Hataon’ny Fanjakà-Ndranahary Akory ty Aly?
Manday fijalea noho manimba raha maro ty aly amy tany toy iaby. Retoa zao misy tatitsy vitsivitsy:
“Tanatin’ny 28 tao faramparany, le tamy taon-dasa ro tena nahafatesan’olo maro biby vokatsin’ny aly, sirtò vokatsin’ny aly a Etiopỳ noho a Ukraine any io.”—Peace Research Institute Oslo, 7 Ziein 2023.
“Anisan’ny aly farani-ze nanjeky tamy 2022 ty aly a Ukraine any. Nitombo 27% koa ty hasatà amy tany toy iaby, vokatsin’ny koronta amy resaky politiky. Misy vokany amin’olo 1 700 tapitrisa eo ho eo raha zay.”— The Armed Conflict Location & Event Data Project (ACLED), 8 Fevriè 2023.
Manome raha tamàny antsika ty Baiboly. Resahiny ao fa “azy Ndranaharini-lanitsy iny, le hanory fanjakà tsy ho rava zisiky farany.” (Daniela 2:44) Lafa manday fanjakà io, le hatao-Ndranahary “tsy misy aly sasy ty amy tany toy iaby.”—Salamo 46:9.