EZAKY MANOKA
Fikarakarà Fahasalamà—Ino ty Hataon’ny Fanjakà-Ndranahary?
“Fa tsy misy famepera mikasiky COVID-19 sasy henanizao, fe tsy midika zay hoe fa tsy misy sasy arety io sady tsy atahora ho voany sasy ty olo.. . . Laha mbo misy arety miparitaky ndraiky ty amy hoavy, le tokony fa ho parè tsika.”—Dr. Tedros Adhanom Ghebreyesus, direktera zeneralin’ny Fikambana Iraisam-pirenena Mikasiky Fahasalamà, 22 Mey 2023.
Mbo maro henanizao ty olo mijaly satria nisy vokany tamy vatany na ty sainy fiparitahan’ny arety iny. Fa parè va ty fanjakà noho ty dokotera laha ohatsy ka misy arety miparitaky ndraiky? Ho afaky hanafaky ty problemo sankarazany mikasiky fahasalamà va rozy?
Miresaky fanjakà raiky hanampy ty olo iaby ho salama ty Baiboly. Resahiny ao fa “azy Ndranaharini-lanitsy iny, le hanory fanjakà raiky.” (Daniela 2:44) “Tsy hisy olo hivola hoe: ‘Marary aho,’” lafa manday fanjakà io. (Isaia 33:24) Ho salama soa iaby ty olo amy fotoa zay sady hatanjaky soa manahaky tanora io.—Joba 33:25.