Fotoam-pivavaha Iraisam-pinoa
Mivavaky amy Ndranahary raiky avao va ty mpivavaky iaby?
De 32:16, 17; 1Mp 11:33; 1Ko 8:5, 6; 10:20
Mampianatsy va ty Baiboly fa ankasitrahan’i Jehovah ty fivavaha iaby, ndre mifanohitsy aza ty raha ampianarin-drozy?
Mt 7:13, 14; Jn 17:3; Ef 4:4-6
-
Tantara amy Baiboly ao:
-
Js 24:15—Nivola Josoa fa tsy maintsy mifily tsika na hanompo an’i Jehovah na hanompo ndranahary hafa
-
1Mp 18:19-40—Nampiasa an’i Elia mpaminany Jehovah mba hampisehoa fa tsy tokony hivavaky amy ndranahary hafa ty mpanompony
-
Manao akory ty fahitan’i Jehovah ty ndranahary diso ivavahan’ny firenena reo noho ty fombafomba ataon-drozy mba hivavaha amy raha rey?
Ek 12:12; No 25:2-5; De 12:29-31; Ze 2:11
Manao akory Jehovah laha misy olo mivola hoe mivavaky aminy kanefa mbo manao raha tsy teany?
Is 1:13-15; 1Ko 10:20-22; 2Ko 6:14, 15, 17
-
Tantara amy Baiboly ao:
-
Ek 32:1-10—Nimeloky Jehovah lafa namboatsy sary anak’aomby Arona mba hivavahan’Israelita rey, ndre nivola aza rozy hoe hanaova “fety ho an’i Jehovah” raha iny
-
1Mp 12:26-30—Tsy tean’i Jeroboama Mpanjaka handeha amy tempoly a Jerosalema any vahoakiny rey, farany ie namboatsy sampy mba hasolony an’i Jehovah. Fe nitariky ty vahoaky hanota raha zay
-
Ino ty nataon’i Jehovah mba hampianara ty Israelita fa tsy tokony hiarakaraky amin’olo mivavaky amy ndranahary hafa rozy?
Ek 23:31-33; De 7:1-4
Ino ty nataon’i Jehovah lafa niaraky tamy fivavaha hafa ty vahoakiny le nanao ty raha fataony?
Mpts 10:6, 7; Sl 106:35-40; Je 44:2, 3
-
Tantara amy Baiboly ao:
-
1Mp 11:1-9—Nivoatarikin’ny valiny tsy Israelita rey hivavaky tamy ndranahary hafa Solomona Mpanjaka, ka nimeloky Jehovah
-
Sl 78:40, 41, 55-62—Nivola Asafa fa nalahelo biby Jehovah lafa tsy nanoriky ty safàny Israelita rey sady nanompo sampy. Tsy nekeny ho vahoakiny amy zay rozy
-
Tsy nampanino an’i Jesosy va ndre nifanohitsy tamy Safà-Ndranahary ty raha nampianarin’ny fivavaha?
-
Tantara amy Baiboly ao:
-
Mt 16:6, 12—Nampitovizin’i Jesosy tamy levira ty fampianaran’ny Fariseo noho Sadoseo satria malaky miparitaky ty fampianaran-diso sady manimba ty fahamarina anatin’ny Safà-Ndranahary ao
-
Mt 23:5-7, 23-33—Nihelofan’i Jesosy marè mpanora-dalàna noho Fariseo rey satria nanao kisary olo soa rozy kanefa raty fandaisam-bata noho nampianatsy raha diso
-
Mr 7:5-9—Tsy navonivonin’i Jesosy ty raha nataon’ny mpanora-dalàna noho Fariseo rey satria ty hevitsin’olombelo ro tena nihajan-drozy fa tsy nidarean-drozy ty Safà-Ndranahary
-
Tean’i Jesosy hivavaky amy fivavaha sankarazany va ty mpanori-dia azy?
-
Tantara amy Baiboly ao:
-
Jn 15:4, 5—Niresaky mikasiky voaloboky Jesosy mba hampisehoa hoe tsy maintsy mivahatsy aminy avao noho miharo raiky amy ty Kristiana namany ty mpanori-dia azy
-
Jn 17:1, 6, 11, 20-23—Niaraky tamy apostoliny rey Jesosy talohan’ny haliky hamonoa azy iny, le nivavaky ie mba hiharo raiky avao ty tena mpanori-dia azy
-
Mitovy va ty raha ninoan’ny Kristiana tamy taonjato voalohany noho ty fomba nanompoan-drozy an’i Jehovah?
As 16:4, 5; Ro 12:4, 5
-
Tantara amy Baiboly ao:
-
As 11:20-23, 25, 26—Tena niharo raiky noho niaraky niasa ty fiangona ta Antokia noho ta Jerosalema any
-
Ro 15:25, 26; 2Ko 8:1-7—Tena nifankatea ty fiangona kristiana tamy taonjato voalohany, ka nifanampy rozy lafa nisy raha sarotsy. Hita baka amy zay fa tena niharo raiky rozy
-
Ekè-Ndranahary va lafa atao fivavaha mivola hoe mino an’i Jesosy?
Mt 7:21-23; 2Ko 11:13-15
Laha misy fivavaha mampianatsy raha mifanohitsy amy raha nampianaran’i Kristy noho ty apostoly, mbo ekè-Ndranahary va ty fivavahany?
As 20:29, 30; 1Ti 4:1-3
-
Tantara amy Baiboly ao:
-
Mt 13:24-30, 36-43—Nampitovizin’i Jesosy tamy tsimparifary ty Kristiana sandoky, le nivola ie fa ho maro ty Kristiana sandoky sady hilitsy moramora anivon’ny fiangona eo
-
1Jn 2:18, 19—Nivola apostoly Jaona fa nihamaro ty antikristy tamy faramparan’ny taonjato voalohany
-
Ino ty ho vokany laha mbo engà ho anisan’ny fiangona ty olo mampianatsy raha diso noho raty fandaisam-bata?
2Ko 11:3; 2Pe 2:1-3; Jd 3, 4
Ino ty tokony hataon’ny Kristiana mba hahavy an-drozy hiharo raiky avao?
Ro 15:5, 6; 1Ko 1:10
Manino ty Kristiana ro tsy tokony hifandramby amy fivavahan-diso?
2Ko 6:14-17; Ap 18:4
Manino ro ara-dalàna laha ampea ty olo mba hahay hoe mampianatsy raha diso ty ankamaroan’ny fivavaha?
Je 14:14; 23:13, 14, 16; Mt 15:12-14; 23:13-26
Manino ro tsy tokony hahatseriky antsika laha manenjiky noho mampijaly antsika ty fivavahan-diso?
Jn 8:39, 40; 11:47, 48, 53; 16:2; As 17:1-5