FIANARA 2
Sahala Miresaky Andavanandro
2 Korintianina 2:17
INO TY IANARA ATO? Aboaho amy fomba tsotra tsy amboamboary ze tena tsapanao mikasiky ani-foto-kevitsy iny noho ty olo iresahanao.
AKORY TY ANAOVA AZY?
-
Mivavaha sady manomàna soa. Mivavaha mba tsy hifantoky amy ty vatanao fa amy ty hafatsy resahinao. Anovo azo soa ty hevitsy bevata mila resahy. Volano amy fomba fivolananao hevitsy iny fa ka mamaky ani-ze voasoratsy avao.
-
Mivolana baka amy fo. Eritsereto hoe manino ro mila mijanjy ani-hafatsy iny ty mpijanjy. Mifantoha amin-drozy, le ho hita amy fihetsikinao noho tarehinao fa midary an-drozy vatany iha.
-
Henteo ty mpijanjy anao. Henteo amy masony ty mpijanjy anao laha tsy mampeloky olo raha zay. Lafa manao lahateny iha, le henteo kiraidraiky olo rey, fa ka hentea miaraky na malakilaky.
