Fanontanea amy Boky Misy Tantara Baka amy Baiboly
Fanontanea amy Boky Misy Tantara Baka amy Baiboly
Nanomboke Namoro ty Raha Iaby Andranahare
1. Baka amin’ia iaby ty raha soa ananantsika. Afake manome ohatse va iha?
2. Ino ty raha noforòni-Ndranahare voalohane?
3. Ino ty antone nampiavake ty anjele voalohane?
4. Nanao akore ty tany tamy voalohane? (Henteo sary io.)
5. Ino ty raha voalohane natao-Ndranahare mba hahafàha’ty olo noho ty biby hiay an-tany etoy?
Fanontanea fanampine:
1. Vakio Jeremia 10:12.
Ino iaby ty toetsin’i Jehovah hita tamin’ie namoro ty kila raha iaby? (Isa. 40:26; Rom. 11:33)
2. Vakio Kolosianina 1:15-17.
Ino ty anjara asan’i Jesosy tamy famoròna? Manao akore ty tokone hiheverantsika aze? (Kol. 1:15-17)
3. Vakio Genesisy 1:1-10.
a) Ia ty nanamboatse tany toy? (Gen. 1:1)
b) Ino ty raha niseho tamy andro famoròna voalohane? (Gen. 1:3-5)
d) Mba tantarao ty raha niseho tamy andro faharoa namoròna. (Gen. 1:7, 8)
Zariday Soasoa Biby
1. Nanao akore ty fomba nikarakarà-Ndranahare ty tany mba hahafahantsika hipetrake eto?
2. Volàno iaby ty karazam-biby namboari-Ndranahare. (Henteo sary io.)
3. Ino iaby ty raha nampiavake zariday Edena io?
4. Tea-Ndranahare hanao akore ty tany iabiaby?
Fanontanea fanampine:
1. Vakio Genesisy 1:11-25.
a) Ino ty raha noforòni-Ndranahare tamy andro fahatelo namoròna? (Gen. 1:12)
b) Ino ty raha niseho tamy andro fahaefatse namoròna? (Gen. 1:16)
d) Karazam-biby ino iaby ro noforòni-Ndranahare tamy andro fahalimy noho fahaeny? (Gen. 1:20, 21, 25)
2. Vakio Genesisy 2:8, 9.
Ino iaby karazan-kazo roe napetra-Ndranahare tamy zariday Edena tao reny? Ino ty dika hazo reo?
Ty Lahilahy Noho Ampela Voalohane
1. Ino ty maha samby hafa sary amy Tantara faha-3 noho Tantara faha-2 io?
2. Ia ty nanamboatse lahilahy voalohane io? Ia ty anara lahilahy io?
3. Ino ty asa nampanaòvi-Ndranahare an’i Adama?
4. Nanino Adama ro natao-Ndranahare niroro bibike?
5. Afake niay tanaty firy tao Adama noho Eva? Ino ty asa tea-Ndranahare ho nataon-droze?
Fanontanea fanampine:
1. Vakio Salamo 83:18.
Ia ty anara-Ndranahare? Ino ty toera tanjàhane amy tany manontolo? (Jer. 16:21; Dan. 4:14)
2. Vakio Genesisy 1:26-31.
a) Ino ty raha farane noforòni-Ndranahare tamy andro fahaeny? Ino ty antone tsy nampitovy raha noforònine io tamy biby? (Gen. 1:26)
b) Ino ty hany natao-Ndranahare ho hani’ty biby noho ty olo? (Gen. 1:30)
3. Vakio Genesisy 2:7-25.
a) Ino ty raha tokone hataon’i Adama laha fa hanome anara ty biby ie? (Gen. 2:19)
b) Akore ro anampia’ty Genesisy 2:24 io antsika hahay ty hevitsi-Ndranahare mikasike ty fanambalia, fisitàha, noho fisaraham-panambalia? (Matio 19:4-6, 9)
Nanino Roze ro Niroàhy Baka amy Zariday Edena Ao?
1. Ino ty raha nahazo an’i Adama noho Eva amy sary toy eto?
2. Nanino Jehovah ro nanome sazy an-droze?
3. Ino ty raha novolàny bibilava iny tamin’i Eva?
4. Ia ty nampivòla bibilava io tamin’i Eva?
5. Nanino Adama noho Eva ro niroàhy baka amy Paradisa ao?
Fanontanea fanampine:
1. Vakio Genesisy 2:16, 17 noho 3:1-13, 24.
a) Nanoso-potake an’i Jehovah ty fanontanea napetra bibilava iny tamin’i Eva. Hazavao. (Gen. 3:1-5; 1 Jaona 5:3)
b) Ino ty fananàra azontsika baka amy raha nahazo an’i Eva iny? (Fil. 4:8; Jak. 1:14, 15; 1 Jaona 2:16)
d) Tsy naneke ty raha raty nataone, Adama noho Eva. Nanao akore ty fomba nampisehoan-droze raha zay? (Gen. 3:12, 13)
e) Ino ty raha nanovi’ty kerobima tantinàna saha Edena tany mba hampisehoa fa mana fahefà ho Mpanjaka Jehovah? (Gen. 3:24)
2. Vakio Apokalypsy 12:9.
Mana fahefà hitarike ty olombelo hanohitse ty fanjakà-Ndranahare Satana. Manao akore ty habe fahefà ananane io? (1 Jaona 5:19)
Nanomboke Nihasarotse ty Fiaìna
1. Nanao akore ty fiaìnan’i Adama noho Eva laha fa tsy tamy zariday Edena tao?
2. Ino ty raha nahazo an’i Adama noho Eva voalohane. Ino ty antone?
3. Nanino ty anan’i Adama noho Eva ro nihaantitse noho maty?
4. Ho nanao akore ty fiaìnan’i Adama noho Eva noho ty anan-droze laha nanorike ty safàn’i Jehovah roze?
5. Ino ty fijalea nahazo an’i Eva laha fa tsy nanorike ty safà-Ndranahare ie?
6. Ia ty anara’ty anake lahin’i Adama noho Eva roe voalohane?
7. Ia iaby ajà sasane amy sary eo reo?
Fanontanea fanampine:
1. Vakio Genesisy 3:16-23 noho 4:1, 2.
a) Nanao akore ty fiaìnan’i Adama laha fa niozòni-Ndranahare ty tany? (Gen. 3:17-19; Rom. 8:20, 22)
b) Midika hoe “Ay” ty anara hoe Eva. Ino ty antone mampety anara io? (Gen. 3:20)
d) Mbo nisoa fanahy tamin’i Adama noho Eva avao Jehovah ndre fa nanota tamine aza roze. Tamy fomba manao akore ro nampisehoan’i Jehovah raha zay? (Gen. 3:7, 21)
2. Vakio Apokalypsy 21:3, 4.
Ino iaby ty “raha taloha” fa tsy lininao sasy ty hangalà aze?
Anake Lahy Soa Noho Anake Lahy Raty
1. Ino ty asa nataon’i Kaina noho Abela?
2. Ino ty fanomeza namean’i Kaina noho Abela ho an’i Jehovah?
3. Ino ty antone nitiavan’i Jehovah ty fanomezan’i Abela, noho ty tsy nitiavane ty fanomezan’i Kaina?
4. Olo nanao akore Kaina? Nanao akore ty fomba nananàran’i Jehovah aze?
5. Ino ty raha nataon’i Kaina laha fa roze amy rahalahine iny avao, ro tan-tonda tany?
6. Ino ty raha nahazo an’i Kaina laha fa baka namono rahalahine iny ie?
Fanontanea fanampine:
1. Vakio Genesisy 4:2-26.
a) Nanao akore ty fomba nivolànan’i Jehovah ty loza hahazo an’i Kaina? (Gen. 4:7)
b) Ino ty nahaìza ty raha tam-pon’i Kaina tao? (Gen. 4:9)
d) Manao akore ty fahitan’i Jehovah ty fandatsàha lion’olo marina? (Gen. 4:10; Isaia 26:21)
2. Vakio 1 Jaona 3:11, 12.
a) Ino ty antone nampeloke maré an’i Kaina? Mananatse antsika hanalavitse toetsy manao akore tantaran’i Kaina io? (Gen. 4:4, 5; Ohab. 14:30; 28:22)
b) Ndre manohitse an’i Jehovah aza ty longontsika iaby, le afake matoky noho tsy mivalike ami-Ndranahare avao tsika. Manao akore ty fomba anazavà’ty Baiboly raha zay? (Sal. 27:10; Matio 10:21, 22)
3. Vakio Jaona 11:25.
Nisy olo nimaty noho’ty fahamarìna. Ino ty raha nampitamànin’i Jehovah ho an-droze? (Jaona 5:24)
Lahilahy Raike Nahery Fo
1. Ino ty nampiavake an’i Enoka?
2. Nanino ty olo tamy andron’i Enoka ro tea nanao raha raty?
3. Ino iaby ty raha raty nataon-droze? (Henteo sary io.)
4. Nanino Enoka ro nila herim-po?
5. Afake niay tanaty firy tao ty olo tamy fotoa io, fe firy tao avao ty andro niaìnan’i Enoka?
6. Ino ty raha niseho laha fa nimaty Enoka?
Fanontanea fanampine:
1. Vakio Genesisy 5:21-24, 27.
a) Nanao akore ty fifankahazoan’i Enoka tamin’i Jehovah? (Gen. 5:24)
b) Laha ty Baiboly ro hentea, ia ty anara lahilahy farani’ze nilava velo tan-tany etoy iny? Firy tao ie vo nimaty? (Gen. 5:27)
2. Vakio Genesisy 6:5.
Nanao akore ty faharatia’ty fiaìna tan-tany etoy tafara’ty nahafatesan’i Enoka? Ino ty hitantsika laha ampitovỳ ami’ty fiaìna henany zao? (2 Tim. 3:13)
3. Vakio Hebreo 11:5.
Ino ty toetsin’i Enoka “nitea-Ndranahare”, ka ino ty vokane? (Gen. 5:22)
4. Vakio Joda 14, 15.
Amy fomba manao akore ro azo’ty Kristiana anahàfa ty herim-pon’i Enoka, laha fa manambara amin’olo roze, fa marìny aly Hara-magedona zao? (2 Tim. 4:2; Heb. 13:6)
Olo Farane ze Bevata Bibike Tan-tany Etoy
1. Ino ty raha niseho laha fa nijànjy an’i Satana ty anjeli-Ndranahare sasane?
2. Nanino ty anjele sasane ro tsy niasa tan-danitse tany sasy, fa nijòtso ho an-tany etoy?
3. Tsy tokone hijòtso an-tany etoy ka hanova ty vatan-droze ho vatan’olombelo ty anjele. Ino ty antone?
4. Ino va ty nampiavake, anan’anjele reo io?
5. Arake ty hitanao amy sary io eo, ino ty raha natao anan’anjele reny laha fa nihabe roze?
6. Ia ty olo soa fanahy niay tan-tany etoy tafaran’i Enoka? Ino ty antone nitiava-Ndranahare aze?
Fanontanea fanampine:
1. Vakio Genesisy 6:1-8.
Misy vokane amin’i Jehovah ty raha ataontsika. Manao akore ty fomba iresàha’ty Genesisy 6:6 raha zay? (Sal. 78:40, 41; Ohab. 27:11)
2. Vakio Joda 6.
“Tsy nitanjake ty pilasine tam-boalohane tany” anjele tamy andron’i Noa reny, fa nivalike tamin’i Jehovah. Ino kea ty fianara azontsika baka ami’ty raha nahazo an-droze? (1 Kor. 3:5-9; 2 Pet. 2:4, 9, 10)
Nanamboatse Sambofiara Noa
1. Nisy olo firy tamy fianakavian’i Noa tao? Ia iaby ty anara’ty anake lahine?
2. Raha hafahafa ino ro nampanaòvi-Ndranahare an’i Noa? Ino ty antone?
3. Nanao akore olo tanà raike amin’i Noa reny laha fa niresake amin-droze mikasike sambofiara io ie?
4. Ino ty raha nampanaòvi-Ndranahare an’i Noa mikasike biby reo?
5. Ino ty raha nataon’i Noa noho ty fianakaviane laha fa nihilìa-Ndranahare sambofiara iny?
Fanontanea fanampine:
1. Vakio Genesisy 6:9-22.
a) Ino ty raha nampiavake an’i Noa, mpanompo-Ndranahare marina iny? (Gen. 6:9, 22)
b) Manao akore ty fahitàn’i Jehovah ty hasatà raty? Ka, tokone ho fisà mangàla havozàha manao akore ro filìntsika hatao? (Gen. 6:11, 12; Sal. 11:5)
d) Fomba manao akore ro hanahàfantsika an’i Noa laha fa mahazo tari-dala baka amy fandaminan’i Jehovah tsika? (Gen. 6:22; 1 Jaona 5:3)
2. Vakio Genesisy 7:1-9.
Ndra fa hain’i Jehovah aza hoe mpanota Noa, le mbo nataone hoe olo-marina avao. Mahasoa sady manampy antsika ty fahaìza raha zay. Hazavao. (Gen. 7:1; Ohab. 10:16; Isaia 26:7)
Safodrano Be
1. Nanino ty olo hafa ro tsy afake nilitse tanaty sambofiara tao sasy laha fa nanomboke nilatsake ty ora?
2. Tanaty firy andro noho firy haly Jehovah ro nandatsake ora, ka nanao akore ty habe rano iny?
3. Nanao akore sambofiara iny laha fa nanomboke nifeno rano tany toy?
4. Niavotse tamy Safodrano iny va olo farane ze bevata bibike reny? Ino kea ty nahazo ty baban-droze?
5. Nanao akore sambofiara iny laha fa afake dimy vola?
6. Ino ty antone nampiboàhan’i Noa goàky baka amy sambofiara ao?
7. Tamy fomba manao akore ro nahaìzan’i Noa, fa nihena rano iny?
8. Ino ty raha novolàni-Ndranahare tamin’i Noa noho ty fianakaviane, tafara’ty nijanonan-droze tao raike mahery tanaty sambofiara io tao?
Fanontanea fanampine:
1. Vakio Genesisy 7:10-24.
a) Ino iaby ty raha naripake tamy Safodrano iny? (Gen. 7:23)
b) Afake firy andro ty rano vo nihena? (Gen. 7:24)
2. Vakio Genesisy 8:1-17.
Hita amy Genesisy 8:17 ao, fa tsy miova ty fikasà-Ndranahare tam-boalohane tany, mikasike ty tany. Manao akore ty fomba iresàhane raha zay? (Gen. 1:22)
3. Vakio 1 Petera 3:19, 20.
a) Laha fa nimpòly tan-danitse ane anjele nivalike tami-Ndranahare reny, ino ty raha nahazo an-droze? (Joda 6)
b) Laha fa hentea ty tantaran’i Noa noho ty fianakaviane, le afake mahazo antoke tsika fa hanavotse ty vahoakine Jehovah. Hazavao. (2 Pet. 2:9)
Avana Voalohane
1. Arake ty hita amy sary io, ino ty raha voalohane nataon’i Noa laha vo niboake baka anaty sambofiara tao ie?
2. Tafara Safodrano iny, ino ty raha nampanaòvi-Ndranahare an’i Noa noho ty fianakaviane?
3. Nampitamà ino Andranahare?
4. Ino ty raha tokone ho tiarontsika, laha fa mahita avana tsika?
Fanontanea fanampine:
1. Vakio Genesisy 8:18-22.
a) Amy fomba manao akore ro anomezantsika an’i Jehovah ty “hanitse teane” henany zao? (Gen. 8:21; Heb. 13:15, 16)
b) Manao akore ty fahitàn’i Jehovah ty fon’olombelo? Ino ty raha tokone hataontsika? (Gen. 8:21; Matio 15:18, 19)
2. Vakio Genesisy 9:9-17.
a) Ino ty fifanekea nataon’i Jehovah tamy raha iaby an-tany etoy? (Gen. 9:10, 11)
b) Tampitsy ombìa fifanekea mikasike avana io? (Gen. 9:16)
Nanamboatse Tilikambo Bevata ty Olo
1. Ia va Nimroda zao? Nanao akore ty fahità-Ndranahare aze?
2. Manino olo amy sary eo reo ro manamboatse boriky?
3. Ino ty antone tsy nitiava-Ndranahare fanamboara tilikambo io?
4. Tamy fomba manao akore ro nampijanòna-Ndranahare fanamboara tilikambo io?
5. Ino va ty anara nikaìha tanà io, voho ino ty dikane?
6. Ino ty raha niseho laha fa natao-Ndranahare tsy nifankahazo resake sasy ty olo?
Fanontanea fanampine:
1. Vakio Genesisy 10:1, 8-10.
Nanao akore ty toetsin’i Nimroda? Ino ty fianara azontsika baka amy raha zay? (Ohab. 3:31)
2. Vakio Genesisy 11:1-9.
Nitamà hahazo ino ty olo laha fa vita tilikambo io? Nanino fikasàn-droze io ro tsy nitanterake? (Gen. 11:4; Ohab. 16:18; Jaona 5:44)
Abrahama, Nama-Ndranahare
1. Olo nanao akore ro nipetrake tamy tanàn’i Ora tao?
2. Ia lahilahy amy sary io? Nombìa ie ro naterake? Nipetrake taìa ie?
3. Ino ty raha nampanaòvi-Ndranahare an’i Abrahama?
4. Nanino Abrahama ro nokaìhy hoe nama-Ndranahare?
5. Ia ty niarake tamin’i Abrahama laha fa niala ta-Ora tao ie?
6. Ino ty raha novolàni-Ndranahare tamin’i Abrahama laha fa niavy ta-Kanana tao ie?
7. Nampitamà ino an’i Abrahama, Andranahare laha fa nifeno 99 tao ie?
Fanontanea fanampine:
1. Vakio Genesisy 11:27-32.
a) Mpi-ino va Abrahama noho Lota io? (Gen. 11:27)
b) Tera ro volàny fa nanday ty fianakaviane nifindra ta-Kanana tao, fe ino ty ahaìzantsika fa Abrahama ro nitarike an-droze hifindra ane? Ino ty antone nanaòvane raha zay? (Gen. 11:31; Asa. 7:2-4)
2. Vakio Genesisy 12:1-7.
Nataon’i Jehovah tamin’ia kea fifanekea nataone tamin’i Abrahama iny laha fa niavy ta-Kanana tao Abrahama? (Gen. 12:7)
3. Vakio Genesisy 17:1-8, 15-17.
a) Ia ty anara nanovà ty anaran’i Abrama laha fa 99 tao ie? Ino ty antone? (Gen. 17:5)
b) Ino ty fitahia nampitamànin’i Jehovah, fa hataone amin’i Saraha? (Gen. 17:15, 16)
4. Vakio Genesisy 18:9-19.
a) Ino ty raha tokone hatao’ty rae arake ty hita amy Genesisy 18:19 ao? (Deot. 6:6, 7; Efes. 6:4)
b) Ino ty raha niseho tamin’i Saraha, ahità fa tsy afake mamòny ndra ino ndra ino amin’i Jehovah tsika? (Gen. 18:12, 15; Sal. 44:21)
Notsapà-Ndranahare ty Finoan’i Abrahama
1. Nampitamà ino an’i Abrahama Andranahare? Tamy fomba manao akore ro nanatanterahane raha zay?
2. Arake ty hita amy sary io, ino ty fomba nitsapà-Ndranahare ty finoan’i Abrahama?
3. Ino ty raha nataon’i Abrahama ndra tsy haine aza ty dika raha nampanaòvi-Ndranahare aze io?
4. Ino ty raha niseho laha fa nampiboake meso hamonoane anane io Abrahama?
5. Nanao akore ty habe’ty finoan’i Abrahama an’Andranahare?
6. Ino ty raha hafa namea-Ndranahare an’i Abrahama mba hataone soro? Tamy fomba manao akore ro nanomezane raha zay?
Fanontanea fanampine:
1. Vakio Genesisy 21:1-7.
Nosavàrin’i Abrahama anake lahine iny laha fa valo andro. Ino ty antone? (Gen. 17:10-12; 21:4)
2. Vakio Genesisy 22:1-18.
Tamy fomba manao akore ro nampisehoan’i Isaka fa nanorike ty safàn’i Abrahama, babane ie? Nifanandrify tamy raha bevata hafa, niseho tafara atoy raha zay. Hazavao. (Gen. 22:7-9; 1 Kor. 5:7; Fil. 2:8, 9)
Nitolike Valin’i Lota Iny
1. Nanino Abrahama noho Lota ro nisarake?
2. Nanino Lota ro nifìly hipetrake ta-Sodoma tao?
3. Nanao akore ty olo ta-Sodoma tao?
4. Ino ty raha novolànin’anjele roe reo tamin’i Lota?
5. Nanino valin’i Lota iny ro nanjary bolonga-tsira?
6. Ino ty fianara azontsika baka amy raha nahazo valin’i Lota iny?
Fanontanea fanampine:
1. Vakio Genesisy 13:5-13.
Ino ty fianara azontsika tami’ty raha nataon’i Abrahama laha misy ty tsy fifanaràha? (Gen. 13:8, 9; Rom. 12:10; Fil. 2:3, 4)
2. Vakio Genesisy 18:20-33.
Laha ty fomba nandaìsan’i Jehovah an’i Abrahama ro hentea, manino tsika ro afake matoky, fa hitsara arake ty marina Jehovah noho Jesosy? (Gen. 18:25, 26; Matio 25:31-33)
3. Vakio Genesisy 19:1-29.
a) Laha fitantarà amy Baiboly ao io ro hentea, manao akore ty fahità-Ndranahare ty fandria’ty lahilahy samby lahilahy noho ty ampela samby ampela? (Gen. 19:5, 13; Lev. 20:13)
b) Ino ty tsy nampitovy ty raha nataon’i Lota noho Abrahama laha fa nanome torohevitse an-droze Andranahare? Ino ty fianara azontsika baka amy raha zay? (Gen. 19:15, 16, 19, 20; 22:3)
4. Vakio Lioka 17:28-32.
Akore ro fihevera valin’i Lota iny ty hanàna? Ino koa ty fianara azontsika baka amy raha zay? (Lioka 12:15; 17:31, 32; Matio 6:19-21, 25)
5. Vakio 2 Petera 2:6-8.
Laha manahake an’i Lota tsika, tokone hanao akore ty fahitantsika tontolo manodidy antsika tsy tea an’Andranahare toy? (Ezek. 9:4; 1 Jaona 2:15-17)
Nahazo Valy Soa Isaka
1. Ia lahilahy noho ampela amy sary eo reo?
2. Ino ty raha nataon’i Abrahama mba hahazoa valy ho an’i Isaka, anake lahine? Ino ty antone?
3. Tamy fomba manao akore ro namalia-Ndranahare vavake natao mpanompon’i Abrahama iny?
4. Nanontanea Rebeka laha ta hanambaly an’i Isaka. Ino ty valin-teny nameane?
5. Ino va ty nahavy an’i Isaka ho falifale ndraike io?
Fanontanea fanampine:
1. Vakio Genesisy 24:1-67.
a) Ino iaby ty toetsy soa nasehon’i Rebeka laha fa nifankahita tamy mpanompon’i Abrahama iny tam-bovo teo ie? (Gen. 24:17-20; Ohab. 31:17, 31)
b) Ino ty fianara azo’ty Kristiana alà tahake tami’ty raha nataon’i Abrahama ho an’i Isaka? (Gen. 24:37, 38; 1 Kor. 7:39; 2 Kor. 6:14)
d) Nanino tsika ro tokone hila fotoa handinìha soa, manahake ty nataon’i Isaka? (Gen. 24:63; Sal. 77:12; Fil. 4:8)
Hamba Tsy Nitovy
1. Ia va Esao noho Jakoba io? Ino ty tsy nampitovy an-droze?
2. Nifiry tao Esao noho Jakoba laha fa nimaty Abrahama?
3. Ino ty raha nataon’i Esao, ka nampalahelo ty babane noho ty renine?
4. Nanino Esao ro neloke maré tamin’i Jakoba, rahalahine?
5. Ino ty torohevitse namean’i Isaka an’i Jakoba, anake lahine?
Fanontanea fanampine:
1. Vakio Genesisy 25:5-11, 20-34.
a) Ino ty faminania namean’i Jehovah mikasike anan’i Rebeka roe lahy reo? (Gen. 25:23)
b) Ino ty naha samby hafa ty fiheveran’i Jakoba noho Esao ty fizokia? (Gen. 25:31-34)
2. Vakio Genesisy 26:34, 35; 27:1-46; noho 28:1-5.
a) Tamy fomba manao akore ro nahità fa tsy nidary ty lalà-Ndranahare Esao? (Gen. 26:34, 35; 27:46)
b) Ino ty raha nampanaòvin’i Isaka an’i Jakoba mba hahazoane ty fitahia-Ndranahare? (Gen. 28:1-4)
3. Vakio Hebreo 12:16, 17.
Hanao akore ty hiafaran’olo tsy manisy dikane raha masy reny, laha ohatsin’i Esao io ro hentea?
