Fanomeza ze foim-po baka amy Vavolombelo Jehovah ro ampiasà, ikarakara ze lany amy asa fitoria ataonay. Tsy mitanty rakitsy zahay lafa mivory sady tsy mitaky ampahafolon-karena. (Matio 10:7, 8) Fa misy boaty ho ahy ty fanomeza amy fanaovanay fivoria any, ka afaky manao fanomeza ze ta hanao raha zay. Tsy mivola ty anarany ty olo nanao fanomeza.

Tsy lany drala be zahay satria tsy mana mpitariky fivavaha karamà. Tsy karamà koa ty Vavolombelo lafa mitory, sady tsy be filirony ty trano fivorianay.

Ampiasà hanampea olo tratsy ty loza, hanampea misionera noho mpitory mitety faritany, hanamboara trano fivavaha amy tany an-dalam-pandrosoa any, sady hampiboaha Baiboly noho boky mifototsy amy Baiboly ty fanomeza alefa amy birao ty sampa Vavolombelo Jehovah any.

Ty olo kiraidraiky ro manapa-kevitsy laha ta hanao fanomeza hikarakara ty lany an-tanà eo ie na ta hanao fanomeza ho ahy ty asa amy tany toy iaby, na samby hanao fanomeza amin-drozy roe reo. Ambara ty fiangona kiraidraiky ty drala ananany, soa ho hay ty mpivavaky ao.