Lafa mamaky Baiboly tsika, le afaky mampiasa fitaova sankarazany mba hanampy antsika hahazo soa ty raha vakintsika. Fe tsy hoe ta hahay Baiboly avao tsika le zay ty antony ianarantsika. Teantsika ty hahay soa ty toetsini-Jehovah satria hanampy antsika ho tea azy marè raha zay. Mba hanaova ani-zay, le afaky mieritseritsy tsika hoe: ‘Ino ty ianarako mikasiky ani-Jehovah baka amy raha vakiko toy?’

Azonao atao, ohatsy, ty manao fikaroha misimisy hoe akory ty nampisehoani-Jehovah hoe be fitiava ie, hendry, manao ty rariny, noho mahery. Fe tsy reo avao ty toetsini-Jehovah. Mbo mana toetsy soa maro hafa koa ie. Aia ty hahitanao fanazavà misimisy mikasiky ani-toetsiny rezay?

Henteo amy Fanondroana Bokin’ny Vavolombelon’i Jehovah ao fa misy toetsy 50 mahery, ambanini-lohateny hoe “Jehovah” eo, bakeo amy lohatenikely hoe “Lisitry ny Toetrany.” Bakeo anovo fikaroha ze toetsy hitanao amy tantara vakinao amy Baiboly ao. (Laha tsy mana ani-Fanondroana io iha fa Fitaovana Fikarohana ho An’ny Vavolombelon’i Jehovah avao, le henteo ambanini-lohateny hoe “Jehovah Andriamanitra”, bakeo amy lohatenikely hoe “Toetran’i Jehovah.”)