Nandeha Ta-Harana ane Jakoba
1. Ia somonjara amy sary eo io? Ino ty raha nataon’i Jakoba laha fa nahita aze?
2. Ino ty raha tokone hekén’i Jakoba mba hahafahane hanambaly an’i Rahely?
3. Ino ty raha nataon’i Labana laha fa niavy ty fotoa hanambalean’i Jakoba an’i Rahely?
4. Ino ty raha nekén’i Jakoba hatao mba hahafahane hanambaly an’i Rahely?
Fanontanea fanampine:
1. Vakio Genesisy 29:1-30.
a) Tamy fomba manao akore ro nampisehoan’i Jakoba fa olo azo atokisa ie ndra fa noveriveren’i Labana aza? Ka ino koa ty fianara azontsika baka amy raha zay? (Gen. 25:27; 29:26-28; Matio 5:37)
b) Ino ty ohatse nengàn’i Jakoba, ka ahità, fa samby hafa ty fitiava, noho ty hoe matimaty amin’olo na teatea aze? (Gen. 29:18, 20, 30; Tonon. 8:6)
d) Ia iaby ampela efatse nanjary valin’i Jakoba, sady niterahane reny? (Gen. 29:23, 24, 28, 29)
Nana Fianakaviam-be Jakoba
1. Ia iaby ty anara anake lahin’i Jakoba eny mirahalahy, naterane tamin’i Lea, valine voalohane iny?
2. Ia koa anake lahy roe nateran’i Zilpa mpanompon’i Rahely iny, ho an’i Jakoba?
3. Ia iaby ty anara anake lahy roe nateran’i Bila mpanompon’i Rahely, ho an’i Jakoba?
4. Ia ty anara anake lahin’i Rahely roe reny? Fe ino ty niseho laha fa niterake anake lahine faharoe iny Rahely?
5. Arake ty hita amy sary eo, firy ty anake lahin’i Jakoba? Razamben’ia iaby roze reo?
Fanontanea fanampine:
1. Vakio Genesisy 29:32-35; 30:1-26; noho 35:16-19.
Arake ty hitantsika amy anara anake lahin’i Jakoba 12 reo, manao akore ty fomba nanomeza anara ty anake lahy hebreo tamy andro taloha?
2. Vakio Genesisy 37:35.
Ndra Dina raike avao aza ro tonòny amy Baiboly ao, ino ty antone ahaìzantsika fa nanan’anake ampela maromaro Jakoba? (Gen. 37:34, 35)
Nahita Fahasahiràna Dina
1. Ino ty antone tsy nitiavan’i Abrahama noho Isaka hanambalea’ty anan-droze olo baka amy tany Kanana ao io?
2. Tean’i Jakoba va ty hinamà anak’ampelane iny ampela kananita reo?
3. Ia lahilahy manenty an’i Dina amy sary io? Ino ty raha raty nanòvine?
4. Ino ty raha nataon’i Simeona noho Levy, anadahin’i Dina reny, laha fa naharé ty raha niseho roze?
5. Nitean’i Jakoba va ty raha nataon’i Simeona noho Levy io?
6. Nanao akore ty nanomboha fahasahiràna maro tamy fianakavia io tao?
Fanontanea fanampine:
1. Vakio Genesisy 34:1-31.
a) Ino va ty antone ivolàna fa baka amin’i Dina avao ro nahavy aze tsy ho virijiny sasy, laha fa nisy nandrava aze? (Gal. 6:7)
b) Atoro’ty zatovo amy andro henany zao, fa nahazo anatse soa baka amy tantaran’i Dina roze. Amy fomba manao akore ro ampisehoan-droze raha zay? (Ohab. 13:20; 1 Kor. 15:33; 1 Jaona 5:19)
Tsy Tea An’i Josefa ty Rahalahine
1. Ino ty antone nialòna rahalahin’i Josefa reo aze? Ino ty raha nataon-droze?
2. Fa ho natao rahalahine reo ino Josefa? Fe ino hoasan’i Robena?
3. Ino ty raha niseho laha fa nisy Isimaelita nandalo?
4. Tea rahalahin’i Josefa reo ty hieritsereta baban-droze iny hoe maty Josefa. Ka, ino ty raha nataon-droze?
Fanontanea fanampine:
1. Vakio Genesisy 37:1-35.
a) Laha fa misy olo manao raha tsy mety amy fiangona ao, ino ty raha tokone hatao’ty Kristiana mba hanahàfa ty ohatse nengàn’i Josefa? (Gen. 37:2; Lev. 5:1; 1 Kor. 1:11)
b) Nanino rahalahin’i Josefa reo ro namitake aze? (Gen. 37:11, 18; Ohab. 27:4; Jak. 3:14-16)
d) Misy fihetsike azo atao nasehon’i Jakoba, laha fa nalahelo ie. Ino raha zay? (Gen. 37:35)
Nogadrà Josefa
1. Firy tao Josefa laha fa nandesy ta-Ejipta tany? Ino ty raha niseho laha fa niavy tany ie?
2. Nanino Josefa ro nogadrà?
3. Ino ty asa nampanaòvy an’i Josefa laha fa tam-pigadrà tany?
4. Ino ty raha nataon’i Josefa ho ahy mpanday kôpy noho mpanao mofon’i Farao niarake nogadrà tamine tao reny?
5. Ino ty raha niseho laha fa nafàha tam-pigadrà ao mpanday kôpy iny?
Fanontanea fanampine:
1. Vakio Genesisy 39:1-23.
Tamy andron’i Josefa le mbo tsy nisy lalàna voasoratse nandrara hoe tsy azo atao ty mangalake valin’olo na mandrànto, fe ino ro nitarike an’i Josefa hilay valin’i Potifara iny? (Gen. 2:24; 20:3; 39:9)
2. Vakio Genesisy 40:1-23.
a) Mba tantarao kelikele hoe ty nofy mpanday kôpy iny, noho ty fanazavà namean’i Jehovah an’i Josefa mikasike raha zay. (Gen. 40:9-13)
b) Ino ty nofy mpanao mofo iny? Hazavao koa ty dikane. (Gen. 40:16-19)
d) Amy fomba manao akore ro anahàfa’ty mpanompo mahatoky sy malina ty raha nataon’i Josefa amy andro henany zao? (Gen. 40:8; Sal. 36:9; Jaona 17:17; Asa. 17:2, 3)
e) Mety amy Kristiana va ty mankalaza ty andro nahateraha, laha Genesisy 40:20 io ro hentea? (Mpit. 7:1; Marka 6:21-28)
Ty Nofin’i Farao
1. Ino ty raha niseho tamin’i Farao ndraike haly?
2. Ino tamy farane ty antone nahatiarovan’i mpanday kôpy iny an’i Josefa?
3. Arake ty hita amy sary io, ino nofy roe ninofisin’i Farao reo?
4. Arake ty nohazavan’i Josefa, ino iaby ty dika nofy roe reo?
5. Nanjary lahilahy niavake noho nalaza ta-Ejipta tao nanarakarake an’i Farao Josefa, ino ty antone?
6. Ino ty antone niavia rahalahin’i Josefa reny ta-Ejipta tany? Nanino roze ro tsy nahay an’i Josefa?
7. Nofy manao akore iny ro nitiaron’i Josefa? Nanampy aze hahay ino raha zay?
Fanontanea fanampine:
1. Vakio Genesisy 41:1-57.
a) Tamy fomba manao akore ro nitarihan’i Josefa ty sain’olo ho amin’i Jehovah? Ino ty fianara tokone ho tahàfi’ty Kristiana baka amy ohatse nengàn’i Josefa? (Gen. 41:16, 25, 28; Matio 5:16; 1 Pet. 2:12)
b) Manahake ty raha miseho amy vahoakin’i Jehovah henany zao, fito tao nahavokatse ta-Ejipta tany iny. Mitovy ami’ty raha mahazo ty Kristianisma Anara kea, fito tao nisy mosary iny. Ino ty antone? (Gen. 41:29, 30; Amosa 8:11, 12)
2. Vakio Genesisy 42:1-8 noho 50:20.
Tsy mety ami’ty mpanompo-Ndranahare va ty miankohoke amin’olo anabo na mana fahefà, mba hanomeza voninahitse na hanajà aze, laha ohatse ka zay ty fombafomba misy amy tany io eo? (Gen. 42:6)
Notsapàn’i Josefa Rahalahine Reo
1. Nasaran’i Josefa ho mpitsikilo rahalahine reo. Ino ty antone?
2. Nanino Benjamina, anakin’i Jakoba faralahy iny ro nengàne handeha ta-Ejipta ane?
3. Tamy fomba manao akore ro nahavy kôpy volafotin’i Josefa iny ho tanaty kitapon’i Benjamina tao?
4. Ino ty raha nataon’i Joda, mba hanafàha an’i Benjamina?
5. Ino ty ahaìza fa nanjary soa fanahy rahalahin’i Josefa reo?
Fanontanea fanampine:
1. Vakio Genesisy 42:9-38.
Ino ty raha tokone ho tiaro mpiandraikitse kristiana reo, noho tokone hataon-droze laha safàn’i Josefa amy Genesisy 42:18 ao io ro hentea? (Neh. 5:15; 2 Kor. 7:1, 2)
2. Vakio Genesisy 43:1-34.
a) Robena ro talanolo, fe ino ty ahitantsika fa Joda ro nisolo tena rahalahine reo laha fa misy resake atao? (Gen. 43:3, 8, 9; 44:14, 18; 1 Tant. 5:2)
b) Tamy fomba manao akore ro nitsapàn’i Josefa rahalahine reo? Ino ty antone? (Gen. 43:33, 34)
3. Vakio Genesisy 44:1-34.
a) Nanao sary ho nahay ino Josefa mba tsy hahaìza rahalahine reo aze? (Gen. 44:5, 15; Lev. 19:26)
b) Tamy fomba manao akore ro nampisehoa rahalahin’i Josefa reo fa tsy raty fanahy sasy manahake ty taloha roze henany zao? (Gen. 44:13, 33, 34)
Nifindra Ta-Ejipta ane ty Fianakavia
1. Ino ty raha niseho laha fa nivòla tamy rahalahine reo Josefa hoe ia ie?
2. Ino ty raha nohazavàn’i Josefa soa tamy rahalahine reo?
3. Ino hoasan’i Farao laha fa naharé resake mikasike rahalahin’i Josefa reo ie?
4. Nanao akore ty hamaroa’ty fianakavian’i Jakoba laha fa nifindra ta-Ejipta ao roze?
5. Ino ty anara nikaìha fianakavian’i Jakoba reo laha fa tafara atoy. Ino ty antone?
Fanontanea fanampine:
1. Vakio Genesisy 45:1-28.
Hain’i Jehovah ty manova ty raha raty natao hampijalia ty mpanompone hanjary ho soa. Manao akore ty fomba iresàha’ty Baiboly raha zay amy tantaran’i Josefa ao? (Gen. 45:5-8; Isaia 8:10; Fil. 1:12-14)
2. Vakio Genesisy 46:1-27.
Ino ty raha nampitamànin’i Jehovah an’i Jakoba, laha mbo tan-dala ho a-Ejipta ane iny roze? (Gen. 46:1-4.)
Tsy Nivalike Tami-Ndranahare Joba
1. Ia Joba io?
2. Ino ty raha nandraman’i Satana natao? Fe nivitane va raha zay?
3. Ino ty raha nengàn’i Jehovah hataon’i Satana? Ino ty antone?
4. Ino ty antone nivolàna valin’i Joba iny tamin’i Joba hoe: “Manozòna an’Andranahare iha, ami’zay ho maty.” (Henteo sary io.)
5. Arake ty hitanao amy sary faharoe io eo, tamy fomba manao akore ro nitahian’i Jehovah an’i Joba? Ino ty antone?
6. Laha tsy mivalike amin’i Jehovah manahake an’i Joba tsika, ino va ty fitahia ho azontsika?
Fanontanea fanampine:
1. Vakio Joba 1:1-22.
Amy fomba manao akore ro azo’ty Kristiana anahàfa an’i Joba? (Joba 1:1; Fil. 2:15; 2 Pet. 3:14)
2. Vakio Joba 2:1-13.
Ino ty raha samby hafa nataon’i Joba noho valine iny, laha fa nampijaly an-droze Satana? (Joba 2:9, 10; Ohab. 19:3; Mika 7:7; Mal. 3:14)
3. Vakio Joba 42:10-17.
a) Ino ty mampitovy ty fitahia niazon’i Joba noho Jesosy tami’ty tsy fivalihan-droze tamin’i Jehovah? (Joba 42:12; Fil. 2:9-11)
b) Tsy nivalike tami-Ndranahare mihitsy Joba, ka nahazo fitahia. Manino ty fahaìzantsika raha zay ro manatanjake antsika? (Joba 42:10, 12; Heb. 6:10; Jak. 1:2-4, 12; 5:11)
Mpanjaka Raty Fanahy Ta-Ejipta Tao
1. Ia lahilahy mitanjake filatse amy sary io? Ia koa aze vangòa io?
2. Ino ty raha nahazo Israelita reo laha fa nimaty Josefa?
3. Nanino Ejipsiana reo ro nanjary navàka ty Israelita?
4. Ino ty didy namean’i Farao ze ampela nampiterake reny israelita?
Fanontanea fanampine:
1. Vakio Eksodosy 1:6-22.
a) Nanomboke nanatanterake raha nampitamànine an’i Abrahama iny Jehovah. Tamy fomba manao akore ro nanaòvane raha zay? (Eks. 1:7; Gen. 12:2; Asa. 7:17)
b) Natoron’ampela Hebreo mpampiterake reny, fa masy amin-droze ty ay. Tamy fomba manao akore? (Eks. 1:17; Gen. 9:6)
d) Ino ty fitahia niazon’ampela mpampiterake reo, tami’ty tsy fivalihan-droze amin’i Jehovah? (Eks. 1:20, 21; Ohab. 19:17)
e) Nampitamà Taranake ho an’i Abrahama Jehovah. Ka ino ty raha nataon’i Satana mba tsy hahatanterake fikasàn’i Jehovah zay? (Eks. 1:22; Matio 2:16)
Ty Fomba Nanavòta An’i Mosesy
1. Ia anak’ajà kelikele amy sary io? Tanan’ia tanjahane eo io?
2. Ino ty raha natao’ty renin’i Mosesy mba hiaròva aze tsy ho maty?
3. Ia ajà ampela amy sary io? Ino ty raha nataone?
4. Ino ty raha novolànin’i Miriama, laha fa nihita anak’ampelan’i Farao iny, anak’ajà kelikele io?
5. Ino ty raha novolàny anak’ampela mpanjaka io tamy renin’i Mosesy?
Fanontanea fanampine:
1. Vakio Eksodosy 2:1-10.
Ino iaby ty raha niazo renin’i Mosesy io nampianary an’i Mosesy, tamin’i Mosesy mbo nikelikele? Ino koa ty fianara azo’ty rae amin-drene baka amy raha zay? (Eks. 2:9, 10; Deot. 6:6-9; Ohab. 22:6; Efes. 6:4; 2 Tim. 3:15)
Nanino Mosesy ro Nilomay?
1. Taìa ty nahabe an’i Mosesy? Fe ino ty raha hainy mikasike ty rae amin-drenine?
2. Ino ty raha nataon’i Mosesy laha fa nifeno 40 tao ie?
3. Nisy lahilahy israelita raike zay hitan’i Mosesy nialy, ino ty raha novolànin’i Mosesy aze? Ino ty safà navaly lahilahy israelita io aze?
4. Ino ty antone nilaìsan’i Mosesy baka Ejipta ao io?
5. Nilay taìa Mosesy? Ia ty olo nihitane tany?
6. Ino ty raha nataon’i Mosesy tanaty 40 tao, tafara’ty nilaìsane baka Ejipta ane?
Fanontanea fanampine:
1. Vakio Eksodosy 2:11-25.
Ndre fa an-taony maro aza ty nianaran’i Mosesy ty fahendrean’Ejipsiana, le tsy nivalike tamin’i Jehovah noho ty vahoakine ie. Tamy fomba manao akore ro nampisehoane raha zay? (Eks. 2:11, 12; Heb. 11:24)
2. Vakio Asan’ny Apostoly 7:22-29.
Mosesy raike avao ro nanao ze hahafake Israelita reo tamy fanandevozan’Ejipsiana. Ino ty fianara azontsika baka amy raha zay? (Asa. 7:23-25; 1 Pet. 5:6, 10)
Hazo Nirehitse
1. Ino ty anara vohitse amy sary io?
2. Ino ty raha nahatserike nihitan’i Mosesy laha fa niarake ty aondrine tamy vohitse io teny ie?
3. Ino ty raha novolàny feo baka amy hazo nirehitse io tao? Feon’ia raha io?
4. Ino ty navalin’i Mosesy laha fa nivòla tamine Andranahare, fa ie ro hitarike vahoake-Ndranahare reo hiboake baka Ejipta ao?
5. Ino ty safà nampivolàni-Ndranahare an’i Mosesy, laha fa nanontany vahoake reo hoe ia ty nanirake aze?
6. Tamy fomba manao akore ro nampisehoan’i Mosesy, fa Andranahare ro nanirake aze?
Fanontanea fanampine:
1. Vakio Eksodosy 3:1-22.
Laha fa manenty tantaran’i Mosesy io tsika, le matoky fa hanampy antsika Jehovah, ndra mihevitse aza tsika hoe tsy mahay ty asa ampanaòvine antsika. Hazavao. (Eks. 3:11, 13; 2 Kor. 3:5, 6)
2. Vakio Eksodosy 4:1-20.
a) Ino tamy toetsin’i Mosesy ro niova tanaty 40 tao nijanonane ta-Midiana tany? Laha misy koa olo ta-hahazo andraikitse amy fiangona ao, ino ty fianara azony baka amy raha zay? (Eks. 2:11, 12; 4:10, 13; Mika 6:8; 1 Tim. 3:1, 6, 10)
b) Manahake ty raha niseho tamin’i Mosesy, ino koa ty atokisantsika, ndra mampiasa ty fandaminane, hananatse noho hanìty antsika aza Jehovah? (Eks. 4:12-14; Sal. 103:14; Heb. 12:4-11)
Namonjy An’i Farao Mosesy Noho Arona
1. Nanao akore Israelita reo laha fa nahita an’i Mosesy noho Arona nanao fahagagà?
2. Ino ty raha novolànin’i Mosesy noho Arona tamin’i Farao, fe ino ty navaly Farao an-droze?
3. Ino ty raha niseho laha fa natorakin’i Arona ty tehine, arake ty hita amy sary eo?
4. Tamy fomba manao akore ro nampianaran’i Jehovah an’i Farao? Ino ty raha nataon’i Farao laha fa nahazo anatse zay?
5. Ino ty raha niseho tafara loza fahafolo iny?
Fanontanea fanampine:
1. Vakio Eksodosy 4:27-31 noho 5:1-23.
Ino ty tean’i Farao ho volàny amy hoe: “Tsy haiko mihitsy Jehovah zao”? (Eks. 5:2; 1 Sam. 2:12; Rom. 1:21)
2. Vakio Eksodosy 6:1-13, 26-30.
a) Ino ty antone ivolàna fa tsy mbo nambaran’i Jehovah tamin’i Abrahama, Isaka, noho Jakoba ty mikasikasike aze? (Eks. 3:13, 14; 6:3; Gen. 12:8)
b) Nihevitse ty vatane ho tsy mahay ty asa nampanaòvin’i Jehovah aze mihitsy Mosesy, fe mbo nampiasan’i Jehovah avao. Mahavy antsika hieritseritse ino raha zay? (Eks. 6:12, 30; Lioka 21:13-15)
3. Vakio Eksodosy 7:1-13.
a) Nahasaky nivòla ty didim-pitsaràn’i Jehovah tamin’i Farao, Mosesy noho Arona. Tokone hanao ino kea ty mpanompo-Ndranahare mba hanahàfa an-droze? (Eks. 7:2, 3, 6; Asa. 4:29-31)
b) Tamy fomba manao akore ro nampisehoan’i Jehovah, fa mbo anabo mandilatse andranahare ejipsiana reo ie? (Eks. 7:12; 1 Tant. 29:12)
Loza Folo
1. Ino iaby ty loza telo voalohane nalefan’i Jehovah ta-Ejipta tao, arake ty hita amy sary eto?
2. Ino ty tsy nampitovy loza telo voalohane reo tami’ty loza hafa?
3. Ino va ty loza fahaefatse, fahalimy, noho fahaeny?
4. Mba tantarao ty mikasike loza fahafito, fahavalo, noho fahasivy iny.
5. Ino ty raha nampanaòvin’i Jehovah Israelita reo taloha’ty nandefasane loza fahafolo?
6. Ino ty loza fahafolo, noho ino koa ty raha niseho tafaran’io?
Fanontanea fanampine:
1. Vakio Eksodosy 7:19–8:19.
a) Nahavita nanao raha nitovy tamy loza roe voalohane nalefan’i Jehovah reny kea ty ombiasy ta-Ejipta tao. Fe ino ty raha tsy maintsy neké-ndroze tafara loza fahatelo iny? (Eks. 8:14, 15; Matio 12:24-28)
b) Omeo ty porofo fa mahavita miaro vahoakine reo Jehovah, arake ty hita amy loza fahaefatse io. Ka tokone hanao akore kea ty vahoaki-Ndranahare laha fa hahazo an-droze “fahoria be” amy hoavy io? (Eks. 8:18, 19; Apok. 7:13, 14; 2 Tant. 16:9)
2. Vakio Eksodosy 8:20; 9:3, 6, 10, 11, 14, 16, 23-25; noho 10:13-15, 21-23.
a) Antokon’olo roe ia iaby ro niafa-baràka laha fa niavy loza fahafolo iny? Ia ty mitovy amin-droze reo henany zao? Tsy atokisantsika hahavita ino kea roze? (Eks. 8:6, 14, 15; 9:14)
b) Mbo engàn’i Jehovah ho velo avao Satana zisiky henany zao, manazava ty antone ty Eksodosy 9:16. Hazavao. (Rom. 9:21, 22)
