FIANARA 15
Matoky Lafa Mivola
1 Tesalonianina 1:5
INO TY IANARA ATO? Atorò fa mino iha hoe marina ty raha volaninao sady vatan-draha.
AKORY TY ANAOVA AZY?
-
Manomàna soa. Ianaro soa ty anjaranao zisiky ahazoanao hoe manino porofo baka amy Baiboly ao rey ro manoha ani-hevitsy bevata rey. Andramo resahy amy safà tsotra vitsivitsy ty hevitsy bevata amy fanazavanao. Mifantoha amy hoe manino raha io ro manampy ty mpijanjy anao. Mangataha fanahy masy.
-
Mampiasà safà mampiseho fatokisa. Miresaha amy fivolananao, fa ka mampimpoly avao ani-ze voasoratsy ao. Filio ze safà mampiboaky soa hoe atokisanao ty raha volaninao.
-
Atorò hoe vatan-draha ty safànao sady baka amy fo. Ataovo ampy soa ty fareni-feonao. Henteo amy masony ty mpijanjy, laha tsy mampeloky olo ty fanaova ani-zay.