Nofinofy tsy ho tanteraky raha zay hoy ty ankamaroan’olo.

•   “Hita eran-tany ty fanavakavaha. Sahala poizy raha io satria manimba ty fikambana sankarazany, ty fiaraha-monina, noho ty fiainan’olo andavanandro. Lasa misy avao ty tsy rariny vokatsini-zay.”​—António Guterres, Sekretera Zeneralini-ONU.

 Tsy hisy vatany va ty fanavakavaha ndraiky andro any? Ino ty volanini-Baiboly?

 Resahini-Baiboly ty fahità-Ndranahary ty olo samby hafa karaza.

•   “Baka amin’olo raiky ro [nanaova-Ndranahary] ty firenena iaby mba hipetraky amy tany toy iaby.”​—Asan’ny Apostoly 17:26.

•   “Tsy mitingy volon’olo Ndranahary, fa ze olo matahotsy azy noho manao raha soa ro mahazo hatò aminy.”​—Asan’ny Apostoly 10:34, 35.

 Hita amy Baiboly ao fa mpilongo ty olombelo iaby, le parè handramby ani-ze olo ta hanompo azy Ndranahary ndre ino ino ty karazany.

 Ty Fanjakà-Ndranahary an-danitsy any ro handrava ani-zay. Hampianarini-Fanjakà io ty olo hoe akory ty tokony ho fandrambesan-drozy ty olo hafa. Hianaran-drozy hoe akory ty atao mba tsy hisy sasy ty fanavakavaha.

•   “Hianatsy mikasiky ty fahamarina ty olo hipetraky amy tany iny ao.”​—Isaia 26:9.

•   “Hiada ze manaraky ty tena fahamarina, le hilamy avao sady tsy ho marikariky mihintsy ze manaraky ty tena fahamarina.”​—Isaia 32:17.

 Olo an-tapitrisany henanizao ro mianatsy Baiboly, le ianaran-drozy ao hoe akory atao mba hanajà ty olo hafa.

•   Laha mila fanazavà misimisy iha, le vakio ty gazety Mifohaza! hoe “Vahaolana Amin’ny Fanavakavahana.”

•   Laha ta hiresaky mikasiky ani-zay amy anakinao iha, le vakio ty lahatsoratsy hoe “Ahoana no Azoko Iresahana Amin’ny Zanako Momba ny Fanavakavaham-bolon-koditra?”