3. Vakio Eksodosy 12:21-32.
Nanavotse olo maro biby ty Paska, ino ty antone? Ino koa ty raha nifanandrify tamy Paska io laha fa tafara atoy? (Eks. 12:21-23; Jaona 1:29; Rom. 5:18, 19, 21; 1 Kor. 5:7)
Fiampità Riake Mena
1. Nisy firy ty lahilahy noho ampela voho ajà israelita niala ta-Ejipta tao? Ia koa ty olo hafa niarake tamin-droze?
2. Nanao akore Farao laha fa nengàne nandeha Israelita reny? Ino ty raha nataone laha fa bakeo?
3. Tsy tean’i Jehovah ho tratsin’Ejipsiana reo, ty Israelita. Ka ino ty raha nataone?
4. Ino ty raha niseho laha fa nampahitìn’i Mosesy tamy Riake Mena eo tehine iny? Ino koa ty raha nataon’Israelita reo?
5. Ino ty raha niseho laha fa nanìa Israelita reo tanaty riake tao ty Ejipsiana?
6. Tamy fomba manao akore ro nampisehoan’Israelita reo fa faly bibike tami’ty fanavòta nataon’i Jehovah an-droze roze?
Fanontanea fanampine:
1. Vakio Eksodosy 12:33-36.
Tao maro ty naha-andevo Israelita reo ta-Ejipta ane. Ka ino ty raha nataon’i Jehovah ho an-droze mba ho valy raha zay? (Eks. 3:21, 22; 12:35, 36)
2. Vakio Eksodosy 14:1-31.
Misy mpanompo-Ndranahare maro hanatri-maso aly Hara-magedona hoavy io. Ino ty raha azon-droze antoke laha fa mamaky safàn’i Mosesy amy Eksodosy 14:13, 14 ao io roze? (2 Tant. 20:17; Sal. 91:8)
3. Vakio Eksodosy 15:1-8, 20, 21.
a) Nanino ty mpanompo-Ndranahare ro tokone hanao hira fiderà ho an’i Jehovah? (Eks. 15:1, 2; Sal. 105:2, 3; Apok. 15:3, 4)
b) Amy fomba manao akore ro tokone hiderà’ty ampela kristiana an’i Jehovah, manahake ty nataon’i Miriama noho ty ampela hafa, tanila Riake Mena iny teo? (Eks. 15:20, 21; Sal. 68:11)
Hany Vaovao
1. Ino va raha timpònin’olo amy tany eo reo? Ino ty anara raha io?
2. Ino ty torohevitse namean’i Mosesy vahoake reo laha fa hangalake mana io roze?
3. Ino ty raha nampanaòvin’i Jehovah vahoakine reo tamy andro fahaeny? Ino ty antone?
4. Ino ty fahagagà nataon’i Jehovah laha fa najarỳ zisiky amy andro fahafito mana iny?
5. Tanaty firy tao ro nanomezan’i Jehovah mana ty vahoakine?
Fanontanea fanampine:
1. Vakio Eksodosy 16:1-36; Nomery 11:7-9.
a) Tokone hanaja lahilahy nofilì-Ndranahare hiasa amy fiangona ao reny tsika, laha Eksodosy 16:8 io ro hentea. Ino ty antone? (Heb. 13:17)
b) Tamin’Israelita reo tan’efitse tany, le natao tiaron-droze avao, fa mila miantehitse amin’i Jehovah roze. Tamy fomba manao akore ro nanaòva raha zay? (Eks. 16:14-16, 35; Deot. 8:2, 3)
d) Ino ty raha nampitovìn’i Jesosy tamy mana? Ka ino ro tokone hataontsika mba hahazòa fitahìa amy “mofo baka an-danitse” ane io? (Jaona 6:31-35, 40)
2. Vakio Josoa 5:10-12.
Tanaty firy tao ro nihinàna’ty Israelita mana? Ino ty antone ivolàna fa fitsapà an-droze raha zay? Ino koa ty fianara azontsika baka amy tantara io? (Eks. 16:35; Nom. 11:4-6; 1 Kor. 10:10, 11)
Nanome ty Lalàne Jehovah
1. Taìa ro nipetrahan’Israelita reo, roe vola tafara’ty nialan-droze ta-Ejipta tao?
2. Ino ty raha tean’i Jehovah hatao’ty vahoakine? Ino ty navalin-droze aze?
3. Manino va Mosesy ro namean’i Jehovah vato fisake roe?
4. Ino kea ty didy hafa namean’i Jehovah Israelita reo ankoatse’ty Didy Folo?
5. Ino ty lalàna roe farani’ze bevata namean’i Jesosy Kristy?
Fanontanea fanampine:
1. Vakio Eksodosy 19:1-25; 20:1-21; 24:12-18; noho 31:18.
Ino ty raha tokone hataon’olo fa nanolotse ty vatane ho an’i Jehovah, laha ty Eksodosy 19:8 ro hentea? (Matio 16:24; 1 Pet. 4:1-3)
2. Vakio Deoteronomia 6:4-6; Levitikosy 19:18; Matio 22:36-40.
Amy fomba manao akore ro ampisehoa’ty Kristiana fa tea an’Andranahare noho ty olo hafa ie? (Marka 6:34; Asa. 4:20; Rom. 15:2)
Anak’aomby Volamena
1. Ino va raha ataon’olo amy sary eo reo? Ino ty antone?
2. Nanino va Jehovah ro neloke? Ino ty raha nataon’i Mosesy laha fa nahita ty raha natao vahoake reo ie?
3. Ino ty raha nampanaòvin’i Mosesy ty lahilahy sasane?
4. Ino ty fianara azontsika baka amy tantara io?
Fanontanea fanampine:
1. Vakio Eksodosy 32:1-35.
a) Hataon’i Jehovah akore ty olo mampifangaro ty fivavàha marina noho ty fivavàha diso, laha fitantarà io ro hentea? (Eks. 32:4-6, 10; 1 Kor. 10:7, 11)
b) Tokone hanao akore ty Kristiana laha fa mifìly hira noho tsinjake teane hatao? (Eks. 32:18, 19; Efes. 5:15, 16; 1 Jaona 2:15-17)
d) Azo alà tahake ty raha natao fokon’i Levy reo, satria nanarake avao ty fahamarìna roze. Ino ty antone mahasoa raha nataon-droze zay? (Eks. 32:25-28; Sal. 18:25)
Tranolay Hanaòva Fanompoam-pivavàha
1. Ino va trano hitantsika amy sary eo io? Natao hanaòva ino trano io?
2. Nanino va Jehovah ro nivòla tamin’i Mosesy mba hanao tranolay io ho mora saratsarahy?
3. Ino va ty anara vata amy efitse kelikele, hita amy farane amy tranolay io ao? Ino iaby ty raha anatine ao?
4. Ia ro nofilìn’i Jehovah ho mpisoronabe? Ino ty asa nampanaòvy aze?
5. Misy raha telo amy efitse bevata amy tranolay io ao. Mba volàno iaby hoe!
6. Ino raha roe hita amy lakoro tabernakely io eo? Hanaòva ino raha reo?
Fanontanea fanampine:
1. Vakio Eksodosy 25:8-40; 26:1-37; 27:1-8; noho 28:1.
Ino ty dika kerobima napetrake tanabo “fiara’ty vavolombelo” teo reny? (Eks. 25:20, 22; Nom. 7:89; 2 Mpanj. 19:15)
2. Vakio Eksodosy 30:1-10, 17-21; 34:1, 2; noho Hebreo 9:1-5.
a) Tean’i Jehovah halio avao ty mpisoro manompo amy tabernakely ao. Ino ty antone? Tokone hanao akore kea tsika mpanompo-Ndranahare? (Eks. 30:18-21; 40:30, 31; Heb. 10:22)
b) Tamy apostoly Paoly nanoratse taratasy ho ahi’ty Kristiana hebreo le natorone fa lany daty ty tabernakely noho ty Lalàna. Hazavao. (Heb. 9:1, 9; 10:1)
Mpisafo Tany 12
1. Manao akore ty fahitanao voaloboke amy sary eo io? Baka aìa raha io?
2. Ino ty antone nandefasa Mosesy mpisafo tany 12 ho a-Kanana ane?
3. Ino ty raha novolàny mpisafo tany folo reny, laha fa nimpòly tamin’i Mosesy teo roze?
4. Tamy fomba manao akore ro nampisehoa’ty mpisafo tany roe fa natoky an’i Jehovah roze? Ia iaby anaran-droze?
5. Ino ty antone nampeloke an’i Jehovah? Ka ino ty safà novolànine tamin’i Mosesy?
Fanontanea fanampine:
1. Vakio Nomery 13:1-33.
a) Ia ro voafìly hanara-maso ty raha mikasikasike tany io? Ino ty antone azo ivolàna fa nahavoa roze? (Nom. 13:2, 3, 18-20)
b) Nanino Josoa noho Kaleba ro tsy nitovy hevitse tamy mpisafo tany hafa reny? Ino koa ty fianara azontsika baka amy raha zay? (Nom. 13:28-30; Matio 17:20; 2 Kor. 5:7)
2. Vakio Nomery 14:1-38.
a) Ino ty raha nahazo olo nimenimeny tamy solontenan’i Jehovah tan-tany etoy reny? Mananatse antsika mba tsy hanao ino koa raha zay? (Nom. 14:2, 3, 27; Matio 25:40, 45; 1 Kor. 10:10)
b) Resahi’ty Nomery 14:24 fa mikarakara soa ty mpanompone kiraidraike Jehovah. Hazavao. (1 Mpanj. 19:18; Ohab. 15:3)
Folera Nitìry Tamy Tehin’i Arona
1. Nisy olo tsy naneky an’i Mosesy noho Arona hitarike an-droze sasy. Ia iaby olo reo? Ino ty raha novolànin-droze tamin’i Mosesy?
2. Ino ty raha nampanaòvin’i Mosesy an’i Kora noho lahilahy mpanarake aze 250 reny?
3. Ino ty raha novolànin’i Mosesy tamy vahoake reny? Ino koa ty raha niseho laha vo tampitse safàn’i Mosesy io?
4. Ino ty raha nahazo an’i Kora noho lahilahy 250 niarake tamine reny?
5. Nataon’i Eleazara anake lahin’i Arona io akore ty fandaìsan’afo lahilahy nimaty teo reny? Ino ty antone?
6. Nasian’i Jehovah folera nitìry tamy tehin’i Arona teo. Ino ty antone? (Henteo sary io.)
Fanontanea fanampine:
1. Vakio Nomery 16:1–17:14.
a) Ino ty raha nataon’i Kora noho lahilahy mpanarake aze reny? Ino ty antone ivolàna fa tsy fanekea ty fahefàn’i Jehovah raha nataon-droze zay? (Nom. 16:9, 10, 18; Lev. 10:1, 2; Ohab. 11:2)
b) Ino ty hevitse diso nanànan’i Kora noho lahilahy 250 “loha’ty fiangona” namane reny? (Nom. 16:1-3; Ohab. 15:33; Isaia 49:7)
2. Vakio Nomery 17:16-26 noho 26:10.
a) Ino ty dika folera nitìry tamy tehin’i Arona teo iny? Nanino raha io ro nampanajarìn’i Jehovah tamy fiara’ty fanekea tao? (Nom. 17:20, 23, 25)
b) Misy fianara bevata azontsika tamy folera nitìry tamy tehin’i Arona iny. Ino fianara io? (Nom. 17:25; Asa. 20:28; Fil. 2:14; Heb. 13:17)
Nipaiky Vatolampy Mosesy
1. Tamy fomba manao akore ro nikarakaràn’i Jehovah Israelita reo, tamin-droze tan’efitsy tany?
2. Ino ty raha nampimenimeny Israelita reo tamin-droze ta-Kadesy tao?
3. Tamy fomba manao akore ro nanomezan’i Jehovah rano hinomi’ty olo noho ty biby?
4. Ia va olo manondro ty vatane amy sary eo io, noho ino ty antone nanaòvane raha manahake zay?
5. Nanino Jehovah ro neloke tamin’i Mosesy noho Arona? Ino ty sazy namea an-droze?
6. Ino ty raha niseho laha fa tamy Vohitse Hora teo? Ia koa ro nanjary mpisoronaben’Israely nanomboke teo?
Fanontanea fanampine:
1. Vakio Nomery 20:1-13, 22-29 noho Deoteronomia 29:4.
a) Ino ty fianara azontsika laha fa mandinike ty fomba nikarakaràn’i Jehovah Israelita reo tan’efitsy tany tsika? (Deot. 29:4; Matio 6:31; Heb. 13:5; Jak. 1:17)
b) Tsy nohamasìnin’i Mosesy noho Arona tamin’Israelita reo teo ty anaran’i Jehovah. Nanao akore ty fahitàn’i Jehovah fihetsikin-droze zay? (Nom. 20:12; 1 Kor. 10:12; Apok. 4:11)
d) Nanao akore ty fihetsikin’i Mosesy laha fa nosazìn’i Jehovah ie? Ino koa ty fianara azontsika baka amy tantara zay? (Nom. 12:3; 20:12, 27, 28; Deot. 32:4; Heb. 12:7-11)
Bibilava Saba
1. Ino va raha mihodidy amy hazo amy sary eto io? Jehovah ro nivòla tamin’i Mosesy mba hametake raha io teo, ino va ty antone?
2. Amy fomba manao akore ro ahità fa tsy nisaotse noho tsy faly tami’ty raha iaby natao-Ndranahare ho an-droze vahoake reo?
3. Ino ty raha nangataha vahoake reo hataon’i Mosesy laha fa nandefa bibilava misy poìzy reo mba hanasazỳ an-droze Jehovah?
4. Ino ty antone nampanamboaran’i Jehovah bibilava saba io an’i Mosesy?
5. Ino ty fianara azontsika baka amy tantara io?
Fanontanea fanampine:
1. Vakio Nomery 21:4-9.
a) Nitarày sady nimenimeny tami’ze raha namean’i Jehovah an-droze Israelita reo? Ino kea ty anatse azontsika baka amy raha zay? (Nom. 21:5, 6; Rom. 2:4)
b) Nataon’Israelita reo ino bibilava saba io laha fa taonjato maromaro tafara atoy? Ka ino ty raha nataon’i Hezekia Mpanjaka? (Nom. 21:9; 2 Mpanj. 18:1-4)
2. Vakio Jaona 3:14, 15.
Ino ty antone ivolàna fa mampiseho ty fomba namantsìha an’i Jesosy Kristy tamy hazo fijalea, ty fametraha bibilava saba io tamy hazo teo? (Gal. 3:13; 1 Pet. 2:24)
Ampondra Mivòla
1. Ia va Balaka zao? Ino ty antone nampangalàne an’i Balama io?
2. Nanino va ty ampondran’i Balama ro nipetrake tan-dalavato teo?
3. Ino ty raha novolàny ampondra iny tamin’i Balama?
4. Ino ty raha novolàni’ty anjele raike tamin’i Balama?
5. Ino ty raha niseho laha fa ho nanòzo ty Israely Balama?
Fanontanea fanampine:
1. Vakio Nomery 21:21-35.
Nanino va Israelita reo ro naharesy an’i Sihona, mpanjaka’ty Amorita, noho Oga, Mpanjakan’i Basana? (Nom. 21:21, 23, 33, 34)
2. Vakio Nomery 22:1-40.
Ino ty antone naneken’i Balama hanòzo ty Israelita, ka ino ty fianara azontsika baka amy raha zay? (Nom. 22:16, 17; Ohab. 6:16, 18; 2 Pet. 2:15; Joda 11)
3. Vakio Nomery 23:1-30.
Atao ho mpivavake amin’i Jehovah io Balama laha fa niresake, fe ino ro nahità fa tsy marina raha zay? (Nom. 23:3, 11-14; 1 Sam. 15:22)
4. Vakio Nomery 24:1-25.
Manatanjake ty finoantsika tantara io. Hita ao fa tsy maintsy ho tanterake ty fikasàn’i Jehovah. Hazavao. (Nom. 24:10; Isaia 54:17)
Nanjary Mpitarike Josoa
1. Ia lahilahy roe miarake amy Mosesy amy sary eo reo?
2. Ino ty raha novolànin’i Jehovah tamin’i Josoa?
3. Nanino Mosesy ro nanganike tamy farane anabo amy Vohitse Nebo eny? Ino ty raha novolànin’i Jehovah tamine?
4. Firy tao Mosesy vo nimaty?
5. Nanino ty olo ro nalahelo, fe ino kea ty antone nahafaly an-droze?
Fanontanea fanampine:
1. Vakio Nomery 27:12-23.
Ino ty asa nampanaòvin’i Jehovah an’i Josoa, voho ino koa ro ahità fa mikarakara soa ty vahoakine Jehovah henany zao? (Nom. 27:15-19; Asa. 20:28; Heb. 13:7)
2. Vakio Deoteronomia 3:23-29.
Nanino va Mosesy noho Arona ro tsy nengàn’i Jehovah hilitse tamy tany nampitamàne tao io? Ino koa ty fianara azontsika baka amy raha zay? (Deot. 3:25-27; Nom. 20:12, 13)
3. Vakio Deoteronomia 31:1-8, 14-23.
Porofò fa nanambany ty vatane Mosesy, ka naneke ty sazy nataon’i Jehovah tamine arake ty resake nataone farane? (Deot. 31:6-8, 23)
4. Vakio Deoteronomia 32:45-52.
Tokone hanao akore amy fiaìnantsika ty heri’ty Safà-Ndranahare? (Deot. 32:47; Lev. 18:5; Heb. 4:12)
5. Vakio Deoteronomia 34:1-12.
Mbo tsy nihitan’i Mosesy mihitsy Jehovah zao, fe nanao akore ty fomba nifampikasohane tamine arake ty resahy Deoteronomia 34:10? (Eks. 33:11, 20; Nom. 12:8)
Navònin’i Rahaba Mpisafo Tany Reny
1. Nipetrake taìa Rahaba?
2. Ia lahilahy roe hitantsika amy sary eo reo? Ino ty nataon-droze ta-Jeriko ane?
3. Ino ty raha nampanaòvy mpanjakan’i Jeriko iny an’i Rahaba? Fe ino ty navalin’i Rahaba aze?
4. Tamy fomba manao akore ro nanampian’i Rahaba lahilahy roe reny? Ino koa ty raha nangatahin’i Rahaba tamin-droze?
5. Nampitamà ino an’i Rahaba mpisafo tany roe lahy reo?
Fanontanea fanampine:
1. Vakio Josoa 2:1-24.
Tamy fomba manao akore ro nahatanterake safà nampitàmanin’i Jehovah amy Eksodosy 23:27 ao iny, laha fa nanafike an’i Jeriko ty Israelita? (Josoa 2:9-11)
2. Vakio Hebreo 11:31.
Laha ohatsin’i Rahaba io ro hentea, nanino ro ilà vatane ty finoa? (Rom. 1:17; Heb. 10:39; Jak. 2:25)
Fiampità amy Ranon’i Jordana
1. Ino va ty fahagagà nataon’i Jehovah mba hahafahan’Israelita reo hitsàky Ranon’i Jordana io?
2. Ino ty asa maneho finoa tokone nataon’Israelita reo mba hahafahan-droze hitsàky Ranon’i Jordana io?
3. Nanino va Josoa ro nampangalàn’i Jehovah vato 12 baka amy farane ambany renirano io tao?
4. Ino ty raha niseho laha vo niboake baka amy Ranon’i Jordana ao mpisoro reny?
Fanontanea fanampine:
1. Vakio Josoa 3:1-17.
a) Ino ty raha tokone hataontsika mba hahazoa ty fanampian’i Jehovah noho ty fitahiane, laha tantara toy ro dinihy? (Josoa 3:13, 15; Ohab. 3:5; Jak. 2:22, 26)
b) Nanao akore Ranon’i Jordana io tamin’Israelita reo niampita teo, ka handeha ho amy Tany Nampitamàne ane? Ino koa ty antone ivolàna fa nanome voninahitse ty anaran’i Jehovah raha zay? (Josoa 3:15; 4:18; Sal. 66:5-7)
2. Vakio Josoa 4:1-18.
Nanino va vato 12 reny ro nalà ta-Jordana ao, ka nafindra a-Gilgala ane io? (Josoa 4:4-7)
Rindrin’i Jeriko
1. Ino ty raha nampanaòvin’i Jehovah miaramila reo noho ty mpisoro tanaty enin’andro?
2. Ino ty raha tokone hatao lahilahy reo tamy andro fahafito?
3. Nanao akore rindrin’i Jeriko io, laha sary io ro hentea?
4. Nanino lafonety io ro misy taly mena mihanto?
5. Tean’i Jehovah hatao akore tanà io noho olo nipetrake tao reny? Fe natao akore ty volafoty noho ty volamena, ty saba noho ty vy tao?
6. Ino ty raha nampanaòvy mpisafo tany roe lahy reny?
Fanontanea fanampine:
1. Vakio Josoa 6:1-25.
a) Ino ty antone ivolàna fa mitovy amy fitoria atao’ty Vavolombelon’i Jehovah amy andro henany zao, ty fandehanan’Israelita reo nanodidy an’i Jeriko tamy andro fahafito? (Josoa 6:15, 16; Isaia 60:22; Matio 24:14; 1 Kor. 9:16)
b) Tamy fomba manao akore ro nahatanterake faminania amy Josoa 6:26 ao laha fa afake 500 tao tafara atoy? Ino koa ty fianara azontsika baka amy raha zay mikasike ty safàn’i Jehovah? (1 Mpanj. 16:34; Isaia 55:11)
Mpangalatse Raike Tamin’Israely Teo
1. Ia va lahilahy amy sary mamòny ty raha nangalàrine baka Jeriko ane io? Ia koa lahilahy manampy aze eo reo?
2. Ino ty naha raty biby ty raha nataon’i Akana noho ty fianakaviane?
3. Ino va ty safà navalin’i Jehovah an’i Josoa laha fa nanontany aze ty antone naharesy an-droze ta-Ay tany Josoa?
4. Ino ty raha niseho laha fa nandesy tamy Josoa teo, Akana noho ty fianakaviane?
5. Ino ty fianara azontsika baka ami’ty loza nahazo an’i Akana?
Fanontanea fanampine:
1. Vakio Josoa 7:1-26.
a) Nanao akore ty fifankahazoa nisy tamin’i Josoa noho ty Mpamoro aze, laha vavake nataone io ro hentea? (Josoa 7:7-9; Sal. 119:145; 1 Jaona 5:14)
b) Mampiseho ino ohatsin’i Akana io? Nanino raha io ro fananàra maré ho antsika? (Josoa 7:11, 14, 15; Ohab. 15:3; 1 Tim. 5:24; Heb. 4:13)
2. Vakio Josoa 8:1-29.
Ino ty raha tokone hatao’ty Kristiana kiraidraike laha fa mahatratsy olo nanota amy fiangona ao? (Josoa 7:13; Lev. 5:1; Ohab. 28:13)
Gibeonita Hendry
1. Ino ty tsy nampitovy Gibeonita reo tami’ty Kananita nipetrake tamy tanà manodidy teo?
2. Ino ty raha natao Gibeonita reo arake ty hita amy sary io, ino ty antone?
3. Nampitamà ino tamy Gibeonita reo Josoa noho ty mpitarike israelita? Fe ino ty nihain-droze laha fa afake telo andro tafara atoy?
