Fizarà toy ro mampilitsy ty Soratsy Grika Kristiana. Fianakavia mahantra mipetraky ambanivohitsy ro niteraky ani-Jesosy. Niaraky niasa rozy amy babany, azy mpandrafitsy iny. Jesosy ro hanavotsy ty olombelo iaby. Nifilini-Jehovah ho Mpanjakani-Fanjakàny an-danitsy any ie. Ampeo ty anakinao mba hahatakatsy hoe nihaini-Jehovah soa ty nifily ty fianakaviani-Jesosy noho ty olo nanodidy azy. Diniho ty fomba niarovani-Jehovah ani-Jesosy lafa ho namono azy Heroda. Henteo fa tsy maintsy tanteraky avao ty raha teani-Jehovah hatao. Ho hitanao ato ty fomba nifilianani-Jehovah ani-Jaona mba hanoma ty lalani-Jesosy. Hazavao soa fa ndre mbo nikely aza Jesosy, le fa niteany ty fahendreani-Jehovah.