FIANARA 10
Manovaova Feo
Ohabolana 8:4, 7
INO TY IANARA ATO? Manova ty fareni-feo (mivola marè na moramora), ty haabony (manao feo maranitsy na midoboky), noho ty falakiny (mivola malakilaky na miada) mba hanambarà hevitsy mazava soa noho hampisehoa fihetseham-po.
AKORY TY ANAOVA AZY?
-
Ovaovao ty fareni-feonao. Mivolana marerè lafa manamafy hevitsy fototsy na hampirisiky mpijanjy. Manaova ho zay koa lafa mamaky andinin-teny misy didim-pitsarà. Mivolana moramora mba hahavy ty hafa handiny ty raha horesahinao na hampisehoa tahotsy noho fiasan-doha.
-
Ovaovao ty haaboni-feonao. Laha mety amy fivolananao, le ataovo maranitsy ty feonao lafa mampiseho hafanam-po, na hivola raha kelikely na lavitsy. Anovo somary midoboky ty feonao lafa mampiseho alahelo na fiasan-doha.
-
Ovaovao ty falakini-fivolananao. Ataovo somary malakilaky ty fivolananao lafa hampiseho hoe falifaly na taitsy. Mivolana miadankada lafa mivola hevitsy bevata.
