FIANARA 16
Mahay Mampahery Noho Manenty Lafy Soan-draha
Joba 16:5
INO TY IANARA ATO? Ze hevitsy mamaha fahasahirana noho manome toky ty mpijanjy anao ro ifantoho.
AKORY TY ANAOVA AZY?
-
Manàna hevitsy soa mikasiky ty mpijanjy anao. Matokisa fa ta hampifaly ani-Jehovah rahalahy noho anabavinao reo. Ndre hanome torohevitsy iha, le derao baka amy fo tse rozy saky afaky manao ani-zay iha.
-
Ka resahy lava ty raha tsy mampahery. Lafa tena misy antony ilà azy avao vo resaho ty lafiny tsy mampahery amy hevitsy raiky. Tokony hampahery ty famelabelaranao lafa hentea mitambatsy.
-
Ampiasao soa ty Safà-Ndranahary. Resaho ty raha nataoni-Jehovah ho ahi-ty olombelo, taloha, henanizao noho amy hoavy. Ampeo ty mpijanjy anao mba hana raha tamany noho hana herim-po.