Ee, Yihowa Farciꞌraasine xagisidhanno. Mannimmanke keeraanchimma agadhate sharrammeemmoha ikkirono, mito woyite “xagisannohu” hasiisannonke. (Luqaasi 5:31) Isinni umi xibbi diro heeꞌrino Kiristaanchi Luqaasi gede mite Yihowa Farciꞌraasine akimootaho.—Qolasiyaasi Sokka 4:14.

 Mite xagisiꞌnanni doogo Qullaawu Maxaafi seeri ledo sumuu yitannokki daafira dixagisiꞌneemmo. Lawishshaho Qullaawu Maxaafi mundee adha hasiissannokkita kulanno daafira mundee diadhineemmmo hattono diuyineemmo. (Soqqamaasinete Looso 15:20) Qullaawu Maxaafi agaanintete ledo xaadooshshe afiꞌrino hikkiminnano difajjanno.—Galatiyu Sokka 5:19-21.

 Ikkirono, rooru hikkiminni Qullaawu Maxaafi seeri ledo kiphi diyaanno. Hakko daafira, mittu mittunku manchi ma garinni xagisiꞌrannoro doodhanno. Mittu Yihowa Farciꞌraasinchi doodhino hikkiminna wolu Yihowa Farciꞌraasinchi kayinni doodha hoogara dandaanno.—Galatiyu Sokka 6:5.