Tamy Jesosy mbo tan-tany tetoy, le nasehony hoe tena tea olo ie. Tena bevata mihintsy aza ty fitiavany antsika olombelo, kanao ndre ty ainy aza nifoiny ho antsika. (Matio 20:28; Jaona 15:13) Mpanjakan’ny Fanjakà Ndranahary ie henanizao, ka tsy ho ela le hasehony ndraiky ty fitiavany antsika. Hataony “tsy misy aly sasy ty an-tany etoy.”​—Salamo 46:9.

 Retoa ty raha resahin’ny Baiboly fa hataony:

•   “Havotany ty mahantra mila fanampea, noho ty maliniky voho ty olo tsy misy mpanampy. Ho ferinesany ty maliniky noho ty mahantra, le havotany ty ain’ny mahantra. Hanavotsy an-drozy amy fampijalea noho hasatà ie.”​—Salamo 72:12-14.

 Ino amy zay ty azontsika atao mba hisaora an’i Jesosy amy ty raha fa nataony noho ty mbo hataony ho antsika? Nandidy ty mpanori-dia azy Jesosy, amy Lioka 22:19 ao, mba hahatiaro ty nahafatesany. Santao amy zay, lafa avy ty daty mifanandrify amy daty nahafatesany io, le miaraky mivory ty Vavolombelon’i Jehovah. Manasa anao koa zahay mba hiaraky mankalaza aminay ty Fahatiarova ty Nahafatesan’i Jesosy, amy Lahady 24 Marsa 2024.

Hila ty pilasy hanaova an’ny Fahatiarova io