4. Ino ty raha niseho laha fa nihai’ty mpanjaka tamy tanà hafa tany fa nifanarake soa tamin’Israely ty Gibeonita?
Fanontanea fanampine:
1. Vakio Josoa 9:1-27.
a) Narovan’i Jehovah avao ty Gibeonita ndra fa nanome didy Israelita reo mba “handripake ty olo iaby an-tany etoy” aza ie. Ino iaby ty toetsin’i Jehovah hita amy raha zay? (Josoa 9:22, 24; Matio 9:13; Asa. 10:34, 35; 2 Pet. 3:9)
b) Tsy nivalike tamy fifanekea nataone tamy Gibeonita reo Josoa. Ino koa ty fianara soa azo’ty Kristiana alà tahake baka amy raha zay henany zao? (Josoa 9:18, 19; Matio 5:37; Efes. 4:25)
2. Vakio Josoa 10:1-5.
Afake manahake Gibeonita reo ty vahoake be, amy fomba manao akore? Hahazo ino roze laha manao raha zay? (Josoa 10:4; Zak. 8:23; Matio 25:35-40; Apok. 12:17)
Nijàno ty Masoandro
1. Ino va raha volànin’i Josoa amy sary eo io, voho ino ty antone?
2. Tamy fomba akore ro nanampian’i Jehovah an’i Josoa noho ty miaramilane?
3. Firy ty mpanjaka resin’i Josoa? Nila firy tao ie mba handresea fahavalone reo?
4. Ino ty antone nizaràn’i Josoa tany Kanana io?
5. Firy tao Josoa vo nimaty? Ino ty raha niseho tafara raha zay?
Fanontanea fanampine:
1. Vakio Josoa 10:6-15.
Ino ty raha azontsika antoke, laha fa haintsika fa nampijàno ty masoandro noho ty vola ho an’Israelita reo Jehovah? (Josoa 10:8, 10, 12, 13; Sal. 18:3; Ohab. 18:10)
2. Vakio Josoa 12:7-24.
Ia ty naharesy mpanjaka 31 ta-Kanana tao reny? Manino raha zay ro misy dikane bevata ho antsika? (Josoa 12:7; 24:11-13; Deot. 31:8; Lioka 21:9, 25-28)
3. Vakio Josoa 14:1-5.
Nanao akore ty fomba nizarà tany ho ahi’ty fokon’Israely? Mampiseho ino mikasike ty lova ho azontsika amy Paradisa ao raha zay? (Josoa 14:2; Isaia 65:21; Ezek. 47:21-23; 1 Kor. 14:33)
4. Vakio Mpitsara 2:8-13
Ia henany zao ro manàka ty fiparitaha’ty fivaliham-pinoa, manahake ty nataon’i Josoa ta-Israely tany? (Mpits. 2:8, 10, 11; Matio 24:45-47; 2 Tes. 2:3-6; Tit. 1:7-9; Apok. 1:1; 2:1, 2)
Ampela Roe Nahery Fo
1. Ino va mpitsara zao, voho ia ty anara’ty sasane amin-droze?
2. Asa soa ino ro nataon’i Debora? Ino iaby ty raha ataone amy asane zay?
3. Ino ty hafatse nampandesin’i Jehovah an’i Debora ho an’i Baraka Mpitsara, laha fa nila aly tamin’i Baraka, Jabina Mpanjaka noho Sisera mpitarike ty miaramilane? Fe ia ro novolàny fa hahazo voninahitse baka amy raha zay?
4. Tamy fomba manao akore ro nahità fa nahery fo Jaela?
5. Ino ty raha niseho laha fa nimaty Jabina Mpanjaka?
Fanontanea fanampine:
1. Vakio Mpitsara 2:14-22.
Nanino Jehovah ro nimeloke tamin’Israelita reo? Ino koa ty fianara azontsika baka amy raha zay? (Mpits. 2:20; Ohab. 3:1, 2; Ezek. 18:21-23)
2. Vakio Mpitsara 4:1-24.
Ino ty fianara azo’ty ampela kristiana alà tahake baka amy finoa noho herim-po nanànan’i Debora noho Jaela? (Mpits. 4:4, 8, 9, 14, 21, 22; Ohab. 31:30; 1 Kor. 16:13)
3. Vakio Mpitsara 5:1-31.
Nanao hiram-pandresea Baraka noho Debora. Azontsika alà tahake kea raha io laha fa mivavake mikasike aly Hara-magedona mbo ho avy iny tsika. Ino ty antone? (Mpits. 5:3, 31; 1 Tant. 16:8-10; Apok. 7:9, 10; 16:16; 19:19-21)
Rota Noho Naomy
1. Ino ty nahavy an’i Naomy hipetrake amy tany Moaba ao?
2. Ia moa Rota noho Orpa io?
3. Ino ty raha nataon’i Rota noho Orpa, laha fa nivòla an-droze mba holy an-tanàn-droze ane Naomy?
4. Ia va Boaza zao? Nanao akore ty fomba nanampiane an’i Rota noho Naomy?
5. Niterake Rota noho Boaza. Ia ty anaran’anan-droze io? Manino tsika ro tokone hahatiaro aze?
Fanontanea fanampine:
1. Vakio Rota 1:1-17.
a) Ino ty safà novolànin’i Rota tamin’i Naomy, ka mampiseho fa teane biby Naomy sady tsy niovaova ty fitiavane aze? (Rota 1:16, 17)
b) Manao akore ty fihevera “aondry hafa” reo ty voahosotse an-tany etoy, laha ampitovỳ amy toe-tsain’i Rota? (Jaona 10:16; Zak. 8:23)
2. Vakio Rota 2:1-23.
Ohatse soa manao akore ro nengàn’i Rota ho ahi’ty somonjara henany zao? (Rota 2:17, 18; Ohab. 23:22; 31:15)
3. Vakio Rota 3:5-13.
a) Nanambaly an’i Boaza Rota, fa tsy lahilahy hafa mitovitovy tao amine. Nanao akore ty fahitan’i Boaza raha nataon’i Rota zay?
b) Tsy niovaova ty fitiavan’i Rota. Ino ty fianara azontsika baka amy raha zay? (Rota 3:10; 1 Kor. 13:4, 5)
4. Vakio Rota 4:7-17.
Ino ty raha tokone hatao’ty lahilahy kristiana, laha ta hitovy amin’i Boaza roze? (Rota 4:9, 10; 1 Tim. 3:1, 12, 13; 5:8)
Gideona Noho ty Namane 300
1. Ino ty fahasahiràna bevata nahazo Israelita reo? Ino ty antone?
2. Nanino Jehovah ro nivòla tamin’i Gideona hoe maro maré miaramilane reo?
3. Firy ty lahilahy tavela, laha fa nampolìn’i Gideona iaby lahilahy navàka reny?
4. Hazavao baka amy sary io, ty fomba nampihenan’i Jehovah miaramilan’i Gideona reny ho 300 avao.
5. Nanao akore ty fomba nandaminan’i Gideona lahilahy 300 namane reo, noho ty fomba nahazoan-droze fandresea?
Fanontanea fanampine:
1. Vakio Mpitsara 6:36-40.
a) Ino ty raha nataon’i Gideona mba hahaìzane soa ty sitrapò-Ndranahare?
b) Manao akore ty fomba ahaìzantsika amy andro henany zao ty sitrapò-Ndranahare? (Ohab. 2:3-6; Matio 7:7-11; 2 Tim. 3:16, 17)
2. Vakio Mpitsara 7:1-25.
a) Ino ty fianara azontsika baka amy lahilahy 300 nahay niamby soa, fa tsy nanahake ty hafa tsy nidary reny? (Mpits. 7:3, 6; Rom. 13:11, 12; Efes. 5:15-17)
b) Manahake lahilahy 300 nanenty soa an’i Gideona reny, ino koa ty raha ianarantsika laha fa manenty an’i Jesosy Kristy, aze Gideona Be iny tsika? (Mpits. 7:17; Matio 11:29, 30; 28:19, 20; 1 Pet. 2:21)
d) Manampy antsika ho faly avao ami’ze fanompoa andefasan’i Jehovah antsika ndre aìa ndre aìa amy fandaminan’i Jehovah eo, ty Mpitsara 7:21. Ino ty antone? (1 Kor. 4:2; 12:14-18; Jak. 4:10)
3. Vakio Mpitsara 8:1-3.
Laha fa tsy mifankahazo amintsika ty rahalahy na anabavy raike; ino ty fianara azontsika tamy fomba nandaminan’i Gideona ty alin-droze amy Efraimita reo? (Ohab. 15:1; Matio 5:23, 24; Lioka 9:48)
Voady Nataon’i Jefta
1. Ia va Jefta zao? Velo tamy fotoa nanao akore ie?
2. Ino ty fanta nataon’i Jefta tamin’i Jehovah?
3. Nimpòly an-tranone ane Jefta, laha fa baka naharesy Amonita reo. Fe nanino ie ro nalahelo?
4. Ino ty raha novolàny anak’ampelan’i Jefta iny, laha fa nihaine voady natao babane io?
5. Nanino anak’ampelan’i Jefta iny ro tean’olo?
Fanontanea fanampine:
1. Vakio Mpitsara 10:6-18.
Mananatse antsika amin’ino ty fivalìhan’Israely tamin’i Jehovah? (Mpits. 10:6, 15, 16; Rom. 15:4; Apok. 2:10)
2. Vakio Mpitsara 11:1-11, 29-40.
a) Tsy noròan’i Jefta manahake olo atao soro amy afo io anak’ampelane iny. Fe, ino ro ahaìzantsika raha zay, laha ty dika safà toy ro hentea: nataon’i Jefta “fanatitse doròa” anak’ampelane iny? (Mpits. 11:31; Lev. 16:24; Deot. 18:10, 12)
b) Tamy fomba manao akore ro nanaòvan’i Jefta soro ty anak’ampelane?
d) Notanterahin’i Jefta tamin’i Jehovah soa voady nataone iny. Ino ty fianara azontsika baka amy raha zay? (Mpits. 11:35, 39; Mpit. 5:3, 4; Matio 16:24)
e) Ino ty ohatse soa nengà anak’ampelan’i Jefta iny, ho fampirisìha ty tanora kristiana hanompo an’i Jehovah manontolo andro? (Mpits. 11:36; Matio 6:33; Fil. 3:8)
Lahilahy Natanjake Bibike
1. Ia va ty anara lahilahy natanjake bibike taloha fa ela iny? Ia ty nanome aze tanjakine io?
2. Nataon’i Samsona akore ty liona raike, arake ty hita amy sary io?
3. Ino va sekiré nambaran’i Samsona an’i Delila amy sary io? Nahavy an’i Samsona hosambòry Filistina reo raha zay. Ino ty antone?
4. Nahavita namono Filistina 3 000 Samsona, tamy andro nahafatesane. Nanao akore ty fomba nahavitàne raha zay?
Fanontanea fanampine:
1. Vakio Mpitsara 13:1-14.
Ino ty ohatse soa namean-dr’i Manoa morovale ty rae noho reny miteza anake henany zao? (Mpits. 13:8; Sal. 127:3; Efes. 6:4)
2. Vakio Mpitsara 14:5-9 noho 15:9-16.
a) Manao akore ty fomba fiasa’ty fanahy masin’i Jehovah, laha ty fomba namonoan’i Samsona liona, noho ty nanapahane taly vaovao naféhy aze, voho ty namonoane lahilahy 1 000 tamy taòlan’ampondra reny, ro resahy?
b) Manao akore ty fomba anampia’ty fanahy masy antsika henany zao? (Mpits. 14:6; 15:14; Zak. 4:6; Asa. 4:31)
3. Vakio Mpitsara 16:18-31.
Ino ty raha nahazo an’i Samsona laha fa niarake tamy nama raty ie. Ka ino kea ty fianara azontsika baka amy raha zay? (Mpits. 16:18, 19; 1 Kor. 15:33)
Anak’ajà Kelikele Manompo An’Andranahare
1. Ia va ty anaran’ajà kelikele amy sary io? Ia kea olo miarake amine reo?
2. Ino ty vavake nataon’i Hana tamin’i Jehovah, laha fa nandeha tamy tabernakely tany ie ndraike andro? Nanao akore ty fomba namalian’i Jehovah vavake io?
3. Firy tao Samoela tamin’ie nandesy hanompo amy tranolain’i Jehovah ao? Ino ty raha namboari’ty renine ho aze isan-tao?
4. Ia ty anara anake lahin’i Ely reny? Olo nanao akore roze reo?
5. Tamy fomba manao akore ty nikaìhan’i Jehovah an’i Samoela? Ino ty raha novolànin’i Jehovah tamine?
6. Nanjary ino Samoela laha fa nihabe? Ino ty raha niseho laha fa antitse ie?
Fanontanea fanampine:
1. Vakio 1 Samoela 1:1-28.
a) Nitarike ty fianakaviane mba hanarake ty fivavàha marina Elkana. Ino ty ohatse soa nengàne ho ahi’ty lahilahy loham-pianakavia? (1 Sam. 1:3, 21; Matio 6:33; Fil. 1:10)
b) Laha fa misy fahasahiràna bevata mahazo antsika; ino ty fomba azontsika anahàfa an’i Hana? (1 Sam. 1:10, 11; Sal. 55:22; Rom. 12:12)
2. Vakio 1 Samoela 2:11-36.
Tamy fomba manao akore ro nanomezan’i Ely voninahitse anane reo mihoatse an’i Jehovah? Ino ty fananàra azontsika baka amy raha zay? (1 Sam. 2:22-24, 27, 29; Deot. 21:18-21; Matio 10:36, 37)
3. Vakio 1 Samoela 4:16-18.
Ino iaby vaovao raty efatse baka an’aly ane reny? Nanao akore Ely laha fa naharé raha rezay?
4. Vakio 1 Samoela 8:4-9.
Ino ty antone nampeloke maré an’i Jehovah tamin’Israelita reo? Ino kea ty hanampy antsika tsy hivalike amy Fanjakàn’i Jehovah? (1 Sam. 8:5, 7; Jaona 17:16; Jak. 4:4)
Saoly, Mpanjakan’Israely Voalohane
1. Ino ty raha ataon’i Samoela amy sary io? Ino ty antone?
2. Ino ty antone nitiavan’i Jehovah an’i Saoly? Lahilahy nanao akore moa Saoly?
3. Ia ty anara anake lahin’i Saoly iny? Ino ty raha natao anane io?
4. Nataon’i Saoly raike avao soro iny, fa tsy nandìny an’i Samoela ie. Ino ty antone?
5. Ino ty raha ianarantsika baka amy tantaran’i Saoly io?
Fanontanea fanampine:
1. Vakio 1 Samoela 9:15-21 noho 10:17-27.
Nanetry tena Saoly. Nanampy aze tsy hamaly ty raha raty nataon’olo tamine raha zay. Ino ty antone? (1 Sam. 9:21; 10:21, 22, 27; Ohab. 17:27)
2. Vakio 1 Samoela 13:5-14.
Ino ty fahotà nataon’i Saoly ta-Gilgala tany? (1 Sam. 10:8; 13:8, 9, 13)
3. Vakio 1 Samoela 15:1-35.
a) Ino ty fahotà bevata nataon’i Saoly mikasike an’i Agaga, mpanjakan’Amalekita? (1 Sam. 15:2, 3, 8, 9, 22)
b) Ino ty fialàn-tsiny nataon’i Saoly? Nasàrane an’ia ty hadisoane? (1 Sam. 15:24)
d) Ino ty raha tsy tokone hataontsika, laha fa misy olo manoro hevitse antsika? (1 Sam. 15:19-21; Sal. 141:5; Ohab. 9:8, 9; 11:2)
Nifìly An’i Davida Andranahare
1. Ia ty anaran’ajà lahilahy amy sary io? Ino koa ro ahaìzantsika fa mahery fo ie?
2. Nipetrake taìa Davida io? Ia va ty anara’ty baban’i Davida noho ty razane lahilahy?
3. Nanino Samoela ro niràhin’i Jehovah ho an-tranon’i Jese, a-Betlehema ane?
4. Ino ty raha niseho laha fa nandesin’i Jese tamin’i Samoela teo iaby anane fito lahy reny?
5. Ino ty raha novolànin’i Jehovah an’i Samoela, laha fa nandesy tamine teo Davida?
Fanontanea fanampine:
1. Vakio 1 Samoela 17:34, 35.
Hazavao baka amy raha niseho reto, fa be herim-po Davida sady natoky an’i Jehovah avao. (1 Sam. 17:37)
2. Vakio 1 Samoela 16:1-14.
a) Manampy antsika tsy hanavakavake volon’olo noho tsy hitsaratsara olo fahatane ty 1 Samoela 16:7. Hazavao. (Asa. 10:34, 35; 1 Tim. 2:4)
b) Manahake ty raha nahazo an’i Saoly; ino ro ahaìzantsika fa mety hisy fanahy raty na fanirìa hanao raha raty, hilitse an-tsain’olo raike ao, laha fa alàn’i Jehovah amine ty fanahine? (1 Sam. 16:14; Matio 12:43-45; Gal. 5:16)
Davida Noho Goliata
1. Nikizake miaramilan’Israelita reo mba hanao ino Goliata?
2. Nanao akore ty habevatan’i Goliata? Ino ty raha nampitamànin’i Saoly ze olo nahafaty an’i Goliata?
3. Nivòla an’i Davida Saoly, fa tsy haharesy an’i Goliata ie, satria mbo anak’ajà maré. Fe ino ty safà navalin’i Davida an’i Saoly?
4. Arake ty safà navalin’i Davida an’i Goliata, fomba manao akore ro nampisehoan’i Davida fa niantehitse tamin’i Jehovah ie?
5. Arake ty hitanao amy sary io, nampiasa ino Davida, mba hamonoa an’i Goliata? Ino ty raha natao Filistina reny tafarani’zay?
Fanontanea fanampine:
1. Vakio 1 Samoela 17:1-54.
a) Nanino Davida ro tsy navàka mihitsy? Afake mana herim-po manahake aze kea va tsika? Ami’ty fomba manao akore? (1 Sam. 17:37, 45; Efes. 6:10, 11)
b) Tsy tokone hana toe-tsay tea mifanìna amin’olo hafa manahake an’i Goliata ty Kristiana, laha fa misa na mifalifale. Ino ty antone? (1 Sam. 17:8; Gal. 5:26; 1 Tim. 4:8)
d) Natoky Davida fa hanampy aze Jehovah. Nanao akore ty fomba nivolànan’i Davida raha zay? (1 Sam. 17:45-47; 2 Tant. 20:15)
e) Fomba manao akore ro ahitantsika fa tsy aly ifanaòva’ty tafike roa avao aly io, fa aly ifanaòvan’i Jehovah, Andranahare marina iny, noho ty andranahare diso? (1 Sam. 17:43, 46, 47)
f) Ami’ty fomba manao akore ro ampisehoa’ty voahosotse fa miantehitse amin’i Jehovah manahake an’i Davida roze? (1 Sam. 17:37; Jer. 1:17-19; Apok. 12:17)
Ino ty Antone Nilaìsan’i Davida?
1. Ino ty antone nialònan’i Saoly an’i Davida? Fe ino ty raha tsy nampitovy an’i Saoly noho Jonatana, anane lahy?
2. Ino ty raha niseho ndraike andro, laha fa nititike harpa ho an’i Saoly, Davida?
3. Ino ty raha nilàn’i Saoly tokone hataon’i Davida, mba hahafane hanambaly anak’ampelan’i Saoly atao hoe Mikala iny? Ino ty antone nivolànan’i Saoly raha zay?
4. Ino ty raha niseho fanintelone, laha fa nititike harpa ho an’i Saoly Davida, arake ty hita amy sary io?
5. Tamy fomba manao akore ro nanampian’i Mikala an’i Davida? Ino ty raha tsy maintsy nataon’i Davida tanaty fito tao nanarake?
Fanontanea fanampine:
1. Vakio 1 Samoela 18:1-30.
a) Ino antone mampitovy ty fifankatiava’ty “aondry hafa” noho ty “aondry vitsy” amy fifankatiava fatratse nisy tamin’i Jonatana noho Davida? (1 Sam. 18:1; Jaona 10:16; Lioka 12:32; Zak. 8:23)
b) Amy fomba manao akore ty 1 Samoela 18:4 ro mampiseho fa naneke ze nofilìn’i Jehovah ho mpanjaka Jonatana, ndra ie aza ro tokone hisolo an’i Saoly?
d) Mety hitarike ty olo hanao fahotà bevata ty fialòna. Nanao akore ty nahità an’io tamin’i Saoly? (1 Sam. 18:7-9, 25; Jak. 3:14-16)
2. Vakio 1 Samoela 19:1-17.
Nanino tsika ro mivòla fa mety ho nahafaty an’i Jonatana safà nataone amy 1 Samoela 19:4, 5 ao io? (1 Sam. 19:1, 6)
Abigaila Noho Davida
1. Ia ty anaran’ampela mamonjy an’i Davida amy sary io? Karazan’ampela manao akore ie io?
2. Ia moa Nabala zao?
3. Ino ty antone naniràhan’i Davida ty namane sasane mba hangatake fanampia tamin’i Nabala ane?
4. Ino ty safà navalin’i Nabala naman’i Davida reny? Nanao akore Davida laha fa naharé safà zay?
5. Nanao akore ty fomba nampisehoan’i Abigaila fa ampela hendry ie?
Fanontanea fanampine:
1. Vakio 1 Samoela 22:1-4.
Tokone hifanampy ty mpirahalahy kristiana. Ino ty ohatse soa nengà’ty fianakavian’i Davida mikasike raha zay? (Ohab. 17:17; 1 Tes. 5:14)
2. Vakio 1 Samoela 25:1-43.
a) Nanino Nabala ro natao hoe olo raty fanahy biby? (1 Sam. 25:2-5, 10, 14, 21, 25)
b) Ino ty fianara azo’ty ampela kristiana manambaly ianara baka amy ohatsin’i Abigaila? (1 Sam. 25:32, 33; Ohab. 31:26; Efes. 5:24)
d) Nanàka an’i Davida tsy hanao raha raty roe Abigaila. Ino iaby raha reo? (1 Sam. 25:31, 33; Rom. 12:19; Efes. 4:26)
e) Manampy ty lahilahy hieritseritse mikasike ty fomba andaìsan’i Jehovah ty ampela, ty fihetsike nasehon’i Davida tamin’i Abigaila. Hazavao. (Asa. 21:8, 9; Rom. 2:11; 1 Pet. 3:7)
Natao Mpanjaka Davida
1. Ino ty raha nataon’i Davida noho Abisay, laha mbo niroro soa tamy toera nisy aze teo Saoly?
2. Ino ty fanontanea napetran’i Davida tamin’i Saoly?
3. Nandeha taìa Davida, laha fa nilay an’i Saoly?
4. Ino ty raha nampalahelo maré an’i Davida, ka nanoratane hira soasoa bibike io?
5. Firy tao Davida tamin’ie natao mpanjakan’i Hebrona? Volàno iaby ty anara anake lahine sasane ze hainao.
6. Taìa ro nanjakan’i Davida, laha fa tafara atoy?
Fanontanea fanampine:
1. Vakio 1 Samoela 26:1-25.
a) Arake ty hita amy 1 Samoela 26:11, nanao akore ty fiheveran’i Davida, ty fahefà napetran’i Jehovah? (Sal. 37:7; Rom. 13:2)
b) Manampy antsika hanahake ty toe-tsain’i Jehovah ty safàn’i Davida amy 1 Samoela 26:23 ao. Amy fomba manao akore ro anatanterahantsika raha zay, laha fa misy olo tsy tea ty raha ataontsika, ndre fa miezake ho soa fanahy noho ho tea aze aza tsika? (1 Mpanj. 8:32; Sal. 18:20)
2. Vakio 2 Samoela 1:26.
Ino ty hanampy ty Kristiana amy fotoa henany zao ‘hifankatea biby’ manahake an’i Davida noho Jonatana? (1 Pet. 4:8; Kol. 3:14; 1 Jaona 4:12)
3. Vakio 2 Samoela 5:1-10.
a) Firy tao ro naha-mpanjaka an’i Davida. Nanao akore ty fizarazaràne? (2 Sam. 5:4, 5)
b) Ia ty nanome an’i Davida toerany anabo io? Ino ty raha tiarontsika amy raha zay? (2 Sam. 5:10; 1 Sam. 16:13; 1 Kor. 1:31; Fil. 4:13)
Fahasahiràna Tan-tranon’i Davida Tao
1. Nanao akore tany Kanana iny laha fa nahazo ty fanampian’i Jehovah?
2. Ino ty raha niseho ndraike hariva, laha fa tamy tafon-tranone teny Davida?
3. Nanino Jehovah ro neloke maré an’i Davida?
4. Arake ty hita amy sary io, ia ty nirahin’i Jehovah hiresake amin’i Davida mikasike ty fahotà nataone? Ino ty raha novolànin’olo io fa hahazo an’i Davida?
