Tantara amy Baiboly ao:

• Sl 78:40, 41; 106:36-46​—Ndre nanao raha nampalahelo an’i Jehovah nisesisesy aza Israelita rey, le nanenga ty hadisoan-drozy avao ie

• Lk 15:11-32​—Nampitovizin’i Jesosy amy baba manenga ty hadisoan’ny anany Jehovah, amy fanohara io. Ndre nanao raha tsy nety aza anakilahin’ny nahoda io le nengany ty hadisoany lafa ie nibebaky

Tantara amy Baiboly ao:

• He 9:22-28​—Nivola apostoly Paoly fa afaky manenga ty fahotantsika Jehovah satria nanao soro ty ainy ho antsika Jesosy

• Ap 7:9, 10, 14, 15​—Nahita fahità raiky apostoly Jaona, le nahita “vahoaky be” ie. Nivola ie fa nanenga ty hadisoan-drozy Ndranahary satria rozy nino ty soro nataon’i Jesosy

Tantara amy Baiboly ao:

• Jb 42:7-10​—Nivolanin’i Jehovah tse Joba mba hivavaky ho an’ny lahilahy nandratiraty azy rey, zay vo nafahiny arety nahazo azy iny sady namaly soa azy ie

• Mt 18:21-35​—Nivola tantara raiky Jesosy mba hampisehoa fa tsy maintsy manenga ty hadisoan’olo hafa tsika laha teantsika hanenga ty hadisoantsika Jehovah

Tantara amy Baiboly ao:

• Sl 32:1-5; 51:1, 2, 16, 17​—Nahatiaro narary noho nitorotoro fo Davida Mpanjaka satria nanao fahotà bevata. Lasa nibebaky amy zay ie

• Jk 5:14-16​—Nivola Jakoba fa tokony hamonjy anti-panahy tsika laha nanao fahotà bevata

Tantara amy Baiboly ao:

• 1Mp 21:27-29; 2Ta 18:18-22, 33, 34; 19:1, 2​—Nalahelo biby Ahaba Mpanjaka lafa naharè hoe hosazin’i Jehovah ie. Fe tsy tena nibebaky tamy ty raha nataony ie, farany tsy nanenga ty hadisoany Jehovah. Nivonoa ho maty ie lafa tafara atoy

• 2Ta 33:1-16​—Tena maro biby ty raha raty nataon’i Manase Mpanjaka, fe nanenga ty hadisoany Jehovah satria tena nibebaky ie. Niezaky Manase tafarani-zay mba hisaka ty Israelita tsy hanompo sampy sady nanampy an-drozy hanompo an’i Jehovah

Tantara amy Baiboly ao:

• 2Sa 12:13; 24:1; 1Mp 9:4, 5​—Tena nanao raha raty Davida, fe nengan’i Jehovah ty hadisoany lafa ie nibebaky. Nivola Jehovah tafara atoy fa olo tsy mivaliky Davida

Tantara amy Baiboly ao:

• Mt 26:36, 40, 41​—Niroro naman’i Jesosy rey kanefa tena nila an-drozy ie mba hanampy azy. Fe hainy fa ta hanampy azy avao rozy fe nivozaky biby

• Mt 26:69-75; Lk 24:33, 34; As 2:37-41​—Intelo soasoa Petera nivola hoe tsy mahay an’i Jesosy. Fe nibebaky ie le nanenga ty hadisoany Jesosy. Lafa nivelomy Jesosy le nandeha tamy Petera any. Bakeo, nanankinany andraikitsy bevata ie mba hanampy ty fiangona

Tantara amy Baiboly ao:

• Mt 23:29-33​—Nampitandrina an’ny mpanora-dalàna noho Fariseo tsy nibebaky rey Jesosy fa halefa amy Gehena any rozy, zany hoe haripaky mandrakizay

• Jn 17:12; Mr 14:21​—Nikaihin’i Jesosy hoe “anakin’ny fandripaha” Jodasy Iskariota, le nivola ie fa soa kokoa laha tsy nateraky mihintsy olo mpamadiky io