Nisoratin’i Matio 1:1-25
1 Ty boky misy ty tantaran’i* Jesosy Kristy,* anan’i Davida, anan’i Abrahama:
2 Abrahama niteraky an’i Isaka;Isaka niteraky an’i Jakoba;Jakoba niteraky an’i Joda noho ty rahalahiny;
3 Joda niteraky an’i Pereza noho Zera tamy Tamara;Pereza niteraky an’i Hezrona;Hezrona niteraky an’i Rama;
4 Rama niteraky an’i Aminadaba;Aminadaba niteraky an’i Nasona;Nasona niteraky an’i Salmona;
5 Salmona niteraky an’i Boaza tamy Rahaba;Boaza niteraky an’i Obeda tamy Rota;Obeda niteraky an’i Jese;
6 Jese niteraky an’i Davida Mpanjaka;
Davida niteraky an’i Solomona tamy valin’i Oria;
7 Solomona niteraky an’i Rehoboama;Rehoboama niteraky an’i Abia;Abia niteraky an’i Asa;
8 Asa niteraky an’i Josafata;Josafata niteraky an’i Jorama;Jorama niteraky an’i Ozia;
9 Ozia niteraky an’i Jotama;Jotama niteraky an’i Ahaza;Ahaza niteraky an’i Hezekia;
10 Hezekia niteraky an’i Manase;Manase niteraky an’i Amona;Amona niteraky an’i Josia;
11 Josia niteraky an’i Jekonia noho ty rahalahiny, tamy fotoa nanaova sesitany an’ny Jiosy rey ta Babylona any;
12 Jekonia niteraky an’i Sealtiela ta Babylona any;Sealtiela niteraky an’i Zerobabela;
13 Zerobabela niteraky an’i Abihoda;Abihoda niteraky an’i Eliakima;Eliakima niteraky an’i Azora;
14 Azora niteraky an’i Zadoka;Zadoka niteraky an’i Akima;Akima niteraky an’i Elihoda;
15 Elihoda niteraky an’i Eleazara;Eleazara niteraky an’i Matana;Matana niteraky an’i Jakoba;
16 Jakoba niteraky an’i Josefa valin’i Maria, le Maria niteraky an’i Jesosy, azy kaihy hoe Kristy iny.
17 Ho zao zany taranaky iaby reo: Nanomboky tamy Abrahama zisiky tamy Davida, nisy 14; nanomboky tamy Davida zisiky nanaova sesitany an’ny Jiosy rey ta Babylona any, nisy 14; le nanomboky tamy nanaova sesitany an-drozy ta Babylona any zisiky tamy Kristy, nisy 14.
18 Ho zao ty nahaterahan’i Jesosy Kristy: Vo hifanambaly Josefa noho Maria renin’i Jesosy, kanefa fa nibevoka Maria. Asan’ny fanahy masy* ro nahabevoka azy. Mbo tsy niharo trano rozy amy Josefa tamy zay.
19 Fe olo marina Josefa valiny, sady tsy ta hanafa-baraka azy amin’olo maro, ka nieritseritsy hisaraky aminy fe tsy hivolambola amin’olo.
20 Fe lafa baka nieritseritsy an’ny raha rezay ie, le nisy anjelin’i Jehovah* niseho taminy tamy nofy, le nivola hoe: “Josefa anan’i Davida, ka matahotsy handay an’i Maria valinao ho an-tranonao ao,* fa asan’ny fanahy masy ro nahabevoka azy.*
21 Hiteraky anakilahy ie, le anovo hoe Jesosy* ty anarany, satria ie ro hanavotsy ty vahoaky ho afaky amy fahotan-drozy.”
22 Niseho vatany raha iaby reo mba ho tanteraky ty raha nivolanin’i Jehovah tamy alalan’ny mpaminaniny hoe:
23 “Hisy virjiny ho bevoka ka hiteraky anakilahy, le ty anarany hatao hoe Imanoela.” Laha adika zay le hoe: “Manampy Antsika Ndranahary.”
24 Bakeo nifoha Josefa, le nataony ty raha nampanovin’ny anjelin’i Jehovah iny azy, ka nandesiny an-tranony any valiny iny.
25 Fe tsy nanao firaisa taminy Josefa laha tsy fa naterakin’i Maria ajà iny. Le nataony hoe Jesosy ty anarany.
Fanamariha ambany pejy
^ Na: “tetirazan’i; tantaran-drazan’i.”
^ Na: “azy Mesia iny; azy Voahosotsy iny.”
^ Na: “Ty hery ampiasà-Ndranahary.”
^ Hita in-237 anara-Ndranahary hoe Jehovah toy amy andinin-teny iaby amy Soratsy Grika Kristiana ato, ka eto ty voalohany.
^ Na: “hangalaky an’i Maria ho valinao.”
^ Na: “ro nahavy an’ny ajà iny hiforo tan-kibony ao.”
^ Mitovy amy anara hebreo hoe Jesoa na Josoa, le midika hoe “Jehovah ro Fanavota.”
