“Maro ty tanora tratsin’ny aretin-tsay henanizao. Hitanay hoe anisan’ny mahavy ani-zay ty fampiasà tranonkala fifandrambesa.”​—Dr. Vivek Murthy, manam-boninahitsy amy resaky fahasalamà a Etazinỳ any, New York Times, 17 Ziein 2024.

 Ino ty azon’ny ray aman-dreny atao mba hiarova ty anany amy fampiasà tranonkala fifandrambesa? Manome torohevitsy mahasoa ty Baiboly.

 Diniho torolalan’ny Baiboly retoa.

 “Ty olo mahihitsy mieritseritsy soa lafa hanao raha.”​—Ohabolana 14:15.

 Diniho soa ty voka-dratin’ny fampiasà tranonkala fifandrambesa, le ka mieritseritsy hoe tsy maintsy mampiasa ty ananao. Diniho soa retoa alohan’ny hanenganao azy hampiasa: Fa matotsy soa va ie, ka mahay mifehy ty fotoa holanìny amy fampiasà tranonkala fifandrambesa? Fa azo atokisa va ie hoe hahay hifily nama noho tsy hanenty raha raty?

•   Laha mila fanazavà fanampiny, le vakio ty lahatsoratsy hoe “Tokony Hampiasa Tambazotran-tserasera ve ny Zanako?” noho ty hoe “Ampianaro ny Zanakao mba ho Voaro Rehefa Mampiasa Tambazotran-tserasera.”

 “Ampiasao soa ty fotoanareo.”​—Efesianina 5:16.

 Laha manapa-kevitsy iha hoe hanenga ty ananao hampiasa tranonkala fifandrambesa, le asio fitsipiky ty fampiasàny azy. Bakeo hazavao aminy hoe natao hiarova azy fitsipiky reo. Asio fetrany ty fampiasàny azy laha voamarikinao hoe somary miova ty fahazarany.

•   Ampiasao ty video sarisary hoe Mba Mandiniha Soa Lafa Mampiasa Tranonkala Fifandrambesa, mba hanazavà aminy hoe manino ro tokony hasiany fetrany ty fampiasà azy.

 Mivola ty Baiboly hoe miay amy “fotoa sarotsy tsy mora atrehy” tsika henanizao. (2 Timoty 3:1-5) Manome torohevitsy afaky manampy antsika hiatriky ty fiaina henanizao koa ty Baiboly. Misy listan’ny lahatsoratsy 20 mahery afaky manampy ty ray aman-dreny noho ty anakiny amy lahatsoratsy toy ato. Mifototsy amy Baiboly lahatsoratsy reo, le miresaky mikasiky ty fahasalamà ara-tsain’ny tanora.