5. Ino iaby ty fahasahiràna nahazo an’i Davida?
6. Ia ty mpanjakan’Israely vaovao hisolo an’i Davida?
Fanontanea fanampine:
1. Vakio 2 Samoela 11:1-27.
a) Voaaro tsika, laha fa mazoto manompo an’i Jehovah. Ino ty antone?
b) Ino ty nahavy an’i Davida hanota? Tokone hiamby soa amin’ino kea ty mpanompon’i Jehovah amy fotoa henany zao? (2 Sam. 11:2; Matio 5:27-29; 1 Kor. 10:12; Jak. 1:14, 15)
2. Vakio 2 Samoela 12:1-18.
a) Ino ty fianara azo’ty anti-panahy noho ty rae amin-dreny ianara baka amy fomba nanomezan’i Natana torohevitse an’i Davida? (2 Sam. 12:1-4; Ohab. 12:18; Matio 13:34)
b) Nanino Jehovah ro namela heloka an’i Davida? (2 Sam. 12:13; Sal. 32:5; 2 Kor. 7:9, 10)
Solomona Mpanjaka Hendry
1. Ino ty fanontanea napetran’i Jehovah tamin’i Solomona?
2. Satria tean’i Jehovah ty raha nangatahan’i Solomona tamine, ino koa ty raha hafa nampitamànin’i Jehovah fa hameane an’i Solomona?
3. Ino ty raha nanahìra nandesin’ampela roe reo tamin’i Solomona teo io?
4. Nanao akore ty fomba nandaminan’i Solomona fahasahiràna io, arake ty hita amy sary eo?
5. Nanao akore ty fiaìna tamy andro naha-mpanjaka an’i Solomona? Ino ty antone?
Fanontanea fanampine:
1. Vakio 1 Mpanjaka 3:3-28.
a) Ino ty fianara tokone hotahàfi’ty rahalahy manan’asa atao amy fiangona ao, laha ty safà marina nataon’i Solomona amy 1 Mpanjaka 3:7 ao ro hentea? (Sal. 119:105; Ohab. 3:5, 6)
b) Ino iaby ty raha azo angatàha amy vavake matetike, arake ty nataon’i Solomona? (1 Mpanj. 3:9, 11; Ohab. 30:8, 9; 1 Jaona 5:14)
d) Nahay nandamy ty fahasahiràna nisy tamin’ampela roe reny Solomona. Ino kea ty raha atokisantsika fa hataon’i Jesosy Kristy, aze Solomona Be iny laha fa ie ro mitarike antsika? (1 Mpanj. 3:28; Isaia 9:5, 6; 11:2-4)
2. Vakio 1 Mpanjaka 5:9-14.
a) Ino ty raha namean’i Jehovah an’i Solomona, laha fa nangatake fo soa tamin’i Jehovah ie? (1 Mpanj. 5:9)
b) Nisy olo niezake mba hanarake ty fahendrean’i Solomona. Manao akore kea ty tokone hiheverantsika ty fianara ty Safà-Ndranahare? (1 Mpanj. 5:9, 14; Jaona 17:3; 2 Tim. 3:16)
Nanamboatse Tempoly Solomona
1. Firy tao ty nanamboaran’i Solomona tempolin’i Jehovah io? Nanino raha io ro nandany drala maro?
2. Nisy efitse firy tempoly io? Ino ty raha natao tamy efitse anatine ao?
3. Ino ty raha novolànin’i Solomona tamy vavake nataone, laha fa vita tempoly io?
4. Tamy fomba manao akore ro nampisehoan’i Jehovah, fa teane vavake nataon’i Solomona io?
5. Nitarike an’i Solomona hanao ino ty valine? Ino koa ty raha niseho tamin’i Solomona?
6. Nanino Jehovah ro neloke an’i Solomona? Ino ty raha novolànin’i Jehovah tamine?
Fanontanea fanampine:
1. Vakio 1 Tantara 28:9, 10.
Tokone hiezake hanao akore tsika ami’ty fiaìnantsika isan’andro, arake ty safàn’i Davida amy 1 Tantara 28:9, 10 ao? (Sal. 19:14; Fil. 4:8, 9)
2. Vakio 2 Tantara 6:12-21, 32-42.
a) Nanao akore ty fomba nampisehoan’i Solomona fa tsy tendrike anaty trano nataon’olombelo Andranahare Farane Anabo Bibike iny? (2 Tant. 6:18; Asa. 17:24, 25)
b) Mampiseho ino mikasike an’i Jehovah ty safàn’i Solomona amy 2 Tantara 6:32, 33 ao? (Asa. 10:34, 35; Gal. 2:6)
3. Vakio 2 Tantara 7:1-5.
Nidera an’i Jehovah anak’Israely reo, laha fa nahita ty voninahine. Ino koa ty raha tokone hataontsika, laha fa mahita ty fitahia maro ataon’i Jehovah amy vahoakine reo tsika? (2 Tant. 7:3; Sal. 22:22; 34:1; 96:2).
4. Vakio 1 Mpanjaka 11:9-13.
Laha ty tantaran’i Solomona ro hentea, le tokone tsy hivalike ami-Ndranahare zisiky am-parane ty kristiana. Hazavao. (1 Mpanj. 11:4, 9; Matio 10:22; Apok. 2:10)
Nozarà Roe ty Fanjakà
1. Ia iaby ty anara lahilahy roe amy sary eo io? Ia olo reo?
2. Nataon’i Ahia ino akanjo lava nanisiane iny? Ino ty dika raha zay?
3. Fa nanandra hanao ino an’i Jeroboama Solomona?
4. Ino ty antone nifiliana’ty vahoake an’i Jeroboama mba ho mpanjaka’ty foko folo?
5. Nanino Jeroboama ro nanamboatse aombilahy kelikele volamena roe? Nanao akore ty tany laha fa tafaran’io?
6. Ino ty raha niseho tamy fanjakà’ty foko roe noho tamy tempolin’i Jehovah ta-Jerosalema tany iny?
Fanontanea fanampine:
1. Vakio 1 Mpanjaka 11:26-43.
Karazan’olo nanao akore moa Jeroboama? Ino ty raha nampitamànin’i Jehovah aze laha nanorike ty lalàne ie? (1 Mpanj. 11:28, 38)
2. Vakio 1 Mpanjaka 12:1-33.
a) Nanampatse ty fahefà nananane Rehoboama, ka nanome ohatse raty. Ino ty fianara azo’ty rae amin-dreny noho ty anti-panahy baka amy raha zay? (1 Mpanj. 12:13; Mpit. 7:7; 1 Pet. 5:2, 3)
b) Amin’ia ro tokone hilà’ty zatovo tari-dala azo iantehéra, laha fa manao fanapahan-kevitse bevata? (1 Mpanj. 12:6, 7; Ohab. 1:8, 9; 2 Tim. 3:16, 17; Heb. 13:7)
d) Ino ty antone nanamboaran’i Jeroboama toera roe hivavàha tamy anak’aomby kelikele? Hita tamy raha nataone zay, fa tsy nino an’i Jehovah ie. Hazavao ty antone. (1 Mpanj. 11:37; 12:26-28)
e) Ia ty nitarike vahoake tamy fanjakà’ty foko folo tao hanohitse ty fivavàha marina io? (1 Mpanj. 12:32, 33)
Jezebela, Mpanjakavavy Raty Fanahy
1. Ia moa Jezebela io?
2. Ino ty antone nampalahelo an’i Ahaba Mpanjaka, ndraike andro?
3. Ino ty raha nataon’i Jezebela mba hahazoane tanim-boalobokin’i Nabota iny, ho an’i Ahaba valine?
4. Ia ty nirahin’i Jehovah mba hanasazy an’i Jezebela?
5. Arake ty hita amy sary io, ino ty raha niseho, laha fa niavy tamy lapan’i Jezebela teo Jeho?
Fanontanea fanampine:
1. Vakio 1 Mpanjaka 16:29-33 noho 18:3, 4.
Nanao akore ty haraty toe-piaìna tamin’Israely teo tamy andron’i Ahaba Mpanjaka? (1 Mpanj. 14:9)
2. Vakio 1 Mpanjaka 21:1-16.
a) Manao akore ty fomba nampisehoan’i Nabota herim-po noho tsy fivaliha tamin’i Jehovah? (1 Mpanj. 21:1-3; Lev. 25:23-28)
b) Ino ty raha nataon’i Ahaba laha fa tsy arake ty nieritseretane aze ty raha niseho? Ino koa ty fianara azontsika ami’zay? (1 Mpanj. 21:4; Rom. 5:3-5)
3. Vakio 2 Mpanjaka 9:30-37.
Nazoto nanatanterake ty sitrapòn’i Jehovah Jeho. Ino ty fianara azontsika ami’zay? (2 Mpanj. 9:4-10; 2 Kor. 9:1, 2; 2 Tim. 4:2)
Natoky An’i Jehovah Josafata
1. Ia va Josafata zao, voho ia iaby ty olo niarake velo tamine?
2. Ino va ty antone nampatahotse ty Israelita, ka ino ty raha natao’ty maro tamin-droze?
3. Nanao akore ty fomba namalian’i Jehovah ty vavake nataon’i Josafata?
4. Ino ty raha nataon’i Jehovah taloha’ty niavia Israelita reo tamy aly io tany?
5. Ino ty fianara azontsika baka amin’i Josafata?
Fanontanea fanampine:
1. Vakio 2 Tantara 20:1-30.
a) Ino ty tokone hatao’ty mpanompo-Ndranahare laha fa misy raha mampatahotse mahazo aze, manahake ty raha niseho tamin’i Josafata? (2 Tant. 20:12; Sal. 25:15; 62:1)
b) Nampiasa olo avao Jehovah bakany bakany zay laha fa nifampikasoke tami’ty vahoakine. Ia koa ty ampiasàne henany zao? (2 Tant. 20:14, 15; Matio 24:45-47; Jaona 15:15)
d) Hisy raha sarotse manahake ty nahazo an’i Josafata kea hahazo antsika laha fa hanomboke “ali’ty andro bevata-Ndranahare, aze mana Hery Farane Anabo iny.” Hazavao. (2 Tant. 20:15, 17; 32:8; Apok. 16:14, 16)
e) Ino ty antone ivolàna fa mitovy amy Levita ty mpisava lala, noho ty misionera laha fa manao asa fitoria amy tany manontolo ane? (2 Tant. 20:19; Rom. 10:13-15; 2 Tim. 4:2)
Ajà Lahilahy Roe, Nivelo Ndraike
1. Ia iaby va olo telo amy sary eo io? Ino ty raha nahazo anak’ajà lahilahy io?
2. Ino ty vavake nataon’i Elia ho an’ajà lahilahy io? Ka ino ty raha niseho laha fa bakeo?
3. Ia va ty anaran’olo nanampy an’i Elia io?
4. Ino ty antone nikaìha an’i Elisa ho an-tranon’ampela ta-Sonema tany io?
5. Ino ty raha nataon’i Elisa, voho nanao akore ajà nimaty iny?
6. Ino ty raha azon’i Jehovah atao, laha hentea ty raha nataone tamin’i Elia noho Elisa?
Fanontanea fanampine:
1. Vakio 1 Mpanjaka 17:8-24.
a) Tamy fomba manao akore ro nitsapà laha nana finoa an’Andranahare vatane Elia na tsy nana? (1 Mpanj. 17:9; 19:1-4, 10)
b) Ino ty nampiavake finoan’ampela fa nimaty valy ta-Zarefata tao iny? (1 Mpanj. 17:12-16; Lioka 4:25, 26)
d) Mahavy safàn’i Jesosy amy Matio 10:41, 42 ao iny ho marina, ty raha niseho tamy fiaìnan’ampela fa maty valy ta-Zarefata tao iny. Hazavao. (1 Mpanj. 17:10-12, 17, 23, 24)
2. Vakio 2 Mpanj. 4:8-37.
a) Tea sady nahay nikarakara vahiny ampela ta-Sonema tao iny. Ino koa ty fianara azontsika anahàfa aze? (2 Mpanj. 4:8; Lioka 6:38; Rom. 12:13; 1 Jaona 3:17)
b) Ino ty tokone hataontsika mba hampisehoa fa soa fanahy ami’ty mpanompo-Ndranahare tsika, henany zao? (Asa. 20:35; 28:1, 2; Gal. 6:9, 10; Heb. 6:10)
Ajà Ampela Nanampy Lahilahy Matanjake Raike
1. Ino va raha volànin’ajà ampela io amin’ampela raike amy sary eo io?
2. Ia va ampela amy sary io, voho ino ty raha ataon’ajà ampela io an-tranone ao?
3. Ino ty safà nampivolànin’i Elisa mpanompone iny an’i Namàna, voho ino ty antone nampeloke an’i Namàna?
4. Nanao akore Namàna laha fa nijànjy ty safà’ty mpanompone?
5. Ino ty antone tsy naneken’i Elisa fanomeza baka amin’i Namàna, fe ino ty raha nataon’i Gehazy?
6. Ino ty raha nahazo an’i Gehazy, voho ino ty fianara azontsika baka amy tantara io?
Fanontanea fanampine:
1. Vakio 2 Mpanjaka 5:1-27.
a) Ino ty antone ivolàna fa manatanjake ty tanora henany zao ty ohatse soa nengàn’ajà ampela israelita io? (2 Mpanj. 5:3; Sal. 8:2; 148:12, 13)
b) Manino tsika ro tokone hahatiaro ty ohatsin’i Namàna laha fa amea torohevitse baka amy Baiboly ao? (2 Mpanj. 5:15; Heb. 12:5, 6; Jak. 4:6)
d) Ino ty fianara azontsika baka amy ohatse samby hafa namean’i Elisa noho Gehazy io? (2 Mpanj. 5:9, 10, 14-16, 20; Matio 10:8; Asa. 5:1-5; 2 Kor. 2:17)
Jona Noho Fia Bevata Bibike Zay
1. Ia va Jona zao? Ino ty raha nampanaòvin’i Jehovah aze?
2. Ino ty raha nataon’i Jona laha fa tsy nandeha tamy tany nampandehanan’i Jehovah aze ane ie?
3. Ino ty raha nampanaòvin’i Jona mpanday sambo reo mba hampijanòna tsioke iny?
4. Arake ty hitanao amy sary eo, ino ty raha niseho laha fa nalatsake tanaty rano tao Jona?
5. Firy andro ty nijanònan’i Jona tanaty fia bevata biby iny tao, voho ino ty raha nataone tao?
6. Nandeha nanaìa Jona laha fa tafaboake baka anaty fia bevata biby iny tao? Ino koa ty fianara azontsika baka amy raha zay?
Fanontanea fanampine:
1. Vakio Jona 1:1–2:1.
Nanao akore ty fihetsikin’i Jona laha fa nirahy ho a-Ninive ane ie? (Jona 1:2, 3; Ohab. 3:7; Mpit. 8:12)
2. Vakio Jona 2:2, 3, 11.
Laha mieritseritse ty raha niseho tamy fiaìnan’i Jona tsika, le afake matoky koa fa hamaly ty vavake ataontsika Jehovah. Ino ty antone? (Sal. 22:24; 34:6; 1 Jaona 5:14)
3. Vakio Jona 3:1-10.
a) Mbo nampiasa an’i Jona avao Jehovah ndra tsy nety nirahine aza ie tamy voalohane. Manino ty fahaìza raha zay ro manatanjake antsika? (Sal. 103:14; 1 Pet. 5:10)
b) Tsy tokone hitsaratsara fahatane ty olo amy faritanintsika ao tsika, laha tantara mikasike an’i Jona noho Ninivita reo ro hentea. Fa ino ty antone? (Jona 3:6-9; Mpit. 11:6; Asa. 13:48)
Mampitamà Paradisa Andranahare
1. Ia va Isaia, tamy fotoa manao akore ro niaìnane? Ino koa ty raha natoron’i Jehovah aze?
2. Ino va ty dika safà hoe “paradisa” zao, voho ino ty raha tiaronao laha fa mahita soratse io iha?
3. Ino ty raha nampanoratin’i Jehovah an’i Isaia mikasike Paradisa vaovao io?
4. Nafoin’i Adama noho Eva paradisa soasoa nipetrahan-droze iny. Ino ty antone?
5. Ino ty raha ampitamànin’i Jehovah fa hameane ze olo tea aze?
Fanontanea fanampine:
1. Vakio Isaia 11:6-9.
a) Hiarake hipetrake ty olo noho ty biby laha fa amy paradisa ao. Manao akore ty fomba ivolàna’ty Baiboly raha zay? (Sal. 148:10, 13; Isaia 65:25; Ezek. 34:25)
b) Fa tanterake amy hevine ara-panahy amy vahoakin’i Jehovah amy andro henany zao ty faminanian’i Isaia. Hazavao. (Rom. 12:2; Efes. 4:23, 24)
d) Ia ro tokone hoderàntsika, laha fa mahita ty fiovà’ty toetsin’olo amy andro henany zao noho amy tontolo vaovao ao tsika? (Isaia 48:17, 18; Gal. 5:22, 23; Fil. 4:7)
2. Vakio Apokalypsy 21:3, 4.
a) Porofò amy Baiboly ao fa tsy ara-bakiteny ty hoe miarake mipetrake amin’olombelo Andranahare. (Lev. 26:11, 12; 2 Tant. 6:18; Isaia 66:1; Apok. 21:2, 3, 22-24)
b) Ino iaby ty karazan-dranomaso noho raha mahararirary hofoàna? (Lioka 8:49-52; Rom. 8:21, 22; Apok. 21:4)
Nanampy An’i Hezekia Mpanjaka Andranahare
1. Ia va lahilahy amy sary io, voho ino ty raha manahìran-tsay aze?
2. Ino va taratasy natoron’i Hezekia an’Andranahare reo, voho ino koa ty vavake nataone?
3. Mpanjaka nanao akore Hezekia, voho ino ty hafatse baka amin’i Jehovah novolànin’i Isaia tamine?
4. Nataon’anjelin’i Jehovah reny akore ty miaramila asyriana, arake ty hita amy sary eo?
5. Niada tanaty fotoa kelikele ty fanjakà’ty foko roe. Fe ino ty raha niseho laha fa nimaty Hezekia?
Fanontanea fanampine:
1. Vakio 2 Mpanjaka 18:1-36.
a) Ino ty raha nataon’i Rabsake, mpanday hafatsin’i Asyriana reny, mba hampihenà ty finoan’Israelita reo? (2 Mpanj. 18:19, 21; Eks. 5:2; Sal. 64:3)
b) Amy fomba manao akore ro hanahafa’ty Vavolombelon’i Jehovah an’i Hezekia laha misy manohitse an-droze? (2 Mpanj. 18:36; Sal. 39:1; Ohab. 26:4; 2 Tim. 2:24)
2. Vakio 2 Mpanjaka 19:1-37.
a) Amy fomba manao akore ro hanahafa’ty vahoaki-Ndranahare an’i Hezekia laha fa misy raha sarotse na mampanahìra mahazo an-droze? (2 Mpanj. 19:1, 2; Ohab. 3:5, 6; Heb. 10:24, 25; Jak. 5:14, 15)
b) Ino iaby ty raha telo nahazo an’i Sankeriba Mpanjaka? Ia koa ty mifanandrify amine amy faminania ao? (2 Mpanj. 19:32, 35, 37; Apok. 20:2, 3)
3. Vakio 2 Mpanjaka 21:1-6, 16.
Ino ty antone ivolàna fa tafilitse anatine mpanjaka farane ze raty fanahy biby ta-Jerosalema tao reny Manase? (2 Tant. 33:4-6, 9)
Mpanjaka Soa Fanahy Farane Tamin’Israely Teo
1. Firy tao Josia tamin’ie natao mpanjaka? Nanomboke nanao ino Josia, laha fa nifeno fito tao ty naha-mpanjaka aze?
2. Ino ty raha ataon’i Josia, amy sary voalohane io?
3. Ino va ty raha nihita mpisoronabe reny tamy fotoa nanamboara tempoly io?
4. Ino va ty antone nandriatan’i Josia ty akanjone?
5. Ino ty hafatse baka amin’i Jehovah, ka nambaran’i Holda mpaminanivavy an’i Josia?
Fanontanea fanampine:
1. Vakio 2 Tantara 34:1-28.
a) Ino ty ohatse soa nengàn’i Josia ho an’olo nahita fahasahiràna tamy fotoa naha ajà aze? (2 Tant. 33:21-25; 34:1, 2; Sal. 27:10)
b) Ino iaby ty raha bevata nataon’i Josia mba hanasoava ty fivavàha marina, tamy tao faha-8 noho faha-12 voho faha-18 naha-mpanjaka aze? (2 Tant. 34:3, 8)
d) Nanome ohatse soa ho antsika Josia Mpanjaka noho Hilkia Mpisoronabe ka nikarakara soa ty toera natao hivavàha amin’i Jehovah. Ino koa ty fianara azontsika baka amy raha soa nataon-droze zay? (2 Tant. 34:9-13; Ohab. 11:14; 1 Kor. 10:31)
Lahilahy Tsy Navàka
1. Ia va lahilahy amy sary eo io?
2. Ino ty raha noeritseretin’i Jeremia laha fa nofilìn’i Jehovah ho mpaminany ie? Fe ino ty raha novolàn’i Jehovah tamine?
3. Ino avao hafatse nampolimpolin’i Jeremia tamy vahoake reo?
4. Ino ty raha natao mpisoro reo mba hanakàna an’i Jeremia tsy haminany sasy? Fe tamy fomba manao akore ro nampisehoane fa tsy navàka mihitsy ie?
