Manompo an’i Jehovah miaraky amy rahalahy noho anabavintsika reo tsika lafa mivory, noho manatriky fivoriambe. Fe mbo manompo azy koa tsika ndre tsika raiky avao, ndre miaraky amy fianakaviantsika. Retoa misy soso-kevitsy azonao dinihy lafa manao fianara am-bata noho fotoam-pivavahan’ny fianakavia:

• Manomàna fivoria. Azonao atao, ohatsy, ty mianatsy ty hira hohirà am-pivoria any noho manampy ty fianakavianao hanoma valin-teny.

• Mamakia tantara amy Baiboly ao. Bakeo anovo sary raha niseho voaresaky amy tantara ao iny, na sorato ze raha nianaranao.

• Vakio vavaky amy Baiboly ao rey, le bakeo diniho hoe manino raha iny ro manampy anao hanasoa ty vavaky ataonao.

• Manentea video amy jw.org ao, le bakeo resaho amin’olo hafa na sorato ze raha nianaranao tao.

• Manoma fitoria noho fampianara. Azo atao kisary olo itoria, ohatsy, ty olo raiky amy fianakavianao, le iha amy zay mitory aminy.

• Mandiniha zavaboary, le vetsevetseo na diniho hoe ino ty ampianarini-raha iny anao mikasiky an’i Jehovah. a