MANINO RO TENA ILÀ? Afaky ‘mihira ho ani-Jehovah’ noho ‘midera azy’ avao tsika saky mivory. (Sl 149:1) Ampianary hanao ty sitrapo-Ndranahary tsika any. (Sl 143:10) Avy le manao fandrosoa bevata matetiky ty olo kinto na ty mpianatsy Baiboly laha vo mivory.

AKORY TY HANAOVA AZY?

• Ka andinisa hoe fa mianatsy Baiboly ty olo raiky vo hasànao hivory. Avy le asao ie laha vo afaky manao ani-zay iha. —Ap 22:17

• Volano amin’olo iny ty raha mety ho hitany am-pivoria any noho ty raha horesahy any. Mety hanampy anao hanao ani-zay ty fanasà amy fivoriani-fiangona, ty video hoe Ino ty Raha Atao amy Efitrano Fanjakà Any? noho ty bokikely Raha Tea Jehovah, amy fianara 5 noho 7 ao

• Ampeo ie. Mila alà va ie sa mila ampea hitingy ty sikiny? Miaraha mipetraky aminy, le miharoa boky aminy. Anovo ze hifankahaizany amy ty olo ao