Nitahy ani-Solomona Jehovah ka nameany fahendrea ie sady nameany tombontsoa hanamboatsy tempoly. Fe nanjary niala tsikelitsikely tamy Jehovah ie. Hazavao amy ty anakinao hoe nanino ty mpivavaky amy fivavaha diso ro nahavy ani-Solomona niala tamy Ndranahary. Nizara roe fanjakà iny, le nimaro ty mpanjaka nifanolosolo. Nitariky ty vahoaky hivadi-pinoa noho hanompo sampy rozy. Maro tamy zay ty mpaminanini-Jehovah nenjehin-drozy noho nivonoan-drozy. Nitariky olo maro baka amy fanjakà avaratsy any hivavaky amy ndranahary hafa ty mpanjakavavy raiky kaihy hoe Jezebela. Tena nampalahelo  Israelita reo tamy zay. Fe mbo nisy Israelita tsy nivaliky tamy Jehovah avao, anatini-zay Josafata Mpanjaka noho Elia mpaminany.