Tantara amy Baiboly ao:

• Ge 24:1-4, 7​—Lafa niantitsy Abrahama le nilàny valy Isaka anakilahiny. Ampela manompo an’i Jehovah ro teany ho valin’i Isaka, fa tsy nangalaky ampela kananita ie satria mivavaky amy ndranahary diso rozy

• Ge 28:1-4​—Nivola tamy Jakoba Isaka fa tsy tokony hanambaly ampela kananita ie, fa tokony ampela manompo an’i Jehovah ro halàny valy

Tantara amy Baiboly ao:

• 1Mp 11:1-6, 9-11​—Nanambaly ampela hafa firenena Solomona Mpanjaka ndre mifanohitsy tamy lalànan’i Jehovah aza raha zay. Neloky azy marè amy zay Jehovah. Tsy vitani-zay fa mbo naneky ho voataon’ny ampela rey hivavaky amy ndranahary diso koa ie

• Ne 13:23-27​—Nanahaky an’i Jehovah Nehemia Governera, ka nihelofany lahilahy israelita rey satria nanambaly ampela tsy nanompo an’i Jehovah. Farany nanariny rozy

Tantara amy Baiboly ao:

• 1Sa 25:2, 3, 14-17​—Panarivo Nabala, fe raty fanahy ie sady mpanivativa olo. Tsy valy soa ho an’i Abigaila zany ie

• Oh 21:9​—Laha tsy mahay mifily valy tsika, le tsy hilamy ty tokantranontsika sady tsy ho sambatsy

• Ro 7:2​—Nivola apostoly Paoly fa lafa manambaly ty ampela raiky, le lasa ho ambany fahefan’ny lahilahy tsy lavorary ho valiny io ie. Hendry zany ty ampela raiky laha henteany soa ty olo hekeny hanambaly azy

Tantara amy Baiboly ao:

• Oh 24:27​—Aloha ty hanambalian’ny lahilahy raiky noho hiterahany, le tokony hiasa mafy ie amy zay hahavelo ty fianakaviany

Tantara amy Baiboly ao:

• Rt 2:4-7, 10-12​—Lasa nihain’i Boaza hoe olo manao akory Rota, lafa ie nahita azy niasa mafy, noho nahita ty fomba nikarakarany an’i Naomy. Nijanjy tatitsy mikasiky an’i Rota baka amin’olo azo atokisa koa ie sady nihitany hoe olo tena tea an’i Jehovah Rota

• Rt 2:8, 9, 20​—Nihitan’i Rota hoe olo soa fanahy, matariky, noho tea an’i Jehovah Boaza

Tantara amy Baiboly ao:

• Oh 5:18, 19​—Misy fomba sisany fanehoam-pitiava natoka ho an’olo fa mpivaly avao

• To 1:2; 2:6​—Tsy nanao raha tafahoatsy pamaraky mpiarakandro noho ampela solemita iny, tamy fotoa niarahan-drozy rey. Niezaky halio avao rozy ndre tamy raha nivolanin-drozy

• To 4:12; 8:8-10​—Nifehy tena avao ampela solemita iny. Nampitovizy amy zariday mihily io ie

Tantara amy Baiboly ao:

• Ge 21:8-12​—Nivolanin’i Jehovah Abrahama mba hijanjy an’i Saraha valiny, ndre tsy niteany aza soso-kevitsin’i Saraha iny

• Oh 31:10, 11, 16, 28​—Ty lahilahy hendry mana valy soa, le tsy mifehifehy an’ny valiny na mifantoky amy ty raha tsy mety ataony. Matoky azy ie sady midera azy

• Ef 5:33​—Nivola apostoly Paoly fa mila tsapan’ny ampela manambaly hoe tea azy valiny

Tantara amy Baiboly ao:

• Oh 1:8; 1Ko 7:4​—Namea-Ndranahary fahefà amy raha sisany anivon’ny tokantrano eo ty ampela manambaly noho ty renim-pianakavia

• 1Ko 11:3​—Nivola apostoly Paoly fa araky ty nandaharan’i Jehovah azy, le samby ambany fahefà tsika iaby, zany hoe misy olo mana fahefà amintsika. Ndranahary, azy Farani-Ze Mahery iny avao ro tsy misy ani-zay

• He 13:7, 17​—Amy fiangona eo, le tokony hiaraky hiasa noho hankatò ani-ze olo mitariky ndre ty lahilahy ndre ty ampela

Tantara amy Baiboly ao:

• Ge 18:12; 1Pe 3:5, 6​—Tena nanaja an’i Abrahama Saraha, le nikaihiny hoe “tompoko” ie. Nanao ani-zay ie ndre tan-tsainy tany aza

Tantara amy Baiboly ao:

• Ge 24:62-67​—Lafa nimaty renin’i Isaka, le nanampy azy noho nampahery azy Rebeka valiny

• 1Sa 25:14-24, 32-38​—Niaro noho nanavotsy ty fianakaviany Abigaila lafa nanao hadalà valiny. Niambany ie le nisoloho tamy Davida mba hamindra fo aminy

• Es 4:6-17; 5:1-8; 7:1-6; 8:3-6​—Indroe Estera Mpanjakavavy ro parè hamoy ty ainy, ka nandeha tamy valiny any ie ndre tsy nikaihy aza, le nisoloho taminy mba hiarova ty vahoaki-Ndranahary