Tokony hangataky hiresaky amy babany noho reniny tsika laha ajà ro am-baravara eo. Manaja ty loham-pianakavia na ty olobe amin-drozy ao tsika laha manao ani-zay. (Oh 6:20) Tsy tokony haneky tsika laha ajà iny ro mampandroso antsika. Laha tsy afaky babany noho reniny, le amy manaraky ndraiky tsika mimpoly eo.

Laha somary fa bebe ajà iny, ohatsy hoe 15 zisiky 19 tao mbany, le mbo soa avao laha mila ani-babany noho reniny tsika. Laha tsy afaky rozy, le azontsika anontanea ie hoe tsy ho meloky va babany noho reniny laha amea boky hovakìny ie. Laha tsy mampanino an-drozy, le afaky ameantsika boky ie na atorontsika azy ty tranonkalantsika jw.org.

Lafa mimpoly mitsidiky tanora raiky nikinto tsika, le soa laha mangataky hifankahita amy babany noho reniny. Ho afaky hanazava amin-drozy tsika amy zay hoe manino tsika ro mitsidiky an-drozy. Ho afaky hanoro an-drozy koa tsika fa azo atokisa ty torohevitsy amy Baiboly ao sady mahasoa ty fianakavia. (Sl 119:86, 138) Sahala fa mitory amy ty olobe an-trano ao tsika lafa manaja an-drozy. Mety ho afaky hitory amy fianakavia io mihintsy aza tsika.—1Pe 2:12.