Nampianarini-Jesosy mikasiky ty Fanjakàni-lanitsy ty olo. Nampianariny koa rozy hoe lafa mivavaky le tokony hangataky mba hohamasiny ty anara-Ndranahary, mba ho avy ty Fanjakàny, mba hatao an-tany etoy ty sitrapony. Hazavao amy anakinao hoe ino ty dikani-vavaky io ho antsika. Tsy nengani-Jesosy hampivaliky azy Satana. Nifily ani-apostoliny rey Jesosy, le rozy ro nanjary fototsy iorenani-Fanjakà iny. Nafana fo tamy fivavaha marina ie. Nitaha ty olo marary Jesosy, sady nanome hany ty olo mosary satria ta hanampy an-drozy. Namelo olo maty mihintsy aza ie. Hita baka amy fahagagà iaby reo ty raha hataoni-Fanjakà iny ho ahi-ty olombelo.