ANDRANAHARE mana ty Hery Fara’e Anabo ro tompo’y kila raha iaby zao. Mianke ami’e ty fiaìnantsika henany zao noho ty ho avy. Afake mamaly soa ie no sady afake manome sazy. Afake mamelo ie no sady afake mamono. Soa laha tea’e tsika, fa laha tsy zay le ho raty ty hiafarantsika. Ka le soa maré laha eke’e ty fivavàhantsika!

Samby hafa ty fomba ivavàha’ty olo. Ndao hataontsika hoe lala ty fivavàha. Samby mandeha ami-Ndranahare any va ty fivavàha iaby? Aha. Natoro’i Jesosy, mpaminani-Ndranahare, fa roe avao ty lala. Hoy ty asa’e: “Bevata sady malalake ty lala mandeha ami’y fandripàha, ka maro ro militse ane, fe maifitsy ty vavahady sady piritsy ty lala mandeha ami’y fiaìna, ka tsy maro ty mahita aze.”—Matio 7:13, 14.

Roe avao ty karàzam-pivavàha: ty raike mitarike ho ami’y fiaìna, ty raike mitarike ho ami’y fandripàha. Ty raha kendré’y bokikele toy, le ty hanampe anao hahita lala mandeha ami’y fiaìna mandrakizay any.