Lasa Ana-Jehovah Aho
Hangalaky:
1. Nivezivezy ty vetsivetsiko:
“Aia ty hahitako, olo hipitihako?”
Mba fa niriko liany fa fa ela be
Ty hana nama hoe manahaky longo rey.
2. Fe ela ty ela, nitojiky ahy
Ty mpanompo-Ndranahary, le tena tea ahy.
Zah’ tsy hoe nahazo nama hihantà,
Tsy hoe zay avao, fa lasa ana-Jehovah.
(TETEZA)
Zao aho nahazo zay noho zoky, baba noho neny.
Mana longo ataho olo trano raiky rey.
Ndre tsy baka an-tany raiky, ndre samby hafa safà,
Olo raiky avao, safè ana-Jehovah.
3. Mifankatea, mifampidary,
La bohaboha tena anila-Ndranahary,
Manan-dongo lako hay tavandrà,
La azon-tena tavy ty hoe ana-Jehovah.
(TETEZA)
Ndre tsy baka an-tany raiky, ndre samby hafa safà,
Olo raiky avao, safè ana-Jehovah.
4. Ho troky raiky fa tsy hoe nama avao
Zay ty tea-Jehovah hataoko noho hataonao.
Mba dineho avao hoe ‘hiay mandrakizay’,
Le ho sambatsy iaby tsika longoko amy zay.
Tsika lasa ana-Jehovah,
Anany,
Anany.