5. Ino ty raha niseho laha fa tsy niala tamy fomban-droze raty Israelita reo?
Fanontanea fanampine:
1. Vakio Jeremia 1:1-8.
a) Ino ty hanampy ty olo raike mba ho ampy fahaìza hanompoa an’i Jehovah, manahake ty raha hita tamin’i Jeremia? (2 Kor. 3:5, 6)
b) Mamporisike ty zatovo kristiana mba hanao ino ty modely soa namean’i Jeremia? (Mpit. 12:1; 1 Tim. 4:12)
2. Vakio Jeremia 10:1-5.
Ino ty ohatse nampiasan’i Jeremia mba hampisehoa fa tsy misy dikane ty fivavàha amy sampy? (Jer. 10:5; Isa. 46:7; Hab. 2:19)
3. Vakio Jeremia 26:1-16.
a) Nodidin’i Jehovah Jeremia mba ‘tsy hamòny ndre safà raike’ fa hanambara aze iaby amin’Israelita reo. Manao akore koa ty fomba anaraha’ty sisa voahosotse didy baka amin’i Jehovah io, laha fa manambara hafatse fananàra roze amy andro henany io? (Jer. 26:2; Deot. 4:2; Asa. 20:27)
b) Laha fa manambara ty hafatse fananàra baka amin’i Jehovah ho amy firenena manontolo ty Vavolombelon’i Jehovah henany zao, le tokone hanahake ty ohatse soa nengàn’i Jeremia. Ino ty antone? (Jer. 26:8, 12, 14, 15; 2 Tim. 4:1-5)
4. Vakio 2 Mpanjaka 24:1-17.
Ino ty raha nahazo olo nipetrake ta-Joda tao reny, laha fa nivalike tamin’i Jehovah? (2 Mpanj. 24:2-4, 14)
Ajà Lahilahy Efatse Ta-Babylona Tany
1. Ia iaby va ajà lahilahy efatse amy sary eo reo? Ino ty antone nahavy an-droze ta-Babylona ane io?
2. Ino ty raha tean’i Nebokadnezara hatao amin-droze efa-dahy reo, voho ino ty didy nameane mba hatao’ty mpanompone?
3. Ino ty hany noho raha azo inòmy nangatahin’i Daniela ho an-droze efa-dahy?
4. Nihina hany maìnty tanaty folo andro Daniela noho namane telo lahy reny. Fe nanao akore roze laha fa nampitovỳ tamin’ajà lahilahy hafa reny?
5. Ino ty antone nahavy an’i Daniela noho namany telo lahy reny ho amy lapa mpanjaka ao? Ino ty raha soa tsy nampitovy an-droze tamy mpisoro noho lahilahy filà’ty mpanjaka torohevitse reny?
Fanontanea fanampine:
1. Vakio Daniela 1:1-21.
a) Ino ty ezake tokone hataontsika laha irintsika ty hanohitse fakam-panahy noho handresy ty fahazaran-draty mahazo antsika? (Dan. 1:8; Gen. 39:7, 10; Gal. 6:9)
b) Mety ho voatarike na hisy hanao forosé aze mba hanarake ty raha eritserety fa “hany” soa ty zatovo amy andro henany zao. Amy fomba manao akore? (Dan. 1:8; Ohab. 20:1; 2 Kor. 6:17–7:1)
d) Tokone hihevitse ty fianara an-dakilasy ane ho manao akore tsika laha fa baka namaky ty tantaran’ajà lahilahy hebreo efatse reny? (Dan. 1:20; Isaia 54:13; 1 Kor. 3:18-20)
Noravà Jerosalema
1. Ino ty raha nahazo an’i Jerosalema noho Israelita amy sary eo reo?
2. Ia va Ezekiela? Ino va raha mampangaroharo natoron’i Jehovah aze zao?
3. Ino ty raha novolànin’i Jehovah fa hataone amin’Israelita reo, laha fa tsy nanaja aze?
4. Ino ty raha nataon’i Nebokadnezara Mpanjaka laha fa nanohitse aze Israelita reo?
5. Nengàn’i Jehovah horavà tanàn’Israelita reo. Ino ty antone nanaòvane raha zay?
6. Nanino tanin’Israely reo ro tsy nisy olo sasy, voho naharitse firy tao raha zay?
Fanontanea fanampine:
1. Vakio 2 Mpanjaka 25:1-26.
a) Ia va Zedekia, voho ino ty raha nahazo aze? Faminania manao akore amy Baiboly ao mikasike raha zay ro tanterake? (2 Mpanj. 25:5-7; Ezek. 12:13-15)
b) Ia ro namean’i Jehovah tsiny laha fa tsy nanarake ty sitrapòne sasy ty Israelita? (2 Mpanj. 25:9, 11, 12, 18, 19; 2 Tant. 36:14, 17)
2. Vakio Ezekiela 8:1-18.
Ino ty nampitovy Kristianisma Anara reo tamin’Israelita mpivali-pinoa nivavake tamy masoandro reny? (Ezek. 8:16; Isaia 5:20, 21; Jaona 3:19-21; 2 Tim. 4:3)
Tsy Nety Nandohalike Roze
1. Ino ty didy naboakin’i Nebokadnezara, mpanjakan’i Babylona?
2. Nanino naman’i Daniela telo lahy reo ro tsy nety nandohalike?
3. Mbo nataon’i Nebokadnezara forosé mba handohalike ndraike Hebreo telo lahy reo, fe tamy fomba manao akore ro nampisehoan-droze fa natoky an’i Jehovah roze?
4. Novolànin’i Nebokadnezara mba hanao ino an’i Sadraka, Mesaka, noho Abednego mpanompone reny?
5. Ino ty raha nihitan’i Nebokadnezara laha fa nanenty tanaty lafôro iny tao ie?
6. Ino ty antone nankalazàn’i Nebokadnezara ty Andranaharin’i Sadraka, Mesaka, voho Abednego? Ino koa ty fianara azontsika tami’ty raha nataon-droze?
Fanontanea fanampine:
1. Vakio Daniela 3:1-30.
a) Ino iaby ty fihetsike soa natao Hebreo telo lahy reny, ka tokone hotahafi’ty mpanompo-Ndranahare laha fa tsapà ty tsy fivalihan-droze amin’i Jehovah? (Dan. 3:17, 18; Matio 10:28; Rom. 14:7, 8)
b) Ino ty fianara bevata namean’i Jehovah Andranahare an’i Nebokadnezara? (Dan. 3:28, 29; 4:31, 32)
Sora-tana Tamy Rindry
1. Ino ty raha niseho tamy fotoa nanaovan’i mpanjakan’i Babylona fety be ka nampiasàne kôpy noho enta hafa baka amy tempolin’i Jehovah ta-Jerosalema tao?
2. Ino ty raha novolànin’i Belsazara tamy lahilahy filàne torohevitse reo, fe tsy afake nanao ino roze?
3. Ino ty raha nampanaòvy reny mpanjaka io aze?
4. Ino ty antone nandefasa-Ndranahare tana io hanoratse amy rindry eo, arake ty fanazavà namean’i Daniela mpanjaka iny?
5. Nanao akore ty fomba nanazavan’i Daniela ty dika soratse tamy rindry teo iny?
6. Ino ty raha niseho laha mbo nivòla avao Daniela?
Fanontanea fanampine:
1. Vakio Daniela 5:1–6:1.
a) Ino ty tsy mampitovy ty tahotse an’Andranahare noho ty tahotsin’i Belsazara, laha fa nahita soratse tamy rindry teo iny ie? (Dan. 5:6, 7; Sal. 19:9; Rom. 8:35-39)
b) Nampiseho herim-po Daniela laha fa niresake tamin’i Belsazara noho olo mpanome torohevitse aze reny. Hazavao. (Dan. 5:17, 18, 22, 26-28; Asa. 4:29)
d) Resahy mazava soa amy Daniela toko faha-5 ao, fa Jehovah raike avao ro mana fahefà hanapake ty raha iaby. Hazavao. (Dan. 4:17, 25; 5:21)
Natao Tan-davaky Misy Liona Tao Daniela
1. Ia va Dariosy io? Manao akore ty fahitàne an’i Daniela?
2. Ino ty raha nampanaòvy lahilahy be fialòna reny an’i Dariosy?
3. Ino ty raha nataon’i Daniela laha fa naharé lalàna vaovao io ie?
4. Ino ty raha nampikoronta ty sain’i Dariosy ka tsy nampiroro aze, voho ino ty raha nataone laha fa hamaray maraindray?
5. Ino ty safà navalin’i Daniela an’i Dariosy?
6. Ino ty raha nahazo lahilahy raty fanahy ho namono an’i Daniela reny? Ino koa ty raha nosoratin’i Dariosy ho ahi’ty vahoake tamy fanjakane tao?
Fanontanea fanampine:
1. Vakio Daniela 6:2-29.
a) Ahatiarovantsika ty raha natao’ty mpanohitse mba hampijanòna ty asa’ty Vavolombelon’i Jehovah amy andro henany zao ty tetike natao hamonoa an’i Daniela. Hazavao. (Dan. 6:8; Sal. 94:20; Isaia 10:1; Rom. 8:31)
b) Afake manahake an’i Daniela ty mpanompo-Ndranahare, laha fa maneke ty “manam-pahefà.” Amy fomba manao akore ro anaòvan-droze raha zay? (Dan. 6:6, 11; Rom. 13:1; Asa. 5:29)
d) Amy fomba manao akore ro hanahafantsika an’i Daniela, mba hahafahantsika manompo an’i Jehovah “tsy tampake”? (Dan. 6:17, 21; Fil. 3:16; Apok. 7:15)
Miala A-Babylona ao ty Vahoaki-Ndranahare
1. Ino ty raha ataon’Israelita reo amy sary eo io?
2. Tamy fomba manao akore ro nanatanterahan’i Kyrosy ty faminania-Ndranahare nampanoratine an’i Isaia?
3. Ino ty raha novolànin’i Kyrosy tamin’Israelita tsy afake nimpòly ta-Jerosalema ane reny?
4. Namean’i Kyrosy ino vahoake himpòly a-Jerosalema ane reny?
5. Afake firy vola Israelita reo vo niavy ta-Jerosalema tao?
6. Tsy nisy olo tanaty firy tao tanà io?
Fanontanea fanampine:
1. Vakio Isaia 44:28 noho 45:1-4.
a) Tamy fomba manao akore ro nampisehoan’i Jehovah fa ho tanterake vatane faminania mikasike an’i Kyrosy iny? (Isaia 55:10, 11; Rom. 4:17)
b) Hita amy faminanian’i Isaia mikasike an’i Kyrosy iny, fa hain’i Jehovah soa ty manambara mialoha ty raha mbo hoavy. Hazavao. (Isaia 42:9; 45:21; 46:10, 11; 2 Pet. 1:20)
2. Vakio Ezra 1:1-11.
Mba hanahàfantsika ty ohatse soa namean’Israelita tsy afake nimpòly ta-Jerosalema tany reny, le tokone ‘hohatanjahintsika koa ze tanan’olo’ afake manompo manontolo andro. Manao akore ty fomba azontsika anaòva raha zay? (Ezra 1:4, 6; Rom. 12:13; Kol. 4:12)
Matoky ty Fanampia-Ndranahare
1. Firy ty isan’olo niala ta-Babylona tao, ka nandeha a-Jerosalema ane? Fe ino ty raha hitan-droze laha fa niavy tao roze?
2. Nanomboke nanamboatse ino Israelita reo tafara’ty niavian-droze? Fe ino ty raha natao’ty fahavalon-droze?
3. Ia va Hagay noho Zakaria zao? Ino ty raha novolànin-droze tamy vahoake?
4. Ino ty antone nandefasan’i Tatenay taratasy ta-Babylona tany, voho ino ty valin-teny azone?
5. Ino ty raha nataon’i Ezra laha fa nihainy fa mila amboary ndraike tempoli-Ndranahare io?
6. Ino ty raha nangatahin’i Ezra tamy vavake, hita amy sary io, voho ino ty valim-bavake niazone? Ino koa ty fianara azontsika baka amy raha zay?
Fanontanea fanampine:
1. Vakio Ezra 3:1-13.
Ino avao ty raha tokone hataontsika mpanompo-Ndranahare ndra mipetrake amy toera tsy misy fiangona ane aza tsika? (Ezra 3:3, 6; Asa 17:16, 17; Heb. 13:15)
2. Vakio Ezra 4:1-7.
Ino ty ohatse namean’i Zerobabela ho ahi’ty vahoakin’i Jehovah mikasike ty firaìsam-pinoa? (Eks. 34:12; 1 Kor. 15:33; 2 Kor. 6:14-17)
3. Vakio Ezra 5:1-5, 17 noho 6:1-22.
a) Nanino mpanohitse reo ro tsy afake nampijàno fanamboara tempoly io? (Ezra 5:5; Isaia 54:17)
b) Mamporisike ty anti-panahy kristiana mba hila ty fitarihan’i Jehovah laha fa misy raha manahìra mahazo an-droze, ty raha natao anti-panahy jiosy taloha reny. Hazavao. (Ezra 6:14; Sal. 32:8; Rom. 8:31; Jak. 1:5)
4. Vakio Ezra 8:21-23, 28-36.
Ino ty tokone hataontsika aloha’ty hanaovantsika raha, laha ta hanahake ohatsin’i Ezra io tsika? (Ezra 8:23; Sal. 127:1; Ohab. 10:22; Jak. 4:13-15)
Mordekay Noho Estera
1. Ia va Mordekay noho Estera io?
2. Ino ty antone nifilianan’i Ahasoerosy Mpanjaka valy hafa? Ia ty ampela nofilìne?
3. Ia va Hamana zao? Ino ty antone nampeloke aze maré io?
4. Ino ty lalàna natao, voho ino ty raha nataon’i Estera laha fa niazone hafatse baka amin’i Mordekay iny?
5. Ino ty raha nahazo an’i Hamana? Natao akore koa Mordekay?
6. Ino ty fomba natao mba hanavòta Israelita reo tami’ty fahavalon-droze?
Fanontanea fanampine:
1. Vakio Estera 2:12-18.
Tamy fomba manao akore ro nampisehoan’i Estera fa raha ilà vatane ty mana “toetsy tsy taitaitse noho tsy masiake”? (Est. 2:15; 1 Pet. 3:1-5)
2. Vakio Estera 4:1-17.
Nisy raha nataon’i Estera mba hampandeha soa ty fivavàha marina. Ino kea ty tokone hataontsika mba hampisehoantsika fa tea noho tsy mivalike amin’i Jehovah tsika? (Est. 4:13, 14; Matio 5:14-16; 24:14)
3. Vakio Estera 7:1-6.
Maro ami’ty vahoaki-Ndranahare ro nahasaky nanao raha manahake an’i Estera ndre fa haine aza fa ho halan’olo noho hampijalìn’olo ie laha fa manao raha zay. Hazavao. (Est. 7:4; Matio 10:16-22; 1 Pet. 2:12)
Rindrin’i Jerosalema
1. Nanao akore Israelita reo laha fa tsy nisy rindry nanodidy tanàn’i Jerosalema iny?
2. Ia va Nehemia io?
3. Ino ty asa nataon’i Nehemia? Ino ty antone ivolàna fa asa sarotse asa io?
4. Ino ty vaovao nampalahelo an’i Nehemia, voho ino ty raha nataone?
5. Nisoa fanahy tamin’i Nehemia Artaksersesy Mpanjaka. Tamy fomba manao akore ro nampisehoane raha zay?
6. Nanao akore ty fomba nandaminan’i Nehemia asa fanamboara rindry iny, mba tsy hahafàha fahavalon’Israelita reo hampijàno asa io?
Fanontanea fanampine:
1. Vakio Nehemia 1:4-6 noho 2:1-20.
Ino ty raha nataon’i Nehemia mba hahazoa ty fitarihan’i Jehovah? (Neh. 2:4, 5; Rom. 12:12; 1 Pet. 4:7)
2. Vakio Nehemia 3:3-5.
Tsy nitovy ty Tekoita noho “ty olo anabonabo” tamin-droze teo. Ino ty fianara azo’ty anti-panahy noho ty mpanampy amy fanompoa baka amin’io? (Neh. 3:5, 27; 2 Tes. 3:7-10; 1 Pet. 5:5)
3. Vakio Nehemia 3:33–4:17.
a) Ndre fa nampijaly Israelita reo aza fahavalon-droze reny, le mbo nazoto nanamboatse rindry iny avao roze. Ino ty antone nampazoto an-droze? (Neh. 3:38; 4:2, 3; Sal. 50:15; Isaia 65:13, 14)
b) Manino ty ohatse soan’Israelita reo ro manome hery antsika amy andro henany zao?
4. Vakio Nehemia 6:15.
Nivita tanaty roe vola rindrin’i Jerosalema iny. Manao akore ty heri’ty finoa laha raha zay ro dinihy? (Sal. 56:3, 4; Matio 17:20; 19:26)
Anjele Raike Nisafo An’i Maria
1. Ia va ampela amy sary eo io?
2. Ino ty raha nambaran’i Gabriela tamin’i Maria?
3. Tamy fomba manao akore ro nanazavan’i Gabriela tamin’i Maria fa hanan’anake ie, ndre mbo tsy manambaly aza?
4. Ino ty raha niseho laha fa nandeha nisafo an’i Elizabeta longone, Maria?
5. Ino ty raha noeritseretin’i Josefa hatao laha fa nihaine hoe bevòka Maria? Fe ino ty antone nampiova hevitse aze?
Fanontanea fanampine:
1. Vakio Lioka 1:26-56.
a) Laha fa nafindra baka an-danitse ane ty ain’Ana-Ndranahare iny, le nanjary nandova tsy fahalavoraria baka amy tsirivavy tan-troky Maria tao kea va ie, laha Lioka 1:35 io ro hentea? (Hagay 2:11-13; Jaona 6:69; Heb. 7:26; 10:5)
b) Ndre mbo tsy naterake aza Jesosy, le fa nahazo voninahitse. Hazavao. (Lioka 1:41-43)
d) Ino ty ohatse soa nengàn’i Maria ho ahi’ty Kristiana henany zao, laha fa mahazo fanendrea manòka amy fanompoa an’i Jehovah roze? (Lioka 1:38, 46-49; 17:10; Ohab. 11:2)
2. Vakio Matio 1:18-25.
Ndra tsy nokaìhy tamy anara hoe Imanoela aza Jesosy, tamy fomba manao akore ro nanatanterahane ty dika anarane io laha fa nanjary olombelo ie? (Matio 1:22, 23; Jaona 14:8-10; Heb. 1:1-3)
Naterake Tan-Tranon’aomby tao Jesosy
1. Ia va anak’ajà kelikele amy sary eo io, voho aìa ty nampiroroan’i Maria aze?
2. Nanino Jesosy ro naterake tan-tranon’aomby tao?
3. Ia va lahilahy militse an-tranon’aomby amy sary eo reo, voho ino ty raha novolànin’anjele tamin-droze?
4. Ino ty antone nampiavake an’i Jesosy?
5. Nanino Jesosy ro azo kaìhy hoe Ana-Ndranahare?
Fanontanea fanampine:
1. Vakio Lioka 2:1-20.
a) Ino ty anjara asan’i Aogosto Kaisara tamy fanatanteràha ty faminania mikasike ty fahaterahan’i Jesosy? (Lioka 2:1-4; Mika 5:1)
b) Ino ty raha tokone hataon’olo raike, laha teane ty ho raike amin’ “olo tea-Ndranahare” reo? (Lioka 2:14; Matio 16:24; Jaona 17:3; Asa. 3:19; Heb. 11:6)
d) Falifale mpiarake aondry jodiana reny laha fa naterake Mpamonjy iny. Fe ino ty antone bevata tokone hahafaly maré ty mpanompo-Ndranahare amy andro henany zao? (Lioka 2:10, 11; Efes. 3:8, 9; Apok. 11:15; 14:6)
Lahilahy Notarihi’ty Kinta Raike
1. Ia va lahilahy amy sary eo reo? Manino ty raike amin-droze ro manondro kinta mazava io?
2. Ino ty antone nampavàka an’i Heroda, voho ino ty raha nataone?
3. Notarihy kinta mazava iny taìa lahilahy reo? Fe nanino roze ro nivìo lala hafa laha fa nandeha noly amin-droze ane?
4. Ino ty didy namean’i Heroda, noho ino ty antone?
5. Ino ty raha nampanaòvin’i Jehovah an’i Josefa?
6. Ia ty nampamirapiratse kinta vaovao iny io, voho ino ty antone?
Fanontanea fanampine:
1. Vakio Matio 2:1-23.
Firy tao Jesosy tamy mpandinike kinta reo nisafo aze, voho taìa ie ro nipetrake? (Matio 2:1, 11, 16)
Jesosy Tamy Tempoly Tao
1. Firy tao Jesosy amy sary io? Aìa misy aze io?
2. Ino ty raha fataon’i Josefa miarake amy fianakaviane reo isan-tao?
3. Laha fa afake andro raike tan-dala eny fa holy, le nimpòly ho a-Jerosalema ane ndraike Josefa noho Maria. Ino ty antone?
4. Taìa ro nahitan’i Josefa noho Maria an’i Jesosy? Ino ty antone nahatserike ty olo tao?
5. Ino ty raha novolànin’i Jesosy tamin’i Maria, renine?
6. Afake manahake an’i Jesosy tsika, ka hianatse raha maro mikasike an’Andranahare. Ami’ty fomba manao akore ro hanaòvantsika raha zay?
Fanontanea fanampine:
1. Vakio Lioka 2:41-52.
a) Ndra ty lahilahy avao aza ro nodidì’ty Lalàna ho avy amy fety fatao isan-tao iny ane, ino ty ohatse soa nengàn’i Josefa noho Maria ho ahi’ty rae noho reny manan’anake henany zao? (Lioka 2:41; Deot. 16:16; 31:12; Ohab. 22:6)
b) Ino ty ohatse soa nengàn’i Jesosy, mba hamporisìha ty zatovo hanorike ty safà’ty rae amin-drenine? (Lioka 2:51; Deot. 5:16; Ohab. 23:22; Kol. 3:20)
2. Vakio Matio 13:53-56.
Ia iaby ty anara rahalahin’i Jesosy efatse hita amy Baiboly ao? Ino ty asa’ty roe amin-droze reo tamy fiangona kristiana ao? (Matio 13:55; Asa. 12:17; 15:6, 13; 21:18; Gal. 1:19; Jak. 1:1; Joda 1)
Nataon’i Jaona Batisa Jesosy
1. Ia lahilahy roe amy sary reo?
2. Manao akore ty fomba fanaòva batisa olo raike?
3. Olo manao akore reny matetike ro nataon’i Jaona batisa?
4. Ino ty antone manòka nangatahan’i Jesosy an’i Jaona mba hanao batisa aze?
5. Nanao akore ty fomba nampisehoa-Ndranahare ty hafaliane, laha fa natao batisa Jesosy?
6. Ino ty raha niseho laha fa nandeha tamy toera mangìky raike zay tany, tanaty 40 andro Jesosy?
7. Ia ty anara’ty mpanara-dia an’i Jesosy sasane, na ty mpianatsine voalohane? Ino ty fahagagà nataon’i Jesosy voalohane?
Fanontanea fanampine:
1. Vakio Matio 3:13-17.
Ino ty ohatse namean’i Jesosy mpianatsine reo? (Sal. 40:7, 8; Matio 28:19, 20; Lioka 3:21, 22)
2. Vakio Matio 4:1-11.
Mamporisike antsika mba hazoto hianatse Baiboly ty fahaìzan’i Jesosy nampiasa Safà-Ndranahare io. Ino ty antone? (Matio 4:5-7; 2 Pet. 3:17, 18; 1 Jaona 4:1)
3. Vakio Jaona 1:29-51.
Nampanorihin’i Jaona an’ia mpianatsine reny? Ino ty azontsika anahàfa aze henany zao? (Jaona 1:29, 35, 36; 3:30; Matio 23:10)
4. Vakio Jaona 2:1-12.
Hita tamy fahagagà nataon’i Jesosy voalohane iny, fa manome ze raha soa ho ahi’ty mpanompone Jehovah. Hazavao. (Jaona 2:9, 10; Sal. 84:11; Jak. 1:17)
Nataon’i Jesosy Malio Tempoly Iny
1. Ino ty antone namaròta biby tamy tempoly tao?
2. Nanino Jesosy ro neloke maré?
3. Ino raha ataon’i Jesosy amy sary io? Ino ty safà nandidiane lahilahy mpamarotse voromailala reny?
4. Ino ty raha tiaro mpianatsin’i Jesosy reny, laha fa nahita ty raha nataone roze?
5. Faritsy mbaìa iaby ty nandalòvan’i Jesosy, laha fa nimpòly a-Galilia ane roze?
Fanontanea fanampine:
1. Vakio Jaona 2:13-25.
Neloke biby tamy lahilahy nanakalo drala tamy tempoly tao reny Jesosy. Manao akore kea ty fiheverantsika fanaòva varotse amy Efitrano Fanjakà ane, laha raha zay ro hentea? (Jaona 2:15, 16; 1 Kor. 10:24, 31-33)
Jesosy Noho Ampela Samaritana Iny
1. Ino va ty antone nipetrapetrahan’i Jesosy tanila vovo raike ta-Samaria tao iny? Ino ty raha novolànine tamin’ampela raike niavy teo?
