Tamy Jesosy mbo tan-tany tetoy, le nasehony hoe tena tea olo ie, sirtò ty mahantra noho ty sahira. (Matio 9:36) Nanao soro ty ainy ho ahi-ty hafa mihintsy aza ie. (Matio:28; Jaona 15:13) Mpanjakan’ny Fanjakà Ndranahary ie henanizao, ka tsy ho ela le hasehony ndraiky ty fitiavany antsika. Hampiasa ty fahefàny noho ty heriny ie mba hanafaha ty fahantrà.

 Soasoa ty fomba ivolanan’ny Baiboly ty raha hataony:

•   “Hiaro ty maliniky amy vahoaky eo ie, noho hanavotsy ty anakin’ny mahantra.”​—Salamo 72:4.

 Ino amy zay ty azontsika atao mba hisaora an’i Jesosy amy ty raha fa nataony noho ty mbo hataony ho antsika? Nandidy ty mpanori-dia azy Jesosy, amy Lioka 22:19 ao, mba hahatiaro ty nahafatesany. Santao amy zay, lafa avy ty daty mifanandrify amy daty nahafatesany io, le miaraky mivory ty Vavolombelon’i Jehovah. Manasa anao koa zahay mba hiaraky mankalaza aminay ty Fahatiarova ty Nahafatesan’i Jesosy, amy Lahady 24 Marsa 2024.

Hila ty pilasy hanaova an’ny Fahatiarova io