TY FIAINANTSIKA KRISTIANA
Manavotsy Ani-ze Kivy Jehovah
Malahelo tsika kindraiky. Fe tsy midika zay hoe tsy ampy finoa tsika. Ndre Jehovah koa anè nivola hoe misy fotoa ie malahelo. (Ge 6:5, 6) Fe manao akory laha malahelo matetiky tsika na sanandro mihintsy?
Milà fanampea amy Jehovah. Vatan-draha amy Jehovah ty raha tsapantsika. Hainy hoe falifaly tsika na malahelo. Hainy hoe manino tsika ro mahatsapa ani-zay. (Sl 7:9b) Fa ty vatan-draha le hoe mikarakara antsika Jehovah sady afaky manampy antsika lafa malahelo tsika na kivy mihintsy.—Sl 34:18.
Arovo ty sainao. Malahelo tsika lafa kivy. Mety hisy vokany amy fifandrambesantsika amy Jehovah koa ty hakivia. Tokony hiaro ty fontsika zany tsika, zany hoe ty maha ie antsika.—Oh 4:23.
HENTEO TY VIDEO HOE MAHATIARO MIADA AVAO RAHALAHINTSIKA REO NDRE KIVY, BAKEO VALEO FANONTANEA RETOA:
-
Ino ty nataoni-Nikki lafa nikivy ie?
-
Manino Nikki ro nieritseritsy hoe nila namonjy dokotera ie?—Mt 9:12
-
Akory ty nampisehoani-Nikki hoe niantehitsy tamy Jehovah ie?