FIANARA 08
Afaky ho Namani-Jehovah Iha
Teani-Jehovah hahay azy soa iha. Ino ty antony? Satria manjary ta hinama aminy iha lafa mahay soa ty toetsiny, ty fomba fanaovany raha, noho ty raha teany hatao. Tena afaky ho nama-Ndranahary vatany va iha? (Vakio Salamo 25:14.) Ino ty azonao atao mba ho namany? Mamaly ani-fanontanea reo ty Baiboly, le resahiny ao koa hoe manino Jehovah ro nama farani-ze soa ho anao.
1. Ino ty raha ampirisihini-Jehovah hataonao?
“Mamonjea a-Ndranahary, le hamonjy anareo ie.” (Jakoba 4:8) Ino ty dikani-zay? Mitao anao hinama aminy Jehovah. Mieritseritsy ty olo sisany hoe sarotsy ty hinamà amy Ndranahary satria tsy hita maso ie. Fe ambarani-Jehovah antsika amy Baiboly ao ty toetsiny mba hahafahantsika hamonjy azy. Lafa mamaky ty Safà-Ndranahary tsika, le vomaiky hihamarìny azy ndre tsy hitantsika maso aza ie.
2. Manino Jehovah ro Nama farani-ze soa ho anao?
Tsy misy olo tea anao marè mandilatsy ani-Jehovah. Teany ho sambatsy iha sady teany hiresaky aminy lafa mila fanampea. Azonao ‘apetraky aminy iaby ze raha mampiasa loha anao, satria midary anao ie.’ (1 Petera 5:7) Tozoro parè hanampy, hampahery, noho hijanjy ty namany avao Jehovah.—Vakio Salamo 94:18, 19.
3. Teani-Jehovah hanao ino ty namany?
Teani-Jehovah ty olo iaby, fe ‘ty olo mahity ro mana fifandrambesa marìny aminy.’ (Ohabolana 3:32) Teani-Jehovah ty namany laha miezaky hanao raha soa mifanaraky amy ty sitrapony, sady miala amy ze raha raty halany. Mieritseritsy ty olo sisany hoe tsy ho vita mihintsy ty hanao ani-zay. Fe haini-Jehovah ty raha tsapantsika, ka ekeny ho namany ze olo tena tea azy noho miezaky mafy mampifalifaly azy.—Salamo 147:11; Asan’ny Apostoly 10:34, 35.
DINIHO LALIKY
Ianaro soa hoe ino ty azonao atao mba hanjary namani-Jehovah, le henteo hoe manino ie ro Nama farani-ze soa ho anao.
4. Namani-Jehovah Abrahama
Manjary azontsika soa ty dikani-hoe nama-Ndranahary lafa mamaky ty tantarani-Abrahama (na Abrama) tsika. Vakio Genesisy 12:1-4, bakeo iaraho midiniky fanontanea retoa:
-
Ino ty raha nampanaovini-Jehovah ani-Abrahama?
-
Ino ty raha nampitamanini-Jehovah azy?
-
Ino ty nataoni-Abrahama lafa nisy raha nampanaovini-Jehovah azy?
5. Misy raha teani-Jehovah hataoni-namany
Misy raha sisany matetiky teantsika laha atao ty namantsika amintsika.
-
Ino zao ty raha teanao hatao ty namanao aminao?
Vakio 1 Jaona 5:3, bakeo iaraho midiniky fanontanea retoa:
-
Ino ty teani-Jehovah hatao ty namany?
Mety mila manova ty toetsintsika noho ty fandaisam-batansika tsika mba hanoriha ty safàni-Jehovah. Vakio Isaia 48:17, 18, bakeo iaraho midiniky fanontanea toy:
-
Manino ro teani-Jehovah hiova ty namany?
6. Ty fomba anampeani-Jehovah ty namany
Ampeani-Jehovah ty namany mba hahavita hiatriky problemo. Alefaso VIDEO toy, bakeo iaraho midiniky fanontanea toy:
-
Akory ty nanampeani-Jehovah ani-ampela tamy video tao iny mba tsy ho kivy marè?
Vakio Isaia 41:10, 13, bakeo iaraho midiniky fanontanea retoa:
-
Ino ty raha ampitamanini-Jehovah fa hataony amy ty namany kiraidraiky?
-
Akory ty hevitsinao, Nama soa va Jehovah? Ino ty antony?
7. Mila mifampiresaky amy Jehovah tsika laha ta hinama aminy
Vomaiky mifankarìny ty mpinama lafa mifampiresaky. Vakio Salamo 86:6, 11, bakeo iaraho midiniky fanontanea retoa:
-
Akory ty fomba iresahantsika amy Jehovah?
-
Akory ty fomba iresahini-Jehovah amintsika?
MIERITSERITSY TY OLO SISANY HOE: “Tsy misy olo afaky ho nama-Ndranahary zao.”
-
Ino ty andinin-teny azonao ampiasà mba hanaporofoa hoe afaky ho namani-Jehovah tsika?
FAMINTINA
Teani-Jehovah ty ho namanao, le hampeany iha mba hanjary namany.
Famerena
-
Akory ty anampeani-Jehovah ty namany?
-
Manino ro ampirisihini-Jehovah hiova ty namany?
-
Akory ty hevitsinao, mitaky raha sarotsy marè amy ty namany va Jehovah? Ino ty antony?
DINIHO KOA RETOA
Hanao akory ty fiainanao laha lasa nama-Ndranahary iha?
“Andriamanitra Mendrika ny Hofantarina i Jehovah” (Ny Tilikambo Fiambenana 15 Febroary 2003)
Ianaro ato ty raha tokony hatao mba hanjary nama-Ndranahary.
Henteo ato hoe nanino ro nanavotsy ampela raiky toy ty finamàny amy Jehovah.
Janjino tanora vitsivitsy miresaky ty fihetseham-pony mikasiky ani-Jehovah retoa.