2. Nitserike ampela io, fa nanino? Ino ty raha noresahin’i Jesosy tamine?
3. Rano manao akore ro noeritseretin’ampela io fa noresahin’i Jesosy? Fe ino rano tean’i Jesosy hovolàny io?
4. Nanino ampela iny ro nitserike laha fa nanambara tamine ty raha mikasike aze Jesosy? Baka amin’ia ty nahaìzan’i Jesosy raha zay?
5. Ino ty fianara azontsika baka amy tantaran’ampela nantsàka rano io?
Fanontanea fanampine:
1. Vakio Jaona 4:5-43.
a) Laha ty ohatse nengàn’i Jesosy ro hentea; manao akore ty tokone hiheverantsika olo tsy mitovy loko na tsy karàza raike amintsika reny? (Jaona 4:9; 1 Kor. 9:22; 1 Tim. 2:3, 4; Tit. 2:11)
b) Ino ty fitahia ara-panahy azo’ty olo raike, laha fa manjary mpianatsin’i Jesosy ie? (Jaona 4:14; Isaia 58:11; 2 Kor. 4:16)
d) Afake manahake ampela samaritana iny tsika ka tsy hitanjake ty raha rentsika, fa hanambara malaky raha io amin’olo hafa. Amy fomba manao akore ro ampisehoantsika fa teantsika ty manao raha zay? (Jaona 4:7, 28; Matio 6:33; Lioka 10:40-42)
Nampianatse Tamy Vohitse teo Jesosy
1. Nampianatse taìa Jesosy amy sary io? Ia lahilahy mipetrake marìny aze reo?
2. Ia iaby ty anaran’apostoly 12 reny?
3. Ino Fanjakà notorìn’i Jesosy iny?
4. Nampianatse ty olo mba hivavake Jesosy. Mikasike ino vavake io?
5. Ino ty fomba atao laha fa mifampikasoke amin’olo hafa tsika, arake ty safàn’i Jesosy?
Fanontanea fanampine:
1. Vakio Matio 5:1-12.
Ami’ty fomba manao akore ro ampisehoantsika fa mila an’Andranahare tsika? (Matio 5:3; Rom. 10:13-15; 1 Tim. 4:13, 15, 16)
2. Vakio Matio 5:21-26.
Resahy amy Matio 5:23, 24 ao fa misy vokany amy fifampikasohantsika amin’i Jehovah ty fifampikasohantsika amy rahalahintsika reo. Hazavao. (Matio 6:14, 15; Sal. 133:1; Kol. 3:13; 1 Jaona 4:20)
3. Vakio Matio 6:1-8.
Tsy tokone hihevitse ty vatatenane ho marina ty Kristiana. Fe amy fomba manao akore ro mety hisehoa raha zay? (Lioka 18:11, 12; 1 Kor. 4:6, 7; 2 Kor. 9:7)
4. Vakio Matio 6:25-34.
Ino ty raha nampianarin’i Jesosy, mba hanampia antsika hatoky fa manome ze raha ilàntsika isan’andro Jehovah? (Eks. 16:4; Sal. 37:25; Fil. 4:6)
5. Vakio Matio 7:1-11
Ino ty fianara azontsika baka amy ohatse mazava hita amy Matio 7:5 ao? (Ohab. 26:12; Rom. 2:1; 14:10; Jak. 4:11, 12)
Mamelo ty Maty Jesosy
1. Ia va ty baban’ajà ampela amy sary io? Ino raha mampanahìra an-droze morovaly io?
2. Ino ty raha nataon’i Jairo laha fa nahita an’i Jesosy ie?
3. Ino ty raha niseho laha fa nandeha ho an-tranon’i Jairo ane Jesosy? Fe ino ty hafatse novolàny tamin’i Jairo tan-dala teny?
4. Nanino olo tan-tranon’i Jairo tao reny ro nihehy an’i Jesosy?
5. Nandesin’i Jesosy ho amy efitse misy ajà ampela iny ane ty rae noho ty renine miarake amy apostoly telo. Ino ty raha nataon’i Jesosy laha fa bakeo?
6. Ia ty olo nimaty ka novelomin’i Jesosy ndraike? Mampiseho ino raha zay?
Fanontanea fanampine:
1. Vakio Lioka 8:40-56.
Tamy fomba manao akore ro nampisehoan’i Jesosy tamin’ampela nandeha lio iny, fa be fangoraham-po noho nahay nandanjalanja ie? Ino ty fianara tokone hotahafi’ty anti-panahy kristiana baka amy raha zay? (Lioka 8:43, 44, 47, 48; Lev. 15:25-27; Matio 9:12, 13; Kol. 3:12-14)
2. Vakio Lioka 7:11-17.
Mahafake ty alahelon’olo nana longo fa nimaty, safàn’i Jesosy tamin’ampela fa maty valy ta-Naina tao iny. Ino ty antone? (Lioka 7:13; 2 Kor. 1:3, 4; Heb. 4:15)
3. Vakio Jaona 11:17-44.
Nanao akore ty fomba nampisehoan’i Jesosy, fa mety ty mitàny, laha fa misy longontsika maty? (Jaona 11:33-36, 38; 2 Sam. 19:1-5)
Nanome Hany Olo Maro Jesosy
1. Ino ty raha nampalahelo nahazo an’i Jaona? Nanao akore Jesosy laha fa naharé raha zay?
2. Akore ty fomba nanomezan’i Jesosy hany olo maro biby nanarake aze reny? Laha fa nahòro hany sisa tsy lany reny, nanao akore ty hamaroane?
3. Ino ty antone nampavàka mpianatse reny tamy andro halike io? Ino ty raha nahazo an’i Petera?
4. Nanao akore ndraike ty fomba namahanan’i Jesosy olo an’arivone mahery reny?
5. Ino ty antone ivolànantsika fa ho soa ty fiaìna, laha fa Jesosy ro ho Mpanjaka’ty tany?
Fanontanea fanampine:
1. Vakio Matio 14:1-32.
a) Toetsin’i Petera manao akore iny ro hita amy Matio 14:23-32 ao?
b) Tantara manao akore amy Baiboly ao iny ro ahità fa nanjary nana sain’olobe Petera? (Matio 14:27-30; Jaona 18:10; 21:7; Asa. 2:14, 37-40; 1 Pet. 5:6, 10)
2. Vakio Matio 15:29-38.
Tamy fomba manao akore ro nampisehoan’i Jesosy fa nanaja ty raha namean’i Jehovah aze ie? (Matio 15:37; Jaona 6:12; Kol. 3:15)
3. Vakio Jaona 6:1-21.
Akore ty fomba hanahàfa’ty Kristiana an’i Jesosy, laha ty resake fanajà fitondram-panjakà ro resahy? (Jaona 6:15; Matio 22:21; Rom. 12:2; 13:1-4)
Tea Anak’ajà Kelikele Ie
1. Nialy hevitse mikasike ino apostoly reny tan-dala teny, laha fa baka nandeha lavitse?
2. Nanino Jesosy ro nikaike anak’ajà, ka nampitsanga ajà io talohan’apostoly reo teo?
3. Ino ty tokone hatao apostoly reo laha ta hanahake anak’ajà io roze?
4. Tamy fomba manao akore ro nampisehoan’i Jesosy, vola vitsivitsy tafara atoy, fa teane ty ajà?
Fanontanea fanampine:
1. Vakio Matio 18:1-4.
Nanino Jesosy ro nampiasa ohatse, laha fa nampianatse? (Matio 13:34, 36; Marka 4:33, 34)
2. Vakio Matio 19:13-15.
Toetsin’ajà manao akore ro tokone hotahàfintsika laha teantsika ty hahazo ty Fanjakà-Ndranahare? (Sal. 25:9; 138:6; 1 Kor. 14:20)
3. Vakio Marka 9:33-37.
Ino ty raha nampianarin’i Jesosy mpianatsine reny mba tsy hanirian-droze laza, na toera anabo? (Marka 9:35; Matio 20:25, 26; Gal. 6:3; Fil. 2:5-8)
4. Vakio Marka 10:13-16.
Tamy fomba manao akore ro nahità fa mora ty mamonjy an’i Jesosy? Ino ty fianara azo’ty anti-panahy amy raha zay? (Marka 6:30-34; Fil. 2:1-4; 1 Tim. 4:12)
Ty Fomba Fampianaran’i Jesosy
1. Ino ty raha nanontanea lahilahy raike an’i Jesosy? Ino ty antone?
2. Mampiasa ino Jesosy kindraindraike laha fa mampianatse? Ino koa ty raha fa haintsika mikasike ty Jiosy noho Samaritana?
3. Arake tantara nataon’i Jesosy io, ino ty raha niseho tamy Jiosy raike laha fa nandeha ho a-Jeriko ane ie?
4. Nanao akore ty fihetsiky mpisoro jiosy noho ty Levita raike, nandalo tamy lala io teo?
5. Ia ty nanampy Jiosy naratsy io, arake ty hita amy sary eo?
6. Ino ty fanontanea napetran’i Jesosy tamy lahilahy iny, laha fa vita tantara io? Ino hoasa lahilahy iny aze?
Fanontanea fanampine:
1. Vakio Lioka 10:25-37.
a) Tsy avy le namaly ty fanontanea lahilahy raike nahay Lalàna zay Jesosy, fa nanampy aze mba hieritseritse. Tamy fomba manao akore ro nanaòvane raha zay? (Lioka 10:26; Matio 16:13-16)
b) Nanino Jesosy ro nampiasa fanohàra, mba hanampia ty olo mpijànjy aze tsy hifilifily karazan’olo? (Lioka 10:36, 37; 18:9-14; Tit. 1:9)
Nitàha ty Olo Marare Jesosy
1. Ino ty raha nataon’i Jesosy laha fa nandehandeha tamy tanà io tao ie?
2. Ino ty raha novolànin’i Jesosy tamy apostoline reny, telo tao tafara’ty batisane?
3. Ia olo amy sary reo? Ataon’i Jesosy ino ampela io?
4. Nanohitse an’i Jesosy mpitarike fivavàha reny, fe nimenatse roze laha fa namaly an-droze Jesosy. Ino ty antone?
5. Ino ty raha nataon’i Jesosy tamy lahilahy roe jiky rezay, laha fa niha-narìny an’i Jeriko ie miarake amy apostoline reny?
6. Ino ty antone anaòvan’i Jesosy fahagagà?
Fanontanea fanampine:
1. Vakio Matio 15:30, 31.
Nampiasa an’i Jesosy mba hampisehoane ty herine Jehovah. Tantarao ty fomba miavake nanaovane raha zay. Tokone hanao akore kea ty finoantsika raha nampitamànin’i Jehovah amy tontolo vaovao ao? (Sal. 37:29; Isaia 33:24)
2. Vakio Lioka 13:10-17.
Tamy Sabata ro nanaòvan’i Jesosy ty sasane tamy fahagagà niavake biby. Fanampia manao akore ro handesine ho ahi’ty olombelo laha fa amy Fanjakàne Arivo Tao io? (Lioka 13:10-13; Sal. 46:9; Matio 12:8; Kol. 2:16, 17; Apok. 21:1-4)
3. Vakio Matio 20:29-34.
Nahita fotoa hanampia ty olo avao Jesosy, ndre fa maro aza ty raha nataone. Manao akore ty fomba ampisehoa tantara io raha zay? Ino koa ty fianara azontsika ami’zay? (Deot. 15:7; Jak. 2:15, 16; 1 Jaona 3:17)
Natao Mpanjaka Jesosy
1. Ino ty raha nampanaòvin’i Jesosy mpianatsine reny, laha fa tamy tanà raike marinike an’i Jerosalema zay roze?
2. Ino ty raha niseho laha fa niavy marìny an’i Jerosalema Jesosy, arake ty hita amy sary io?
3. Ino ty raha nataon’ajà kelikele reny, laha fa nahita an’i Jesosy nitàha ty olo jiky noho kolitsake roze?
4. Ino ty safà novolànin’i Jesosy tamy mpisoro reny, laha fa neloke roze?
5. Amy fomba manao akore ro hanahàfantsika ajà nidera an’i Jesosy reo?
6. Ino raha tea mpianatsin’i Jesosy reo ho hay io?
Fanontanea fanampine:
1. Vakio Matio 21:1-17.
a) Ino ty tsy nampitovy ty filìran’i Jesosy Mpanjaka ta-Jerosalema tao, ami’ty jeneraly romana naharesy? (Matio 21:4, 5; Zak. 9:9; Fil. 2:5-8; Kol. 2:15)
b) Laha fa nilitse tamy tempoly tao Jesosy, le nivòla andinin-teny baka amy Salamo 118 ao ajà israelita rezay. Ino ty fianara azo’ty zatovo baka amy raha zay? (Matio 21:9, 15; Sal. 118:25, 26; 2 Tim. 3:15; 2 Pet. 3:18)
2. Vakio Jaona 12:12-16.
Ino ty dika sampan-kazo nampiasàn’olo nidera an’i Jesosy reny? (Jaona 12:13; Fil. 2:10; Apok. 7:9, 10)
Jesosy Tamy Vohitse Oliva Teo
1. Aìa Jesosy amy sary io? Ia olo miarake amine reo?
2. Fa ho natao mpisoro reo ino Jesosy tamy tempoly tao? Ino ty raha novolànin’i Jesosy tamin-droze?
3. Nanontany ino an’i Jesosy apostoly reny?
4. Nanino Jesosy ro nivòla tamin’apostoly reo ty raha hiseho an-tany etoy, laha fa ho Mpanjaka an-danitse any ie?
5. Ino ty raha novolànin’i Jesosy fa hisy, aloha’ty hamaràna ty faharatia an-tany etoy?
Fanontanea fanampine:
1. Vakio Matio 23:1-39.
a) Hita amy Baiboly ao fa azo atao ty mampiasa anaram-boninahitse tsy ara-pivavàha. Fe manao akore safàn’i Jesosy amy Matio 23:8-11 ao iny, laha ty fampiasà anaram-boninahitse amy fiangona kristiana eo ro resahy? Mety va? (Asa. 26:25; Rom. 13:7; 1 Pet. 2:13, 14)
b) Ino ty raha natao Fariseo reo, mba hanakàna ty olo tsy ho Kristiana? Ino ty raha mitovy amin’io, atao’ty mpitarike fivavàha henany zao? (Matio 23:13; Lioka 11:52; Jaona 9:22; 12:42; 1 Tes. 2:16)
2. Vakio Matio 24:1-14.
a) Ilà vatane ty miaritse. Ino ty antone arake ty resahy amy Matio 24:13 ao?
b) Ino ty dika safà hoe “farane” amy Matio 24:13 ao? (Matio 16:27; Rom. 14:10-12; 2 Kor. 5:10)
3. Vakio Marka 13:3-10.
Amy Marka 13:10 ao, ino ty safà mampiseho fa mila mitory ty vaovao soa malaky vatane tsika? Manosike antsika hanao ino safàn’i Jesosy reo? (Rom. 13:11, 12; 1 Kor. 7:29-31; 2 Tim. 4:2)
Tamy Efitse Tanabo Tao
1. Arake ty hita amy sary io, manao ino amy trano malalake anabo io ao va Jesosy noho apostoline 12 reo?
2. Ia va lahilahy nandeha niboake iny, ka hanao ino ie?
3. Hany manòka ino ro nataon’i Jesosy, laha fa vita hany natao ho amy Paska iny?
4. Ino ty raha tiaron’Israelita reo laha fa amy fotoa Paska io? Ino koa ty raha tiaro mpanara-dia an’i Jesosy reo amy sakafo manòka io?
5. Ino ty raha novolànin’i Jesosy tamy mpanara-dia azy reny, tafara Sakafo Hariva’ty Tompo io? Ino ty raha nataon-droze?
Fanontanea fanampine:
1. Vakio Matio 26:14-30.
a) Hazavao baka amy Matio 26:15 ao, fa asan’i Jodasy aze ty namalike an’i Jesosy.
b) Ino iaby ty antone roe nahavy an’i Jesosy handatsake ty lione? (Matio 26:27, 28; Jer. 31:31-33; Efes. 1:7; Heb. 9:19, 20)
2. Vakio Lioka 22:1-39.
Ino ty raha tea’ty Baiboly hovolàny amy hoe: “Nilitse tamin’i Jodasy tao Satana”? (Lioka 22:3; Jaona 13:2; Asa. 1:24, 25)
3. Vakio Jaona 13:1-20.
a) Afake tami’ty raha raty nataone va Jodasy, arake ty Jaona 13:2? Ino ty fianara azo’ty mpanompo-Ndranahare baka amy raha zay? (Gen. 4:7; 2 Kor. 2:11; Gal. 6:1; Jak. 1:13, 14)
b) Ino ty ohatse bevata nengàn’i Jesosy? (Jaona 13:15; Matio 23:11; 1 Pet. 2:21)
4. Vakio Jaona 17:1-26.
Nivavake Jesosy mba ho “raike” avao mpanara-dia aze reo. Ino ty dika raha zay? (Jaona 17:11, 21-23; Rom. 13:8; 14:19; Kol. 3:14)
Jesosy Tamy Zariday Tao
1. Nandeha aìa Jesosy noho apostoline reny, laha fa niala tamy trano anabo tao? Ino ty raha novolànin’i Jesosy mba hataon-droze?
2. Ino ty raha hitan’i Jesosy, laha fa nimpòly tamy toera nisy apostoly reny teo ie? Impiry raha zay ro niseho?
3. Ia ty niavy tamy zariday tao? Ino ty raha nataon’i Jodasy Iskariota, arake ty hita amy sary io?
4. Nanino Jodasy ro nanoroke an’i Jesosy? Ino ty raha nataon’i Petera?
5. Ino ty raha novolànin’i Jesosy tamin’i Petera? Fe nanino Jesosy ro tsy nangatake tami-Ndranahare mba handefa anjele?
Fanontanea fanampine:
1. Vakio Matio 26:36-56.
a) Ohatse soa ho ahi’ty anti-panahy ty fomba nanomezan’i Jesosy torohevitse ty mpianane. Hazavao. (Matio 20:25-28; 26:40, 41; Gal. 5:17; Efes. 4:29, 31, 32)
b) Manao akore ty fiheveran’i Jesosy ty fampiasà basy na sabatsy na raha hafa manahake reo mba hamonoa olo hafa? (Matio 26:52; Lioka 6:27, 28; Jaona 18:36)
2. Vakio Lioka 22:39-53.
Nanjary nalemy va ty finoan’i Jesosy, kanao nisy anjele niavy tamy zariday Getsemane tao, mba hampahery aze? Hazavao. (Lioka 22:41-43; Isaia 49:8; Matio 4:10, 11; Heb. 5:7)
3. Vakio Jaona 18:1-12.
Nanao akore ty fomba niarovan’i Jesosy ty mpianatsine tamy mpanohitse? Ino koa ty fianara azontsika baka amy raha zay? (Jaona 10:11, 12; 18:1, 6-9; Heb. 13:6; Jak. 2:25)
Novonòa Jesosy
1. Ia ty tsy tea an’i Jesosy ka namono aze?
2. Ino ty raha natao’ty apostoly laha fa nosambory mpitarike fivavàha Jiosy reny Jesosy?
3. Ino ty raha niseho tan-tranon’i Kaiafa, mpisoronabe tao?
4. Nanino Petera ro nilay sady nitàny?
5. Laha fa nandesy nimpòly tamin’i Pilato tao Jesosy, ino ty kiakiake natao sefo’ty mpisoro reo?
6. Natao akore Jesosy laha fa nanomboke ty zoma hariva? Ino ty safà nampitamànine jiolahy nofantsìhy tanilane teo iny?
7. Aìa va ro hisy Paradisa noresahin’i Jesosy iny?
Fanontanea fanampine:
1. Vakio Matio 26:57-75.
Tamy fomba manao akore ro nampisehoa lahilahy sasane tamy fitsarà anabo jiosy tao ty maha raty ty fon-droze? (Matio 26:59, 67, 68)
2. Vakio Matio 27:1-50.
Manino tsika ro afake mivòla fa tsy nanenenan’i Jodasy ty raha raty nataone? (Matio 27:3, 4; Marka 3:29; 14:21; 2 Kor. 7:10, 11)
3. Vakio Lioka 22:54-71.
Nandà an’i Jesosy Petera tamy andro haly nivalìhan’i Jodasy tamine noho nanambòra aze iny. Ino ty fianara azontsika amy raha zay? (Lioka 22:60-62; Matio 26:31-35; 1 Kor. 10:12)
4. Vakio Lioka 23:1-49.
Nanao akore ty fihetsikin’i Jesosy laha fa nahazo aze ty tsy rariny? Fianara ino ro azontsika amy zay? (Lioka 23:33, 34; Rom. 12:17-19; 1 Pet. 2:23)
5. Vakio Jaona 18:12-40.
Ndre nisy aza ty fotoa navakàn’i Petera olo, le nanjary apostoly niavake avao ie. Ino ty ambara raha zay amintsika? (Jaona 18:25-27; 1 Kor. 4:2; 1 Pet. 3:14, 15; 5:8, 9)
6. Vakio Jaona 19:1-30.
a) Ino ty mampiseho fa nahay nandanjalanja ze raha nilàne isan’andro Jesosy? (Jaona 2:1, 2, 9, 10; 19:23, 24; Matio 6:31, 32; 8:20)
b) Manino safàn’i Jesosy tam-pialà ay teo iny ro mampiseho fa naharesy ie, satria naneky ty fahefàn’i Jehovah handay? (Jaona 16:33; 19:30; 2 Pet. 3:14; 1 Jaona 5:4)
Velo Ndraike Jesosy
1. Ia va ampela amy sary io? Ia lahilahy roe eo reo? Aìa ty misy an-droze io?
2. Nanino Pilato ro nivòla tamy mpisoro reo mba handefa miaramila hiamby ty lolon’i Jesosy?
3. Tamy andro fahatelo nahafatesan’i Jesosy, ino ty raha nataon’anjele raike, vo maraindray biby? Fe ino ty raha natao’ty mpisoro?
4. Nanino ty ampela sasane ro nitserike laha fa nisafo lolon’i Jesosy iny?
5. Nanino Petera noho Jaona ro nilay malaky ho an-dolon’i Jesosy ane? Ino ty raha hitan-droze?
6. Nanjary nanao akore ty vatan’i Jesosy? Fe ino ty raha nataone mba hahafaha mpianatsine reo hahita aze hoe velo ndraike?
