MANINO RO TENA ILÀ? Laha manoma soa ty mpianatsy Baiboly, le ho mora azony noho ho tiarony ty raha ampianary azy. Lafa azony noho tiarony raha iny, le handroso malaky ie. Ndre fa vita batisa aza ie, le mbo mila manoma fivoria noho fanompoa, amy zay afaky ‘miamby avao.’ (Mt 25:13) Midika raha zay fa laha mahay mianatsy ie sady zatsy mianatsy, le hanampy azy avao raha zay amy fiainany. Laha vo manomboky mampianatsy Baiboly olo tsika, le tokony hampeantsika ho zatsy manoma fianara ie.

AKORY TY HANAOVA AZY?

• Tokony ho modely iha. (Ro 2:21) Manomàna saky hampianatsy, sady eritsereto mpianatsy iny. (km 11/15 3) Ataovo hitany hoe voatsipiky ty bokinao

• Ampirisiho ie mba hanoma. Laha vo parè hianatsy ty olo raiky, le volano aminy hoe anatini-fandahara amy fianara Baiboly ty fanomana, le hazavao hoe ino ty mahasoa ani-zay. Resaho aminy hoe ino iaby ty azony atao mba hahità fotoa hanomana. Misy mpitory sisany mampindra ty bokiny vita oma, mba hampiasani-mpianatsiny iny anatini-fianara raiky, amy zay ho hitany hoe soa ty manoma. Derao ie lafa manoma

• Atorò azy ty fomba fanomana. Lafa mana mpianatsy vaovao ty mpitory sisany, le manao fandahara hianatsy manoma fianara raiky, sady zay avao tse ty hataon-drozy amy fotoa ianara iny