Ahità lahatsoratsy noho video niboaky farany ty amy fizarà hoe “Inona ny Vaovao?” amy JW Library^® noho jw.org ao. Akory ty azonao ampiasà ani-fizarà io mba hahità ze fanazavà niboaky farany?

• Lafa misy lahatsoratsy vaovao naboaky, le atao mise à jour ze lahatsoratsy mitohitohy misy azy mba hahità azy. Ka lafa misy lahatsoratsy mitohitohy zany miseho amy “Inona ny Vaovao?” ao, le azonao telesarzeva mba hahazoanao ani-azy nihavaozy iny. Bakeo hiseho voalohany amy listani-lahatsoratsy rey eo lahatsoratsy vaovao iny, le afaky vakinao, satria nalahatsy araky ty daty niboahany lahatsoratsy reo.

• Mety tsy ho voavakinao ndraiky mandeha ty raha vakinao laha lava, ohatsy hoe gazety. Laha tsy nivita vakinao zisiky farany raha iny, le ataovo amy hoe Favoris eo mba ho mora aminao ty hahita azy lafa iha ta hamaky azy ndraiky. Lafa vita vakinao amy zay ie, le afaky fafànao amy Favoris eo.

Tsy hita amy JW Library ao ty fanazavà sisany, fa amy jw.org ao avao ty isehoany, ohatsy hoe vaovao noho fampandrenesa sisany. Hentehenteo matetiky avao zany amy hoe “Inona ny Vaovao?” ao mba hahitanao ze lahatsoratsy niboaky farany.