Ho zao ty resahini-andinin-teny mampieritseritsy io: “Ka tseriky iha laha mahita fampijalea noho fanitsakitsaha ty rariny noho ty hitiny amy faritany eo. Satria manam-pahefà anabo io mbo misy anabo mandilatsy azy manara-maso azy, le mbo misy koa aza ty anabo mandilatsy an-drozy.”​—Mpito. 5:8.

Laha hevitsin’olombelo avao ro rambesy, le mifanaraky soa amy manam-pahefà amy fanjakà eo rey ty raha resahini-andinin-teny io. Fe lafa dinihintsika soa, le manambara fahamarina mikasiky ani-Jehovah koa raha io, ka mampahery noho mampionona antsika.

Miresaky mikasiky mpanday raiky mampijaly ty mahantra noho tsy maneky hanome rariny azy ty Mpitoriteny 5:8. Tokony ho tiarovini-mpanday io fa misy mana pilasy na fahefà mandilatsy azy amy fanjakà eo ka mety hanara-maso azy. Mety misy maro hafa koa aza mbo anabo mandilatsy ani-reo. Mampalahelo fa mety mbo hanao tsy rariny iaby mpanday fanjakà olombelo reo, ka mijaly ty vahoaky andesin-drozy.

Fe ndre ho raha tsy misy tamany sasy aza, le mampahery antsika ty mahay hoe Jehovah ‘manara-maso ani-manam-pahefà anabo’ amy fanjakà eo rey. Azontsika atao ty misoloho amy Jehovah, le mametraky aminy ani-ze manavesatsy antsika. (Sal. 55:22; Fil. 4:6, 7) Haintsika “fa ty masoni-Jehovah manenty ndre aia ndre aia amy tany toy, mba hampitoroany ty heriny hanavota ze olo mivahatsy aminy amy ty fony iaby.”​—2 Tan. 16:9.

Dikani-zay, manambara amintsika ty tena raha misy amy mpanday fanjakà reo Mpitoriteny 5:8 io, hoe tsy maintsy misy avao ty anabo mandilatsy an-drozy. Fa mbo vatan-draha mandilatsy ani-zay, le manampy antsika andinin-teny io mba hahatiaro hoe Jehovah ro farany anabo, ie ro Manam-pahefà Faratampony. Manjaka ie henanizao, ka mampiasa ani-Jesosy Kristy Anakiny, azy Mpanjakani-Fanjakàny iny. Mahita ty kila raha iaby azy Farani-Ze Mahery iny. Manao ty rariny noho ty hitiny ie, le ho zay koa Anakilahiny iny.