Fampionona
Fampionona baka amy Baiboly ao lafa tsika kivy
Diso fanantenà satria nisy olo niala antsika, na nanao raha mampalahelo antsika, na namadiky antsika mihintsy
Henteo “Fahadisoam-panantenà”
Fanenjeha
Henteo “Fanenjeha”
Fiasan-doha
Henteo “Fiasan-doha”
Heloky; lolompo
Lasa tsy falifaly sasy ty olo sisany satria miatriky problemo maro na tratsin’ny tsy rariny
Mpto 9:11, 12
Henteo koa Sl 142:4; Mpto 4:1; 7:7
-
Tantara amy Baiboly ao:
-
Rt 1:11-13, 20—Nalahelo biby Naomy lafa nimaty valiny noho anakilahiny rey, ka lasa nieritseritsy ie hoe nahafoy azy Jehovah
-
Jb 3:1, 11, 25, 26; 10:1—Nalahelo biby Joba sady nikivy lafa nirava ty hananany, nimaty anany folo rey, le narary mafy ie
-
-
Andinin-teny mampahery:
-
Ro 12:19; Jk 1:13
-
-
Tantara mampahery amy Baiboly ao:
-
Rt 1:6, 7, 16-18; 2:2, 19, 20; 3:1; 4:14-16—Lasa nifalifaly ndraiky Naomy lafa tafaraky tamy vahoaki-Ndranahary, nahazo fanampea, noho nanampy ty hafa
-
Jb 42:7-16; Jk 5:11—Niaritsy avao Joba sady natoky an’i Jehovah ka nahazo fitahia maro
-
Lasa tsy falifaly sasy ty olo sisany vokatsy ty raha raty ataon’olo aminy
Mpto 4:1, 2
-
Tantara amy Baiboly ao:
-
1Sa 1:6, 7, 10, 13-16—Nalahelo biby Hana satria nampijalijaly azy avao Penina. Tsy vitani-zay fa mbo nitsaratsara azy koa Ely Mpisorobe hoe mamo ie
-
Jb 8:3-6; 16:1-5; 19:2, 3—Nataon’ny naman’i Joba telo lahy rey ze hahakivy an’i Joba ka nivola rozy hoe nanao raha raty ie
-
-
Andinin-teny mampahery:
-
Sl 37:8, 9; Ef 4:26
-
-
Tantara mampahery amy Baiboly ao:
-
1Sa 1:9-11, 18—Tsy nalahelo sasy Hana lafa baka namboraky ty am-pony ao tamy Jehovah
-
Jb 42:7, 8, 10, 17—Nataon’i Jehovah salama soa noho falifaly ndraiky Joba lafa baka nanenga ty hadisoan’ny namany telo rey
-
Kivy satria misy handra tsy mety resintsika noho fahotà nataontsika
Henteo “Fahadisoam-panantenà”
Mahatsapa hoe tsy misy dikany
Henteo “Fisalasalà”
Malahelo lava avao satria raty fanahy aminy ty olo
Henteo “Fampijalea”
Manamelo-tena marè
Ezr 9:6; Sl 38:3, 4, 8; 40:12
-
Tantara amy Baiboly ao:
-
2Mp 22:8-13; 23:1-3—Lafa niren’i Josia Mpanjaka noho vahoaky rey ty Lalànan’i Mosesy, le neloky ty vatan-drozy rozy satria nahatsapa hoe nahavita raha tena raty
-
Ezr 9:10-15; 10:1-4—Nanamelo-tena Ezra mpisoro noho vahoakin’Israely rey satria nanao raha nifanohitsy tamy sitrapon’i Jehovah ty sisany amin-drozy ka nanambaly ampela hafa firenena
-
Lk 22:54-62—Nalahelo biby apostoly Petera sady nanamelo-tena ie lafa baka nandà an’i Jesosy intelo
-
-
Andinin-teny mampahery:
-
Sl 32:5; 103:9-14; Is 1:18; As 3:19
-
Henteo koa Is 38:17; Mi 7:18, 19
-
-
Tantara mampahery amy Baiboly ao:
-
2Ta 33:9-13, 15, 16—Anisan’ny mpanjaka farani-ze raty ta Joda tao Manase, fe nibebaky ie ka nahazo famindram-po
-
Lk 15:11-32—Niresaky fanohara mikasiky anaky adala iny Jesosy mba hampisehoa hoe parè hanenga tanteraky ty hadisoantsika Jehovah
-
Matahotsy marè; matahotsy
Henteo “Tahotsy”
Mety hahatsapa tsika hoe tsy ho vitantsika ty hamaha problemo na ty hanatanteraky ty asa ampanovy antsika
-
Tantara amy Baiboly ao:
-
Ek 3:11; 4:10—Nahatsapa ho tsy mahay Mosesy lafa nivolanin’i Jehovah mba hiresaky amy Farao noho handay an’ny vahoakiny rey hiboaky baka Ejipta any
-
Je 1:4-6—Nieritseritsy Jeremia hoe mbo tanora marè ie ka tsy ho vitany ty hanambara ty didim-pitsaran’i Jehovah amy vahoaky maheriloha rey
-
-
Andinin-teny mampahery:
-
Sl 29:11; Is 40:29; 2Ko 3:4, 5; 4:7
-
-
Tantara mampahery amy Baiboly ao:
-
Ek 3:12; 4:11, 12—Tsy nivozaky Jehovah fa nanome toky an’i Mosesy mpaminany avao hoe hanampy azy ie mba hahavitany ty asa nanendrea azy
-
Je 1:7-10—Nivolanin’i Jehovah Jeremia mba tsy hatahotsy satria hampeany ie amy asa sarotsy nampanoviny azy io
-
Mialona
Henteo “Fialona”
Voafetra ty raha azon’olo sisany atao satria marary ie na miha antitsy
Sl 71:9, 18; Mpto 12:1-7
-
Tantara amy Baiboly ao:
-
2Mp 20:1-3—Nitany Hezekia Mpanjaka lafa ie narary mafy fa ho nimaty
-
Fi 2:25-30—Nikivy biby Epafrodito satria niren’ny rahalahy noho anabavy ta Filipỳ tany hoe narary ie, le natahotsy ie tsy no hieritseritsy rozy hoe tsy ho vitany sasy ty hanao ty andraikitsiny
-
-
Andinin-teny mampahery:
-
Sl 92:12-14; Is 40:29-31; 46:4; 2Ko 8:12
-
-
Tantara mampahery amy Baiboly ao:
-
2Sa 17:27-29; 19:31-38—Nanaja an’i Barzilay mpanjaka iny ka nitao azy hiaraky aminy a Jerosalema any, fe niambany Barzilay ka tsy naneky satria hainy hoe fa antitsy marè ie ka tsy hahavita ani-zay
-
Sl 41:1-3, 12—Lafa narary mafy Davida Mpanjaka, le natoky ie hoe hanampy azy Jehovah
-
Mr 12:41-44—Nideràn’i Jesosy ampela mahantra maty valy iny tamy fanomeza nataony satria nanome ze raha iaby nananany ie
-
Mety ho Teanao Koa
MIKASIKY ANAY
Mangataky Hotsidihy
Hiresaky fanontanea ara-Baiboly, na hianatsy marerè mikasiky ty Vavolombeloni-Jehovah.