Fanontanea fanampine:
1. Vakio Matio 27:62-66 noho 28:1-15.
Tamy fotoa nitsanganan’i Jesosy tamy maty, le nanota tamy fanahy masy loha’ty mpisoro noho Fariseo miarake amy anti-panahy reny. Ino fahotà nataon-droze io? (Matio 12:24, 31, 32; 28:11-15)
2. Vakio Lioka 24:1-12.
Ino ty porofo mampiseho fa mieritseritse ty ampela ho vavolombelo azo iantehéra Jehovah, amy tantara mikasike fitsanganan’i Jesosy tamy maty io? (Lioka 24:4, 9, 10; Matio 28:1-7)
3. Vakio Jaona 20:1-12.
Laha mbo misy tsy mazava amintsika ty fahatanteraha’ty faminania amy Baiboly ao sasane, le tokone hahalìny tsika. Manao akore ty fomba iresaha’ty Jaona 20:8, 9 raha zay? (Ohab. 4:18; Matio 17:22, 23; Lioka 24:5-8; Jaona 16:12)
Militse amy Trano Mihìly
1. Ino ty raha novolànin’i Maria tamy lahilahy nataone ho mpiamby zariday iny? Fe tamy fomba manao akore ro nahaìzane fa Jesosy olo io?
2. Ino ty raha niseho, laha fa tan-dala ho an-tanàn’i Emaosy ane ty mpianatse roe?
3. Ino ty raha nahatserike niseho, laha mbo nitantara ty nisehoan’i Jesosy tamin-droze mpianatse roe lahy reny?
4. Impiry Jesosy ro niseho tamy mpanara-dia aze reo?
5. Ino hoy ty asan’i Tomasy, laha fa naharé ie fa nahita an’i Tompo ty mpianatse? Fe ino ty raha niseho, laha fa afake valo andro tafara atoy?
Fanontanea fanampine:
1. Vakio Jaona 20:11-29.
Te hivòla va Jesosy amy Jaona 20:23 ao, fa namea fahefà hamela heloke ty olombelo? Hazavao. (Sal. 49:2, 7; Isaia 55:7; 1 Tim. 2:5, 6; 1 Jaona 2:1, 2)
2. Vakio Lioka 24:13-43.
Amy fomba manao akore ro hanomànantsika ty fontsika mba haneke ty fahamarìna amy Baiboly ao? (Lioka 24:32, 33; Ezra 7:10; Matio 5:3; Asa. 16:14; Heb. 5:11-14)
Nimpòly An-danitse ane Ndraike Jesosy
1. Firy ty mpianatse nahita an’i Jesosy ndraike andro? Ino ty raha noresahine tamin-droze?
2. Ino moa ty Fanjakà-Ndranahare? Hanao akore ty fiaìna an-tany etoy, laha fa hanjaka anaty arivo tao Jesosy?
3. Tanaty firy andro Jesosy ro niseho tamy mpianatsine reny? Fe fotoa tokony hanaovane ino henany zao?
4. Nodidin’i Jesosy mba hanao ino mpianatsine reo, taloha’ty nialàne tamin-droze teo?
5. Ino ty raha hita amy sary io? Ino koa ty raha nanàko an’i Jesosy?
Fanontanea fanampine:
1. Vakio 1 Korintianina 15:3-8.
Nivòla ty apostoly Paoly, fa natsanga tamy maty vatane Jesosy. Nanino ie ro natoky soa safà nataone io? Ino iaby ty raha atokìsa’ty Kristiana, ka resahine amin’olo henany zao? (1 Kor. 15:4, 7, 8; Isaia 2:2, 3; Matio 24:14; 2 Tim. 3:1-5)
2. Vakio Asan’ny Apostoly 1:1-11.
Zisiky aìa ro hanaòva ty asa fitoria, arake ty hita amy Asan’ny Apostoly 1:8 ao? (Asa. 6:7; 9:31; 11:19-21; Kol. 1:23)
Fandinìsa Ta-Jerosalema Ao
1. Arake ty hitanao amy sary eo, ino ty raha niseho tamy mpanara-dia an’i Jesosy nandìny ta-Jerosalema tao reny?
2. Ino ty raha nahatserike olo nivahiny ta-Jerosalema tao reny?
3. Ino ty raha nohazavàn’i Petera tamin’olo?
4. Nanao akore ty ankamaroan’olo laha fa baka nijànjy an’i Petera? Ino va raha novolànin’i Petera tamin-droze io?
5. Firy va ty olo natao batisa, tamy Pantekôty, tao faha-33 io?
Fanontanea fanampine:
1. Vakio Asan’ny Apostoly 2:1-47.
a) Hita amy safàn’i Petera amy Asan’ny Apostoly 2:23, 36 ao fa ty firenena jiosy manontolo ro nahavy ty fahafatesan’i Jesosy iny. Ino ty antone? (1 Tes. 2:14, 15)
b) Nihain’i Petera soa ty nampiasa Baiboly mba hahavy ty olo handinike noho hieritseritse. Hazavao. (Asa. 2:16, 17, 29, 31, 36, 39; Kol. 4:6)
d) Nampitamà an’i Petera Jesosy fa hameane aze ty “lakile fanjakà’ty lanitse.” Nanao akore ty fomba nampiasan’i Petera lakile io voalohane? (Asa. 2:14, 22-24, 37, 38; Matio 16:19)
Naboake Baka Am-pigadrà Ao
1. Ino ty raha niseho tamin’i Petera noho Jaona ndraike hariva tamin-droze handeha ho amy tempoly ao?
2. Ino ty raha novolànin’i Petera tamy lahilahy nalemy iny? Namean’i Petera raha soa biby mandilatse ty drala lahilahy io. Ino raha zay?
3. Nanino mpitarike fivavàha reny ro neloke? Nataon-droze akore Petera noho Jaona?
4. Ino hoasan’i Petera tamy mpitarike fivavàha reny? Ino ami’zay ty raha nafepétsy mpitarike fivavàha reny apostoly reo?
5. Ino ty antone nialòna mpitarike fivavàha reny apostoly reo? Fe ino ty raha niseho laha fa nogadrà fanindroany apostoly reny?
6. Ino ty safà navalin’apostoly reny, laha fa nandesy tamy Fitsarà Anabo ane roze?
Fanontanea fanampine:
1. Vakio Asan’ny Apostoly 3:1-10.
Manino safàn’i Petera amy Asan’ny Apostoly 3:6 io ro manampy antsika hahazo soa fa mana ty lanjany hafatse mikasike Fanjakà-Ndranahare torintsika io, ndra tsy afake manao fahagagà aza tsika? (Jaona 17:3; 2 Kor. 5:18-20; Fil. 3:8)
2. Vakio Asan’ny Apostoly 4:1-31.
Amy fomba manao akore ro hanahàfantsika rahalahintsika kristiana tamy taonjato voalohane reny, laha fa misy ty fanenjeha antsika? (Asa. 4:29, 31; Efes. 6:18-20; 1 Tes. 2:2)
3. Vakio Asan’ny Apostoly 5:17-42.
Fa nisy olo tsy Vavolombelo va taloha tany na henany zao, nalala-tsay, ka niaro ty asa fitoria? Manomeza ohatse. (Asa. 5:34-39)
Notoràha Vato Stefana
1. Ia moa Stefana zao? Nampia-Ndranahare hanao ino ie?
2. Ino ty raha novolànin’i Stefana ka nampeloke mpitarike fivavàha reny?
3. Nandesy niboake tanà io Stefana. Ino ty raha natao aze laha fa niavy tany?
4. Ia va lahilahy mitsanga marìny akanjon’i Stefana, amy sary io?
5. Ino ty raha nangatahin’i Stefana tamin’i Jehovah taloha’ty nahafatesane?
6. Manao akore ty fomba hanahàfantsika an’i Stefana laha fa misy olo manao raha raty amintsika?
Fanontanea fanampine:
1. Vakio Asan’ny Apostoly 6:8-15.
Ino ty fitake ampiasà mpitarike fivavàha reo mba hampijanòna ty asa fitoria atao’ty Vavolombelon’i Jehovah? (Asa. 6:9, 11, 13)
2. Vakio Asan’ny Apostoly 7:1-60.
a) Tamy fomba manao akore ro nahafàhan’i Stefana niaro ty vaovao soa laha fa nampiakary tamy Fitsarà Anabo ane ie? Ino ty fianara azontsika baka amy raha zay? (Asa. 7:51-53; Rom. 15:4; 2 Tim. 3:14-17; 1 Pet. 3:15)
b) Tokone hanao akore ty fihetsike asehontsika amin’olo manohitse asantsika reo? (Asa. 7:58-60; Matio 5:44; Lioka 23:33, 34)
Tan-dala ho A-Damaskosy Ane
1. Ino ty raha nataon’i Saoly tafara’ty nahafatesan’i Stefana?
2. Nisy raha nahatserike niseho tamin’i Saoly, laha fa tamy lala ho a-Damaskosy ane iny ie. Ino raha io?
3. Ino ty raha nampanaòvin’i Jesosy an’i Saoly?
4. Ino ty raha nampanaòvin’i Jesosy an’i Ananiasy? Nahita ndraike Saoly laha fa bakeo, ino ty nahavy raha zay?
5. Nanjary ia koa ty anara nahaìza an’i Saoly? Ino ty asa naniràha aze?
Fanontanea fanampine:
1. Vakio Asan’ny Apostoly 8:1-4.
Nanjary niparitake tamy tany maro ty finoa kristiana ka nihamaro, laha fa nenjéhy fiangona kristiana vaovao iny. Fa nanino? Ino koa ty raha miseho amy androntsika henany zao, ka mitovy amin’io? (Asa. 8:4; Isaia 54:17)
2. Vakio Asan’ny Apostoly 9:1-20.
Ino iaby asa telo tean’i Jesosy hataon’i Saoly io? (Asa. 9:15; 13:5; 26:1; 27:24; Rom. 11:13)
3. Vakio Asan’ny Apostoly 22:6-16.
Amy fomba manao akore ro hanahàfantsika an’i Ananiasy? Ino ty antone ilà raha zay? (Asa. 22:12; 1 Tim. 3:7; 1 Pet. 1:14-16; 2:12)
4. Vakio Asan’ny Apostoly 26:8-20.
Manatanjake aze manambaly tsy Vavolombelo reo, ty fiovàn’i Saoly ho Kristiana. Fa manino? (Asa. 26:11; 1 Tim. 1:14-16; 2 Tim. 4:2; 1 Pet. 3:1-3)
Nisafo An’i Kornelio Petera
1. Ia lahilahy mandohalike amy sary io?
2. Ino ty raha novolànin’anjele raike tamin’i Kornelio?
3. Nampahitàn’i Jehovah ino Petera, tamin’ie tanabo tafon-tranon’i Simona ta-Jopa tao?
4. Nanino Petera ro nandrara an’i Kornelio tsy handohalike na hivavake amine?
5. Nanino mpianatse jiosy niarake tamin’i Petera reny ro nitserike?
6. Ino va ty raha miavake ianarantsika baka amy fitsidihan’i Petera an’i Kornelio io?
Fanontanea fanampine:
1. Vakio Asan’ny Apostoly 10:1-48.
Ino ty dika safàn’i Petera amy Asan’ny Apostoly 10:42 ao iny, mikasike asa fitoria ty Fanjakà-Ndranahare? (Matio 28:19; Marka 13:10; Asa. 1:8)
2. Vakio Asan’ny Apostoly 11:1-18.
Nanao akore ty fihetsikin’i Petera, laha fa nazava tamine ty tari-dalan’i Jehovah mikasike ty olo hafa firenena? Amy fomba manao akore ro hanahàfantsika aze? (Asa. 11:17, 18; 2 Kor. 10:5; Efes. 5:17)
Mpanampy An’i Paoly Vaovao Timoty
1. Ia va ajà lahilahy amy sary io? Mipetrake aìa ie? Ia ty anara’ty renine noho ty renibény?
2. Nanontany an’i Timoty Paoly, laha te hiarake amine noho Silasy handeha hitory amy tany lavitse ane ie. Ino ty safà navalin’i Timoty?
3. Taìa ro nikaìha voalohane ty mpanara-dia an’i Jesosy hoe Kristiana?
4. Taìa ty tanà nandehanan’i Paoly, Silasy, noho Timoty, laha fa niala an’i Antiokia roze?
5. Tamy fomba manao akore ro nanampian’i Timoty an’i Paoly? Fanontanea ino ro tokone hapetra’ty zatovo ami’ty vatane?
Fanontanea fanampine:
1. Vakio Asan’ny Apostoly 9:19-30.
Tamy fomba manao akore ro nampisehoan’apostoly Paoly fa mahay miamby soa ie, laha fa nisy nanohitse ty fitoria vaovao soa? (Asa. 9:22-25, 29, 30; Matio 10:16)
2. Vakio Asan’ny Apostoly 11:19-26.
Ambara amy tantara amy Asan’ ny Apostoly 11:19-21, 26 ao iny, fa mitarike ty asa fitoria ty fanahin’i Jehovah. Akore ro ahità raha zay?
3. Vakio Asan’ny Apostoly 13:13-16, 42-52.
Hita amy Asan’ny Apostoly 13:51, 52 ao fa tsy kivy mpianatse reny laha fa nisy nanohitse an-droze. Hazavao. (Matio 10:14; Asa. 18:6; 1 Pet. 4:14)
4. Vakio Asan’ny Apostoly 14:1-6, 19-28.
Laha fa manampy olo vaovao tsika, le mila ‘apetrantsika amin’i Jehovah ty fikarakarà an-droze.’ Manino raha zay ro manampy antsika tsy ho sahiran-tsay loatse? (Asa. 14:21-23; 20:32; Jaona 6:44)
5. Vakio Asan’ny Apostoly 16:1-5.
Naneke hatao savatse Timoty. Hita tamy raha nataone zay fa nisy lanjany bevata tamine ty fanaòva ‘ty raha iaby noho’ty vaovao soa.’ Hazavao. (Asa. 16:3; 1 Kor. 9:23; 1 Tes. 2:8)
6. Vakio Asan’ny Apostoly 18:1-11, 18-22.
Resahy amy Asan’ny Apostoly 18:9, 10 ao, fa Jesosy ro mitarike ty asa fitoria. Hazavao. Ino ty raha tamanintsika baka amy raha zay? (Matio 28:20)
Ajà Lahilahy Raike Nilàvo Satria Niroro
1. Ia va ajà lahilahy miampatsy amy tany io? Nanino ie io?
2. Ino ty raha nataon’i Paoly, laha fa hitane fa maty ajà lahilahy io?
3. Taìa ro nandehanan’i Paoly noho Timoty miarake amin’olo nanarake an-droze reny? Ino ty raha niseho laha fa nijàno ta-Mileto tao roze?
4. Ino ty anatse maré nataon’i Agabo mpaminany an’i Paoly? Tamy fomba manao akore ro nahatanterake safà zay?
Fanontanea fanampine:
1. Vakio Asan’ny Apostoly 20:7-38.
a) Ino avao ty raha tokone hataontsika, laha teantsika ty ho “afake ami’ty lion’olo iaby”, arake ty safàn’i Paoly amy Asan’ny Apostoly 20:26, 27 ao iny? (Ezek. 33:8; Asa. 18:6, 7)
b) Nanino ty anti-panahy ro tokone ‘hitanjake maré safà azo antoke iny’, laha fa mampianatse? (Asa. 20:17, 29, 30; Tit. 1:7-9; 2 Tim. 1:13)
2. Vakio Asan’ny Apostoly 26:24-32.
Mba hahavitane ty asa nanirahan’i Jesosy aze, le nanararaotse ty maha-romana aze Paoly. Tamy fomba manao akore ro nanaòvane raha zay? (Asa. 9:15; 16:37, 38; 25:11, 12; 26:32; Lioka 21:12, 13)
Vaky Sambo Tanila Nosy Raike
1. Ino ty raha nahazo sambo nandehan’i Paoly iny, laha fa nandalo tanila nosy Kreta teo ie?
2. Ino hoasan’i Paoly tamin’olo iaby tanaty sambo io tao?
3. Nanino sambo io ro nitorotoro?
4. Ino ty raha novolàny kapiteny iny? Firy ty olo niavy soa tan-tety teny?
5. Ia ty anara nosy nijanonan-droze io? Ino ty raha nataon’i Paoly laha fa nihasoa ty andro?
Fanontanea fanampine:
1. Vakio Asan’ny Apostoly 27:1-44.
Manampe antsika hino soa ze raha iaby anaty Baiboly ao, tantara mikasike lia nataon’i Paoly ta-Roma ane iny. Hazavao. (Asa. 27:16-19, 27-32; Lioka 1:3; 2 Tim. 3:16, 17)
2. Vakio Asan’ny Apostoly 28:1-14.
“Tea olo vatane” mpanompo sampy ta-Malta tao reo, ka “nisoa fanahy” tamin’apostoly Paoly noho tamin’olo hafa niarake sambo amine reny. Tokone hamporisike ty Kristiana hanao ino raha zay? Amy fomba manao akore koa ro hanatanterahan-droze aze? (Asa. 28:1, 2; Heb. 13:1, 2; 1 Pet. 4:9)
Paoly Ta-Roma Tany
1. Ia iaby ty olo nitorian’i Paoly tamin’ie nigadra ta-Roma tao?
2. Ia olo manoratse amy latàbo nisafo an’i Paoly, amy sary io? Ino ty raha nataone ho an’i Paoly?
3. Ia moa Epafrodito zao? Ino ty raha nandesine ta-Filipy ane, laha fa noly tany ie?
4. Nanino Paoly ro nanoratse taratasy ho an’i Filemona, aze namane bibike iny?
5. Ino ty raha nataon’i Paoly, laha fa nafàha tam-pigadrà tao ie? Fe ino koa ty raha nahazo azy tafaran’io?
6. Ia ro nampiasàn’i Jehovah hanoratse ty boky farane amy Baiboly ao? Ino ty raha resahi’ty bokin’Apokalypsy?
Fanontanea fanampine:
1. Vakio Asan’ny Apostoly 28:16-31 noho Filipianina 1:13.
Nanararaotse ty fotoa nahagadra aze ta-Roma tao Paoly, ka nataone ino fotoa nananane reny? Ino ty vokatse soa niazo baka amy finoa matanjake nananane zay tamy fiangona kristiana teo? (Asa. 28:23, 30; Fil. 1:14)
2. Vakio Filipianina 2:19-30.
Nanao akore ty fomba nampisehoan’i Paoly ty fitiavane an’i Timoty noho Epafrodito, noho ty fomba azontsika anahàfa an’i Paoly? (Fil. 2:20, 22, 25, 29, 30; 1 Kor. 16:18; 1 Tes. 5:12, 13)
3. Vakio Filemona 1-25.
a) Ino ty nahavy an’i Paoly hamporisike an’i Filemona hanao raha soa? Amy fomba manao akore koa ro ahafàha’ty anti-panahy manahake aze henany zao? (Filem. 9; 2 Kor. 8:8; Gal. 5:13)
b) Nanaja ty feo’ty fieritseretan’olo hafa Paoly. Tamy fomba manao akore ro nanaòvane raha zay, laha hentea safàne amy Filemona 13, 14 ao io? (1 Kor. 8:7, 13; 10:31-33)
4. Vakio 2 Timoty 4:7-9.
Manahake an’apostoly Paoly, manino tsika ro afake matoky fa hitahy antsika Jehovah, laha tsy mivalike amine zisiky am-parane tsika? (Matio 24:13; Heb. 6:10)
Ty Fara’ty Faharatia
1. Manino ty Baiboly ro miresake mikasike sôvaly an-danitse ane?
2. Ino ty anara aly hatao-Ndranahare amin’olo raty fanahy an-tany etoy iny? Ino ty antone anaòva aly io?
3. Ia ty hitarike aly io, arake ty hita amy sary eo? Manino ie ro manao satroky mpanjaka? Ino ty dika sabatsy an-tanany eny io?
4. Manino tsika ro tsy tokone ho tserike laha handripake ty olo raty fanahy Andranahare, arake Tantara faha-10 noho faha-15 voho faha-33 fa nianarantsika reny?
5. Naripa-Ndranahare avao olo raty fanahy nanao ho nivavake amine reny. Ino ty antone, laha impolìa ndraike Tantara faha-33 noho faha-36 voho faha-76 iny?
Fanontanea fanampine:
1. Vakio Apokalypsy 19:11-16.
a) Manao akore ty fomba ampisehoa’ty Baiboly, fa Jesosy Kristy ro hitikitse sôvaly foty iny? (Apok. 1:5; 3:14; 19:11; Isaia 11:4)
b) Manino lio niparitake tamin’akanjon’i Jesosy teny reny ro manaporofo fa haharesy vatane ie? (Apok. 14:18-20; 19:13; Isaia 63:1-6)
d) Mety ho ia koa ro ho tafilitse amy miaramila manarake an’i Jesosy aze mitikitse sôvaly foty io? (Apok. 12:7; 19:14; Matio 25:31, 32)
Paradisa Vaovao An-tany Etoy
1. Hanao akore ty fiaìna laha fa ho Paradisa tany toy, hoy ty Baiboly?
2. Mampitamà ino, ho an’olo hiay amy Paradisa ao reny ty Baiboly?
3. Ombìa ty hanatanterahan’i Jesosy raha mahatserike zay?
4. Tamy Jesosy tan-tany etoy, ino ty raha nataone mba hampisehoa fa hanao raha manahake zay kea ie laha fa ho Mpanjaka amy Fanjakà-Ndranahare ao?
5. Ino ty raha tean’i Jesosy noho olo nofilìne hiarake manjaka amine reo hatao, laha fa hanapake an-tany etoy roze?
Fanontanea fanampine:
1. Vakio Apokalypsy 5:9, 10.
Matoky tsika fa mpanjaka noho mpisoro hanapake tany toy, anaty Fanjakà Arivo Tao io, le ho soa fanahy noho hamindra fo amintsika. Fa manino? (Efes. 4:20-24; 1 Pet. 1:7; 3:8; 5:6-10)
2. Vakio Apokalypsy 14:1-3.
Ino ty dika hoe voasoratse amy handry 144 000 reny eo ty anara’ty Rae noho ty Anak’aondry? (1 Kor. 3:23; 2 Tim. 2:19; Apok. 3:12)
Ia ty Hahazo Fiaìna Mandrakizay?
1. Ino ty raha tokone ho haintsika, laha teantsika ty hiay mandrakizay?
2. Laha hentea ty raha ataon’ajà ampela kelikele noho namany reo amy sary eo, amy fomba manao akore ro hianarantsika raha mikasike an’i Jehovah Andranahare noho Jesosy?
3. Ino boky hafa hitanao amy sary io? Manino tsika ro tokone hamaky boky io matetike?
4. Ankoatse ty fianara raha mikasike an’i Jehovah noho Jesosy, ino koa ty raha tokone hatao mba hahazoa fiaìna mandrakizay?
5. Ino ty raha azontsika ianara baka amy Tantara faha-69 ao?
6. Ino ty ohatse soa nengàn’i Samoela mbo nikely, laha Tantara faha-55 io ro hentea?
7. Amy fomba manao akore ro hanahàfantsika an’i Jesosy Kristy? Ho afake hanao ino tsika amy hoavy, laha manao raha zay?
Fanontanea fanampine:
1. Vakio Jaona 17:3.
Tsy midika hoe mahatiaro ty raha nianara reny avao ty dika mahazo fahalalà an’i Jehovah Andranahare noho Jesosy Kristy zao, fa misy raha hafa ankoatse an’io koa. Manao akore ty fomba anazavà’ty Baiboly raha zay? (Matio 7:21; Jak. 2:18-20; 1 Jaona 2:17)
2. Vakio Salamo 145:1-21.
a) Ino iaby ty antone sasane tokone hideràntsika an’i Jehovah? (Sal. 145:8-11; Apok. 4:11)
b) Ino ty mampiseho fa “manisy soa tontolo toy” Jehovah? Manino raha zay ro tokone hahavy antsika hamonjy aze? (Sal. 145:9; Matio 5:43-45)
d) Ino ty ezake tokone hataontsika, laha teantsika amy fontsika vatane Jehovah? (Sal. 119:171, 172, 175; 145:11, 12, 21)
