FIANARA 01

Manao Akory ty Anampeani-Baiboly Anao?

HANENTY

Maro amintsika ro fa nanontany hoe manino ro misy ty fijalea noho ty fahafatesa, na hoe ino ty hiseho amy hoavy. Mampiasa loha antsika koa ty velomam-po. Ohatsy hoe akory ty hahità drala noho hany ho ani-fianakaviantsika na akory ty hahasambatsy an-drozy. Maro ty olo mahita hoe mamaly ty fanontanea bevata amy fiaina ty Baiboly. Fe tsy zay avao fa manome torohevitsy manampy an-drozy amy fiaina andavanandro koa raha io. Akory ty hevitsinao, afaky manampy olo vatany va ty Baiboly?

1. Ino ty sisany amy fanontanea valeani-Baiboly?

Hita amy Baiboly ao valini-fanontanea bevata retoa: Nanao akory ty nampisy ani-raha iaby zao? Ino ty antony namorona antsika? Manino ro mijaly ty olombelo? Manao akory ty olo lafa maty? Samby ta hana fiaina milamy ty olo iaby, fe manino ro misy avao ty aly? Hanao akory tany toy amy hoavy? Mampirisiky antsika hila ty valini-fanontanea bevata manahaky ani-reo ty Baiboly. Olo an-tapitrisany ro fa nahazo valiny mahafa-po baka amy Baiboly ao.

2. Akory ty anampeani-Baiboly antsika ho falifaly amy fiainantsika andavanandro?

Misy torohevitsy soa ty amy Baiboly ao. Anisani-resahy ao, ohatsy, hoe ino ty tena mahasambatsy ty fianakavia. Ao koa ty hoe ino ty azo atao mba tsy hiasa loha marè, le ino ty hanampy antsika hahazo tavy ty asantsika. Ho hainao ty raha volanini-Baiboly mikasiky ani-reo noho ty maro hafa, lafa miaraky mianatsy ani-boky toy tsika. Hieky iha amy zay hoe ty “Soratsy Masy [na ty raha iaby amy Baiboly ao] le ... mahasoa.”—2 Timoty 3:16.

Tsy mahasolo Baiboly boky toy, fa manampy anao handiniky soa ty raha amy Baiboly ao. Mampirisiky anao zahay mba hamaky ze andinin-teny hita amy ty fianara kiraidraiky, le hampitaha ani-raha zay amy ze raha ianaranao.

DINIHO LALIKY

Diniho hoe manao akory ty nanampeani-Baiboly ty olo sisany, ino ty azonao atao mba ho azonao tavy ty mamaky Baiboly, le manino ro soa laha misy manampy anao hahay ty raha anatiny ao.

3. Afaky mitari-dala antsika ty Baiboly

Sahala jiro manazava ty Baiboly. Afaky manampy antsika handramby fanapahan-kevitsy mety soa raha io sady afaky manampy antsika hijilo ty raha hiseho amy hoavy.

Vakio Salamo 119:105, le iaraho midiniky fanontanea retoa:

Akory ty fahitani-mpanoratsy salamo io ty Baiboly?
Akory ty fahitanao ty Baiboly?

4. Afaky mamaly ty fanontaneantsika ty Baiboly

Nihitani-ampela raiky toy hoe voavalini-Baiboly iaby ty fanontanea nampiasa loha azy tanatini-tao maro. Alefaso VIDEO toy, le iaraho midiniky fanontanea retoa:

VIDEO: Manàna Raha Tamany Avao! (1:48)

Ino iaby ty fanontanea nampiasa loha ani-ampela tamy video teo iny?
Manino ro nanampy azy ty fianara Baiboly?

Mampirisiky antsika hametraky fanontanea ty Baiboly. Vakio Matio 7:7, le iaraho midiniky fanontanea toy:

Ino iaby ty fanontanea mampiasa loha anao, ka teanao ho hita amy Baiboly ao ty valiny?

5. Ho azonao tavy ty mamaky Baiboly

Maro ty olo mahazo tavy ty famakia Baiboly sady mahazo tombony baka amy raha zay. Alefaso VIDEO toy, le iaraho midiniky fanontanea retoa:

VIDEO: Famakia Baiboly (2:05)

Laha hentea video iny, ino ty raha tsapani-ankamaroani-tanora mikasiky famakia teny?
Fe ndre zay, manino rozy ro tea mamaky Baiboly avao?

Misy hevitsy mampahery noho manampy antsika hana raha tamany ty amy Baiboly ao. Vakio Romanina 15:4, le iaraho midiniky fanontanea toy:

Falifaly va iha mahay hoe mampahery noho mahavy anao hana raha tamany ty Baiboly?

6. Afaky manampy anao hahay ty raha amy Baiboly ao ty olo hafa

Maro ty olo mahatsapa hoe tsy ampy avao ty mamaky Baiboly, fa mbo ilà koa ty miaraky midiniky azy amin’olo hafa. Vakio Asan’ny Apostoly 8:26-31, le iaraho midiniky fanontanea toy:

Ino ty hanampy antsika hahay ze raha volanini-Baiboly?—Henteo ty andininy 30 noho 31.

Nila fanampea lahilahy etiopianina iny vo nahay soa ty Soratsy Masy. Maro koa henanizao ro mahita hoe tena ilà ty miaraky midiniky Baiboly amin’olo hafa

MIERITSERITSY TY OLO SISANY HOE: “Fotoa ampiseràny avao ianara Baiboly zao.”

Akory ty hevitsinao? Ino ty antony?

FAMINTINA

Manome torohevitsy amy fiaina andavanandro ty Baiboly, mamaly ani-fanontanea bevata mampiasa loha rey, le misy fampahereza noho mahavy ty olo hana raha tamany.