Ino ty Raha Tea Ndranahary Hatao?
Tea Ndranahary hiada noho ho sambatsy zisiky farany amy paradisa an-tany etoy tsika!
Mety hivola iha hoe manao akory ty hampisy raha zay? Mivola ty Baiboly fa hatao ty Fanjakà Ndranahary ze hampisy raha zay. Tea Ndranahary koa ty olo iaby hianatsy mikasiky Fanjakà io noho ze raha hanoviny ho ahintsika.—Salamo 37:11, 29; Isaia 9:7.
Tea Ndranahary ho sambatsy tsika.
Maniry raha soa ho ahy ty anany avao ty baba soa fanahy. Manahaky zay koa fa, babantsika Ndranahary, teany ho sambatsy avao tsika. (Isaia 48:17, 18) Fa nampitamà ie fa ‘ze olo manao ty raha teany ro ho eo avao zisiky farany.’—1 Jaona 2:17.
Tea Ndranahary handeha amy ze raha atorony tsika.
Mivola ty Baiboly fa tea Ndranahary ‘hampianary mikasiky ty lalany tsika’ soa ho afaky ‘handeha amy ze raha atorony.’ (Isaia 2:2, 3) Nataony ty nampisy ‘olo manday ty anarany.’ Olo reo amy zay ro hanambara ty raha teany hatao aminolo iaby an-tany etoy.—Asan’ny Apostoly 15:14.
Tea Jehovah tsy hisaratsaraky ty olo manompo azy fa ho raiky avao.
Tsy tea Jehovah hisaratsaraky ty mpivavaky aminy fa hifankatea noho hanjary ho olo raiky avao. ( Jaona 13:35) Ia henanizao ro mampianatsy ty olo iaby amy tany toy hanompo Ndranahary, fe tsy misaratsaraky fa ho raiky avao? Ho hitanao amy bokikely toy ato ty valy raha zay.
Mety ho Teanao Koa
MIKASIKY ANAY
Ino ty Atao Lafa Mianatsy Baiboly?
Amy tany toy iaby, le hay amy fampianara Baiboly tsy andoava drala ty Vavolombelo Jehovah. Henteo ty fanaova raha zay.
MIKASIKY ANAY
Manino ro Mila Ianara ty Baiboly?—Lava
Nanome valini-fanontanea manahira rey ty Baiboly. Olo an-tapitrisany amy tany toy iaby ty fanahazo ty valiny fanontea manahira azy. Teanao koa va ty hahay ty valini-fanontaneanao?
