ASA AN-TSITRAPO Laha ta hanampy amy asa mifandramby amy fivoriambe toy iha, le vonjeo azafady ty Sampan-draharahan’ny Asa An-tsitrapo fa hatoro anao ze azonao atao.

BATISA Alohan’ny lampihazo eo ty pilasy natoka ho ahi-ty olo hatao batisa laha tsy misy toromariky hafa. Tokony fa ho amy pilasy natoka ho an-drozy eo ty olo hatao batisa, alohan’ny hanombohan’ny lahatenin’ny batisa, amy Sabotsy maray. Tokony handay serveta rozy sady handay akanjo maotina handesiny mijobo anaty rano.

FANOMEZA Maro vatany ty fandania natao mba hahavy an’ny fivoriambe toy ho soa sady mahafalifaly noho hanampy antsika hifankarìny marè amy Jehovah. Eo ty fikarakarà sezy, fanamafisam-peo, video, noho ty maro hafa. Tsy maintsy onera fandania reo, le manampy amy zay ze fanomeza foim-ponao sady mampandroso ty asa amy tany toy iaby. Misy boaty maromaro napetraky amy pilasy anaova fivoriambe toy, mba hahamora ty fanaovanao fanomeza. Milira amy donate.pr418.com ao laha ta hanao fanomeza amy alalan’ny internet koa iha. Ankasitraha iaby lafa kila fanomeza ataonao. Misaotsy anao ty Filan-kevi-pitantana, satria tea manome iha ka mampandroso ty asan’ny Fanjakà iny.

FITSABOA SAROMBAKY Tiarovo fa ze mila fitsaboa sarombaky avao ro karakarà ao.

MPIKARAKARA MPANATRIKY Nitendrè hanampy anao mpikarakara mpanatriky reo. Soa iha laha miaraky miasa amin-drozy, ka manaraky ty toromariky amean-drozy mikasiky fametraha tomabily na biskilety, noho fandamina ty mpanatriky, fitanjaha pilasy, noho ty raha hafa.

PILASY Mba eritsereto koa lahy ty olo hafa. Tiarovo fa ty fianakavianao marìny, na ty olo miharo tomabily na miharo trano aminao, na ty olo ampianarinao Baiboly avao ro azonao itanjaha pilasy. Ka ametraha enta azafady ty pilasy tsy nitanjahinao.

RAHA TROBO NOHO HITA Tokony handesy amy sampan-draharaha io any ty raha hita iaby. Mamonjea an’ny sampan-draharaha io laha misy rahanao trobo, le ilao ao raha zay. Tokony handesy any koa ty ajà trobo. Fe mba tsy hanahira, le ambeno soa ty anakinao. Ka engà hisaraky aminao rozy.