Nivakinao soa va gazety Tilikambo Fiambena tamy tao toy rey? Henteo moa vasa hainao ty mamaly ani-fanontanea manaraky retoa:

Manao akory ty tokony ho fahitantsika ty Kristiana voahosotsy?

Teantsika ty finoan-drozy, fe tsy tokony hifantoky marè amin-drozy tsika. Miamby soa tsika mba tsy handrengirengy olo. (Joda 16) Tsy mametraky fanontanea manoka mikasiky ty raha tamanin-drozy tsika.​—w20.01, p. 29.

Manino iha ro tokony ho resy lahatsy hoe manenty anao Jehovah?

Mivola ty Baiboly hoe fa hitany iha ndre mbo tsy nateraky aza. Mijanjy ty vavaky ataonao koa ie. Hainy ty raha eritseretinao noho ty raha tsapanao, le mety hahafalifaly azy na hampalahelo azy ty raha ataonao. (1 Tan. 28:9; Ohab. 27:11) Nitaominy hamonjy azy iha.​—w20.02, p. 12.

Amy raha manao akory ohatsy tsika ro tokony hivola, le ombia ro tokony tsy hivola?

Teantsika ty miresaky mikasiky ani-Jehovah. Mivola tsika lafa mahita olo manao raha mitariky azy hanao fahotà bevata. Manome torohevitsy ty anti-panahy lafa ilà. Tsy tokony hambarantsika ty tsipiriany mikasiky ty asantsika amy tany misy fandrarà. Tsy tokony hamoaky sekirè tsika.​—w20.03, p. 20-21.

Ino ty tsy mampitovy ani-valala amy Joela toko faha-​2 ao rey noho azy amy Apokalypsy toko faha-​9 ao rey?

Mivola ty Joela 2:20-29 hoe hahataki-Ndranahary lavitsy valala reo, le nampitamà ie hoe honerany ty fahavoaza nataon-drozy. Afarani-zay, le handatsaky ty fanahiny Ndranahary. Nitanteraky raha reo tamy fotoa nanafihani-Babylonianina reo ani-Israely noho tafarani-zay. Ampitovizini-​Apokalypsy 9:1-11 amy valala ty voahosotsy amy androntsika zao, satria mahasaky manambara ty didim-pitsarà-Ndranahary ho ani-tontolo raty toy rozy, ka tsy mahazo ay ze manoha ani-tontolo toy.​—w20.04, p. 3-6.

Ia ty mpanjakani-avaratsy henanizao?

Russie noho ty namany. Misy vokany bevata amy vahoaki-Ndranahary ty fandaisany, satria mandrara ty asa fitoria ie sady mampiseho hoe malay ty Vavolombeloni-Jehovah. Manao kirebaky amy mpanjakani-antimo ty mpanjakani-avaratsy.​—w20.05, p. 13.

Toetsy sivy voatono amy Galatianina 5:22, 23 ao reo avao va ro anatini-“vokatsini-fanahy”?

Aha. Manampy antsika hana toetsy soa hafa ty fanahy masy, anatini-zay ty fahamarina. (Efes. 5:8, 9)​—w20.06, p. 17.

Ino ty maharaty ty mametraky sary na video amy internet ao?

Lafa mahita ty raha apetrakinao ao ty olo, le mety hieritseritsy hoe mizesta iha fa tsy miambany.​—w20.07, p. 6-7.

Ino ty ianarani-mpitory baka amy mpihaza mahay?

Miasa amy fotoa noho pilasy mora ahità fia rozy, mianatsy mampiasa ani-ze fitaova tokony hampiasà, sady be herim-po ka miasa avao ndre miova aza ty raha atrehiny. Mila manao manahaky ani-zay koa tsika lafa manompo.​—w20.09, p. 5.

Ino ty raha sisany azontsika atao mba hanampea ty mpianatsintsika ho tena tea ani-Jehovah?

Azontsika atao ty mampirisiky azy hamaky Baiboly sanandro noho hametsivetsy ty raha nivakiny. Azontsika ampianary mivavaky koa ie.​—w20.11, p. 4.

Ia ty tafilitsy amy hoe olo iaby hovelomy amy Kristy ao reo?​—1 Kor. 15:22.

Tsy ty olombelo iaby hovelomy amy maty ro nivolanini-apostoly Paoly. Niresaky mikasiky ty Kristiana voahosotsy, azy “nihamasiny amy Kristy Jesosy ao rey” ie. (1 Kor. 1:2; 15:18)​—w20.12, p. 5-6.

Ino ty hataoni-voahosotsy reo afara ty ‘hanovà an-drozy anatini-indraiky mipỳ maso, lafa maneno ty trompetra farany’?​—1 Kor. 15:51-53.

Hiaraky amy Jesosy rozy ka hifehy ty firenena iaby amy tehim-by. (Apok. 2:26, 27)​—w20.12, p. 12-13.