkala Gondoorono Haaro Gondoorono horoonsiꞌrannohu mayiraati?
Soqqamaasinchu Phaawuloosi Maganu ayyaaninni togo yee borreessino: “Umo assine Qullaawa Maxaaffa giddo borreessinoonnire baala rosiisankera borreessinoonni.” (Roomu Sokka 15:4) Konni daafira, Ibiraawootu Afiite Qullaawa Borro giddo lowo geeshsha kaaꞌlitannonke mashalaqqe no. Kuri giddo gamu, lowo geeshsha hasiissannonke xaggeetinna heeshshonkera kaaꞌlitanno amaaleeti.
Lowo geeshsha hasiissanno xagge. Ibiraawootu Afiiti Qullaawa Borro kalaqamu daafiranna manchu beetti cubbu giddora eino gara tittirte kultanno. Tini mashalaqqe hooggoommero aante noo xaꞌmuwara dawaro diheedhannonke: Heeshsho afiꞌnoommohu hiittoonniiti? Mannu reyannohu mayiraati? (Kalaqama 2:7, 17) Hakkiinni saeno, Ibiraawootu Afiiti Qullaawa Borro Maganu Yihowa hundi waro heeꞌrino manni ledo noosi aante kultannonke; kuni manni ninkente gede hagiidhino yannano lowo qarra cincino yannano no.—Yaiqoobi 5:17.
Heeshshonkera kaaꞌlitanno amaale. Ibiraawootu Afiite Qullaawa Borro widira gaamantannoti Lawishshunna Rosiisaanchu maxaaffa, heeshshote lowo geeshsha kaaꞌlitannota yanna saꞌannokki hayyo amaddino. Tenne maxaaffa giddo maate hagiirru noota ikka dandiitanno gara (Lawishsha 15:17), loosoho gara ikkitino lao heedhannonke gara (Lawishsha 10:4; Rosiisaancho 4:6), hattono aja dume woyyitino heeshsho heeꞌra dandiitanno gara kultanno amaale (Rosiisaancho 11:9–12:1) no.
Hakkiinni saeno, Tooru (Qullaawu Maxaafihu umihu ontu maxaafi) giddo nooha Muse Seera xiinxallanke lowore kaaꞌlitannonke. Kiristaanu galannohu Muse Seerinni ikka hoogirono, kuni Seeri hagiirru noo heeshsho heeꞌneemmo gede kaaꞌlannoha xintu seera amadino.—Leewaawoota 19:18; Marro 6:5-7.
Kurino Lai
QULLAAWU MAXAAFI XAꞌMONNA DAWARO
Tonne Hajajo Yinanniri Hiikkuriiti?
Tonne Hajajo uyinoonnihu ayeoraati? Kiristaanu Tonne Hajajo agadha hasiissannonsa?
KAA'LANNOHA QULLAAWU MAXAAFI ROSO
Qullaawa Maxaafa Qixxeessinohu Ayeti?
Qullaawa Maxaafa mannu borreessinoha ikkiro, Maganu Qaaleeti yaamamasi garaho? Qullaawu Maxaafi giddo noo sokka ayite?
NINKE DAAFIRA
Hasaawinseemmohe Gede Kuꞌli
Qullaawu Maxaafi xaꞌmo hasaawa, woy Yihowa Farciꞌraasine daafira ledde afa dandaatto.
DUUCHU MANNI XAꞌMANNO XAꞌMO
Yihowa Farciꞌraasinera Qullaawu Maxaafi Uminsahu Noonsa?
Qullaawu Maxaafita addi addi tiro horoonsidhe xiinxallakki roore kaaꞌlitannohe. Qullaawa Borrota Haaro Alame Tiro xiinxalla hasiissannote yineemmo gede assitannonketa sase hedo wodanchi.