Tantara amy Baiboly ao:

• Mpto 12:1-8​—Nampiasa sarin-teny Solomona Mpanjaka mba hivolana ty raha sisany mahazo ty olo raiky lafa mihabe ie. Ohatsy hoe tsy mahita soa (“maìky ze hentean’ny ampela manenty an-dafonety eo”) noho tsy de maharè (“lasa ambany biby ty feon’ny ampela mpihira”)

Tantara amy Baiboly ao:

• 1Sa 12:2, 23​—Hain’i Samoela mpaminany fa tena vatan-draha laha mbo manohy mivavaky ho an’ny vahoakin’i Jehovah rey avao ie, ndre fa antitsy aza

• 2Sa 19:31-39​—Tena nankasitrahan’i Davida Barzilay satria nanoha azy avao ndre fa antitsy aza. Niambany Barzilay ka nivola tamy Davida Mpanjaka fa tsy afaky hanompo azy a Jerosalema any ie

• Sl 71:9, 18​—Niasa loha Davida Mpanjaka hoe tsy hampiasa azy sasy Jehovah satria fa antitsy ie. Farany niangavy an’i Jehovah ie mba tsy hanary azy fa hanome hery azy, amy zay ie afaky hampianatsy ty taranaky afara any mikasiky an’i Jehovah

• Lk 2:36-38​—Nitahin’i Jehovah Ana mpaminanivavy satria nahafoy tena noho nanompo azy avao, ndre fa antitsy noho maty valy aza

 Tantara amy Baiboly ao:

• Ge 12:1-4​—Lafa 75 tao Abrahama, le namean’i Jehovah fanendrea ie ka tsy maintsy niala ty tanindrazany

• Da 10:11, 19; 12:13​—Nitsidiky an’i Daniela anjely raiky zay, tamy ie 90 tao eo mba hanome toky azy fa tena lafovily tamy Jehovah ie sady hameany valisoa satria tsy nivaliky

• Lk 1:5-13​—Nitahin’i Jehovah Zakaria noho Elizabeta, ka nanao fahagagà ie mba hahavy an-drozy hiteraky anakilahy ndre fa antitsy aza. Jaona ty anaran’ny anan-drozy io

• Lk 2:25-35​—Fa antitsy Simeona lafa namean’i Jehovah tombotsoa hahita ajà raiky ho lasa Mesia. Niresaky faminania raiky mikasiky an’ny ajà iny ie tamy zay

• As 7:23, 30-36​—Valopolo tao Mosesy mpaminany tamy Jehovah nanendry azy ho mpitariky ty Israely vahoakiny

Tantara amy Baiboly ao:

• Ge 45:9-11; 47:12​—Nihafarin’i Josefa Jakoba, azy babany fa antitsy iny le nikarakarany avao zisiky nahafaty azy

• Rt 1:14-17; 2:2, 17, 18, 23​—Nanoha an’i Naomy Rota, ndre tamy raha nivolaniny zay ndre tamy raha nataony. Fa antitsy Naomy tamy zay

• Jn 19:26, 27​—Fotoa kelikely taloha ty nahafatesan’i Jesosy, le niangavy an’i Jaona ie mba hikarakara an’ny reniny fa antitsy iny