Ia Marina ro Manday Tontolo Toy?
Mieritseritsy va iha hoe . . .
-
Ndranahary?
-
Ty olombelo?
-
Mpanday hafa?
HO ZAO TY VOLANY TY BAIBOLY
“Zao tontolo zao iaby, le ambany fahefà azy raty iny eo.”—1 Jaona 5:19, Fandikan-teny Tontolo Vaovao.
“Ty Anaky Ndranahary, le . . . handrava ty asa ty Devoly.”—1 Jaona 3:8.
INO TY RAHA SOA HO AZONAO?
Fanazavà marina mikasiky ty raha manahira an-tany etoy.—Apokalypsy 12:12.
Porofo azo antoky fa hiova ho soa tontolo toy.—1 Jaona 2:17.
AZO INOA VATANY VA TY RAHA VOLANY TY BAIBOLY?
Eka, misy antony telo retoa:
-
Voaozo ty fandaisa Satana. Fa nanapa-kevitsy Jehovah, fa tsy hengany hitohy avao ty fandaisa Satana ty olombelo. Nampitamà ie fa “tsy hampisy ... ty Devoly” noho hangalaky ty raha raty iaby nandesy Satana.—Hebreo 2:14.
-
Nitinginy Ndranahary ho mpanjaka Jesosy Kristy. Tsy raty fanahy noho tsy tea tena manahaky ty mpanday tontolo toy Jesosy. Nampitamà ho zao Ndranahary, mikasiky ty fanjakà andesy Jesosy: “Hoferinesany ty olo ambany noho ty mahantra ... Hanavotsy ty ain-drozy amy ty fampijalea noho ty hasatà ie, le ho lafovily aminy ty lion-drozy.”—Salamo 72:13, 14.
-
Tsy mahay mavandy Ndranahary. Mivola mazava soa ty Baiboly hoe: “Ndranahary tsy mahay mavandy.” (Titosy 1:2) Lafa mampitamà hanao raha raiky Jehovah, le sahala fa vita raha zay! (Isaia 55:10, 11) “Horoasy . . . azy mpanday zao tontolo zao iny.”—Jaona 12:31.
ERITSERETO ZAO
Hanao akory tontolo toy lafa halà mpanday azy iny?
Mamaly fanontanea io ty Baiboly amy SALAMO 37:10, 11 noho APOKALYPSY 21:3, 4 ao.
Mety ho Teanao Koa
FAMPIANARAN'NY BAIBOLY TENA ILÀ
Manino ro Engà-Ndranahary Hisy ty Fijalea?
Olo maro ty manontany hoe manino ro manjeky ty fijalea noho ty tsy fifankahazoa amy tany toy iaby. Manome valiny mahafa-po noho mampahery ty Baiboly.
MIKASIKY ANAY
Manino ro Mila Ianara ty Baiboly?—Lava
Nanome valini-fanontanea manahira rey ty Baiboly. Olo an-tapitrisany amy tany toy iaby ty fanahazo ty valiny fanontea manahira azy. Teanao koa va ty hahay ty valini-fanontaneanao?
MIKASIKY ANAY
Mangataky Hotsidihy
Hiresaky fanontanea ara-Baiboly, na hianatsy marerè mikasiky ty Vavolombeloni-Jehovah.
