5
Ty Hafatsy amy Baiboly ao
Jehovah ro mana zo handay, sady ty fandaisany ro soa marè. Tsy maintsy ho tanteraky ty raha teany hatao amy tany toy noho amy ty olombelo.
Tafara 4026 T.K. Ninjỳ “bibilava” iny Jehovah hoe tsy mahay sady tsy mana zo handay. Bakeo, nampitamà Jehovah hoe hisy “taranaky” hanorotoro Satana, na bibilava iny. (Genesisy 3:1-5, 15) Fe nengà Jehovah tse ty olombelo handay ty ainy noho hokomandỳ Satana. |
1943 T.K. Nivola tamy Abrahama, Jehovah, fa ie ro ho razambe “taranaky” nampitamàny iny.—Genesisy 22:18. |
Tafara 1070 T.K. Nanome toky any Davida noho Solomona anany, Jehovah, fa ho baka amin-drozy “taranaky” nampitamàny iny.—2 Samoela 7:12, 16; 1 Mpanjaka 9:3-5; Isaia 9:6, 7. |
29 A.K. Nambara Jehovah fa Jesosy ro “taranaky” nampitamàny sady Mpandova ty sezi-mpanjakà Davida.—Galatianina 3:16; Lioka 1:31-33; 3:21, 22. |
33 A.K. Sahala namparatsy tsielatsiela “taranaky” iny, Satana, lafa namono Jesosy. Fe nivelomy Jehovah ndraiky ie, le niakatsy an-danitsy any. Nekè Jehovah ty vily ty ainy lavorary, ka afaky mahazo fanengà hadisoa noho fiaina zisiky farany ty taranaky Adama.—Genesisy 3:15; Asan’ny Apostoly 2:32-36; 1 Korintianina 15:21, 22. |
1914 A.K. tany ho any Niroasy Jesosy baka an-danitsy any Satana, le nengàny ho an-tany etoa anaty ty fotoa boribory.—Apokalypsy 12:7-9, 12. |
Amy hoavy Hogadrà Jesosy 1000 tao Satana, bakeo haripany, ka sahala hoe torotoro ty lohany. Ho tanteraky amy zay ty raha tea Jehovah hatao mikasiky ty tany noho ty olombelo. Ho voaporofo koa fa ie ro mahay manday, sady tsy hisy handratiraty ty anarany sasy.—Apokalypsy 20:1-3, 10; 21:3, 4. |
