Amy 27 Zanviè 2023 ty andro Iraisam-pirenena ahatiarova ani-Famonoa Olo Tambabe iny, le maro ty olo hankalaza ani-raha zay. Maherini-75 tao lasa zay ro nisehoany Famonoa Olo Tambabe io. Nampatahotsy noho nampangorohoro ty raha niseho tamy fotoa zay, le mety hanontany tsika hoe nanino ro nengà-Ndranahary hiseho raha zay.

•   Laha teanao ho hay ty raha volanini-Baiboly, le vakio ty lahatsoratsy hoe “Nahoana no Navelan’Andriamanitra Hamono Olona Tambabe ny Nazia?”

 Nijaly jiosy reo satria maro tamin-drozy ro maty tamy Famonoa Olo Tambabe iny. An-tapitrisany amin-drozy ro nivonoa sady fa voaoma soa ty tetiky nanaova ani-famonoa zay. Nisy olo hafa koa nenjehy noho nivonoa tamy Famonoa Olo Tambabe iny, le anisani-zay ty Vavolombeloni-Jehovah. Nenjehy rozy satria nino ty raha resahini-Baiboly.

•   Laha mila fanazavà fanampiny, le vakio ty lahatsoratsy hoe “Inona no Nanjo ny Vavolombelon’i Jehovah Nandritra An’ilay Famonoana Tambabe Nataon’ny Nazia?”

 Maro ty olo matahotsy hoe tsy no mbo hiseho ndraiky raha raty manahaky Famonoa Olo Tambabe iny. Fe mivola ty Baiboly hoe tsy hisy sasy ty loza manahaky ani-rey amy hoavy.

•   “‘Fa haiko soa ty raha fa nieritseretiko hatao aminareo’, hoy Jehovah. ‘Mieritseritsy hanome anareo fiadana aho fa tsy loza, mba hanananareo hoavy soasoa noho fanantenà.’”​—Jeremia 29:11. a

 Ho tanteraky raha zay lafa horavani-Jehovah ty haratia noho ty voka-dratiny. Tsy ho ela le:

•   Haripakiny ty olo raty fanahy mampijaly ty hafa.​—Ohabolana 2:22.

•   Horavàny ty fijalea noho ty fangirifiria iaby.​—Apokalypsy 21:4.

•   Hovelominy ndraiky ty olo fa nimaty, le hiay an-tany etoa.​—Jaona 5:28, 29.

 Mampahery ty fanantenà hita amy Baiboly ao sady afaky matoky iha hoe ho tanteraky raha rey. Laha teanao ho hay ty antony, le manasa anao zahay mba hanohatsy hianatsy Baiboly miaraky aminay. Tsy andoava drala fianara io.