Mety hikizaky na hasiaky ty olo lafa miresaky mikasiky Jehovah tsika. Mety hahavy antsika tsy ta hiresaky mikasiky Ndranahary sasy raha zay. Fa nahazo anao va raha zay?... Niresaky mikasiky pamaraky raiky tea a Ndranahary ty Baiboly, fe fa tsy ho niresaky mikasiky Jehovah sasy ie. Jeremia ty anarany. Ndao hianarantsika ty mikasiky azy.

Tamy Jeremia mbo nipamaraky, le nivola taminy Jehovah mba handrara ty olo tsy hanao raha raty. Sarotsy marè tamy Jeremia ty hanao raha zay, ka natahotsy ie. Nivola tamy Jehovah ie hoe: ‘Tsy haiko ty raha hovolaniko, satria mbo ajà aho.’ Fe nivola Jehovah hoe: ‘Ka matahotsy fa hanampy anao aho.’

 Nanomboky nivola ty olo Jeremia hoe hosazỳ rozy laha tsy miova. Araky ty hevitsinao, nanoriky ty safà Jeremia va rozy?... Aha. Nikizaky azy rozy. Nisy koa ty nasiaky marè taminy. Ta ho namono azy aza ty ilany! Araky ty hevitsinao, nanao akory Jeremia?... Natahotsy ie sady nivola hoe: ‘Fa tsy hiresaky mikasiky Jehovah sasy aho.’ Tsy niresaky vatany va ie?... Aha, niresaky avao ie. Tea Jeremia marè Jehovah, ka tsy nieny ie, fa niresaky mikasiky azy avao. Niaro azy Jehovah satria nitohizany avao raha zay.

Najobonolo tanaty vovo laliky feno fotaky, ohatsy, ie ndraiky zay. Tsy nahita hany noho rano ie. Nengànolo rey tao Jeremia, soa ho maty. Fe nampea Jehovah, Jeremia, le nitafiboaky bakao!

Ino ty ianarantsika baka amy Jeremia?... Niresaky mikasiky Jehovah avao ie ndre nisy raha nampatahotsy azy aza kindraiky. Mety hokizahinolo na hasiahanolo iha lafa miresaky mikasiky Jehovah. Mety ho menatsy iha na hatahotsy. Fe ka mieny, fa miresaha mikasiky Jehovah avao. Hanampy anao avao Jehovah manahaky ty nataony tamy Jeremia.