FIANARA 21
Akory ty Itoria ty Vaovao Soa?
Hampiasa ty Fanjakàny Jehovah tsy ho ela, mba handravà ty problemo iaby mahazo antsika. Tena vaovao soa raha zay, ka mila ambara amin’olo. Nirahini-Jesosy ty mpanori-dia azy mba hiresaky ani-vaovao soa zay amin’olo iaby! (Matio 28:19, 20) Akory ty anorihani-Vavolombeloni-Jehovah ani-didini-Jesosy zay?
1. Manino ro azo volany hoe tanteraky henanizao ty Matio 24:14?
Nivola Jesosy hoe: “Hotorỳ amy tany toy iaby vaovao soani-Fanjakà iny.” (Matio 24:14) Tena falifaly ty Vavolombeloni-Jehovah manao ani-asa bevata io. Mitory ani-vaovao soa iny amy tany toy iaby, amy fivolana 1000 mahery zahay! Tena bevata asa io ka mitaky ezaky mafy noho mila alamy soa. Tsy ho vita mihintsy asa io laha tsy Jehovah ro manampy.
2. Ino ty ezaky ataonay mba hitoria amin’olo?
Mitory amy ze pilasy ahitanay olo zahay. Manahaky ani-Kristiana tamy taonjato voalohany rey zahay, ka mitory “santrano.” (Asan’ny Apostoly 5:42) Afaky miresaky amin’olo an-tapitrisany zahay santao vokatsini-fomba fitoria zay. Mitory amy pilasy maro olo koa zahay satria tsy tratsy an-trano ty olo sisany. Mila fomba sankarazany zahay mba hiresaha amin’olo mikasiky ani-Jehovah noho ty fikasàny.
3. Andraikitsin’ia ty mitory ty vaovao soa?
Tokony hitory ty vaovao soa amin’olo hafa ty Kristiana kiraidraiky. Vatan-draha aminay andraikitsinay zay. Manao ze farani-vitanay zahay lafa mitory satria hainay hoe manavotsy olo raha zay. (Vakio 1 Timoty 4:16.) Tsy karamà zahay manao ani-asa io. Hoy ty Baiboly: “Nahazo amy zao avao nareo, le manomeza amy zao avao koa.” (Matio 10:7, 8) Mitory avao zahay ndre tsy maneky ty hafatsy resahinay aza ty olo sisany satria fanompoanay ani-Jehovah raha io sady mahafalifaly azy.
DINIHO LALIKY
Henteo ty ezaky ataoni-Vavolombeloni-Jehovah mba hitoria amy tany toy iaby, le mariho koa ty fomba anampeani-Jehovah anay.
Fitoria amy tany toy iaby: A) Costa Rica, B) Etazinỳ, D) Bénin, E) Tailandy, F) Yap, G) Siedy
4. Miezaky mafy zahay mba hitoria amin’olo iaby
Manao ezaky manoka ty Vavolombeloni-Jehovah mba hitoria ty vaovao soa amy ze pilasy misy olo. Alefaso VIDEO toy, bakeo iaraho midiniky fanontanea io.
-
Ino ty voamarikinao amy ty ezaky ataoni-Vavolombeloni-Jehovah mba hitoria?
Vakio Matio 22:39 noho Romanina 10:13-15, bakeo iaraho midiniky fanontanea retoa:
-
Manino ty fitoria ataontsika ro mampiseho hoe tea olo tsika?
-
Akory ty fahitani-Jehovah ty olo mitory ty vaovao soa?—Henteo Romanina 10:15.
5. Mpiaraky miasa amy Ndranahary zahay
Tantara maro ro mampiseho hoe mitariky ty asanay Jehovah. Mipetraky a Nouvelle-Zélande any, ohatsy, ty rahalahy raiky kaihy hoe Paul. Nitory santrano ie ndraiky folakandro zay, le nitojiky ani-ampela raiky zay. Nivavaky ampela io tamy marain’io sady nampiasa ty anara-Ndranahary hoe Jehovah mba hisy olo ho avy aminy any, le hanampy azy. Nivola Paul hoe: “Telo lera tafarani-vavakiny zay avao, le niavy tam-baravarany eo aho.”
Vakio 1 Korintianina 3:9, bakeo iaraho midiniky fanontanea toy:
-
Manino ty tantara manahaky ta Nouvelle-Zélande any iny ro mampiseho hoe mitariky ty asa fitoria Jehovah?
Vakio Asan’ny Apostoly 1:8, bakeo iaraho midiniky fanontanea toy:
-
Manino ro ilà ty fanampeani-Jehovah mba hamità ty asa fitoria?
Fa nihainao va?
Misy fampiofana amy fitoria ty fivoria andavanandro ataonay. Laha fa nanatriky ani-fivoria io iha, manao akory ty fahitanao ani-fampiofana rey?
6. Mitory zahay satria manoriky ty didi-Ndranahary
Niezaky nanaka ty fitoria nataoni-mpanori-dia ani-Jesosy ty mpanohitsy tamy taonjato voalohany. Fe niaro ty zon-drozy hitory Kristiana voalohany reo, ka norihin-drozy soa ty lalàna. (Filipianina 1:7) Manao ho zay koa ty Vavolombeloni-Jehovah henanizao. a
Vakio Asan’ny Apostoly 5:27-42, bakeo iaraho midiniky fanontanea toy:
-
Manino zahay ro hanohy hitory avao? (Henteo ty andininy 29, 38, noho 39.)
METY HISY HANONTANY HOE: “Manino ty Vavolombeloni-Jehovah ro mitory santrano?”
-
Akory ty havalinao?
FAMINTINA
Nandidy ty mpanori-dia azy Jesosy mba hitory ty vaovao soa amy firenena iaby. Manampy ty vahoakiny hahavita ani-asa zay Jehovah.
Famerena
-
Ino ty ataoni-Vavolombeloni-Jehovah mba hitoria ty vaovao soa amy tany toy iaby?
-
Manino ty fitoria ataonay ro mampiseho hoe tea olo zahay?
-
Akory ty hevitsinao, asa mahafa-po va ty asa fitoria? Ino ty antony?
DINIHO KOA RETOA
Ino ty ataoni-Vavolombeloni-Jehovah mba hitoria amy tanà bevata?
Ino ty ataoni-Vavolombeloni-Jehovah mba hitoria amin’olo mpifindra tanà rey?
Henteo ty tantara raiky ahità hoe tena mahafa-po ty mitory amy fotoa iaby.
Henteo ty fandresea ara-pitsarà niavaky nanampy ty Vavolombeloni-Jehovah hitory ty vaovao soa.
“Niakatra Fitsarana ny Vahoakan’ilay Fanjakana” (Efa Mitondra ny Fanjakan’Andriamanitra!, toko 13)
a Nandidy anay mba hitory Ndranahary, ka tsy mila mangataky alala amy manam-pahefà zahay lafa hitory ty vaovao soa.
Mety ho Teanao Koa
FANONTANEA FAPETRAKIN’OLO
Ino ro Atao hoe Fianara Baiboly?
Anovo hay ty valy fanontanea mikasiky fandahara fampianara Baiboly tsy andoava drala ataonay.
