Fizarà 7
Ia Jesosy Zao?
Naniraky Jesosy tan-tany etoy Jehovah. 1 Jaona 4:9
Fa ela taloha ty nampisy Adama, le fa namoro anjely mahery raiky tan-danitsy any Jehovah. Mila mijanjy azy tsika soa ho tea Jehovah.
Tafara atoy, le nirahy Jehovah tan-tany etoy ie. Maria, ampela mbo tsy niaraky tamin-dahilahy, ro niteraky azy ta Betlehema tao. Jesosy ty anarany.—Jaona 6:38.
Nanahaky Ndranahary Jesosy: Soa fanahy ie, tea olo, tsy niavo. Tsy navaka ie lafa nanambara ty raha marina mikasiky Jehovah.
1 Petera 2:21-24
Nanao raha soa maro Jesosy, fe nisy avao ty olo nalay azy.Hala mpitariky fivavaha reo Jesosy lafa nanambara mazava soa ty fananara diso noho ty raha raty nataon-drozy.
Nanafaky arety noho namelo olo fa nimaty Jesosy.
Mpitariky fivavaha ro namporisiky Romanina reo hamango noho hamono Jesosy.