“Ua tatau nei ona tatou uaʻi atu i faafitauli o le mafaufau o talavou, lea ua faateteleina ona o le social media.”—Dr. Vivek Murthy, o le fomaʻi sinia i le matagaluega o le soifua mālōlōina i le Iunaite Setete, New York Times, Iuni 17, 2024.

 E faapefea ona puipuia e mātua a latou fanau mai i lamatiaga o le social media, po o fesootaʻiga i le Initaneti? E maua fautuaga aogā mai i le Tusi Paia.

 Ia mafaufau i nei mataupu silisili o le Tusi Paia.

 “O le tagata e iai le utaga mamao, e manatunatu i ona laasaga uma.”—Faataoto 14:15.

 Ona o lamatiaga o le social media, aua e te manatu e tatau lava ona faataga lou alo e faaaogāina. A o leʻi faataga lou alo e faaaogāina, ia faamautinoa e mafai ona ia pipii i le taimi ua e faatulagaina e faaaogā ai, ia iai ni ana uō lelei, ma ʻalofia ni ata e lē talafeagai.

•   Mo nisi faamatalaga, faitau i le mataupu “Should My Child Use Social Media?” ma le “Teaching Your Teenager Social Media Safety.”

 “Ia outou faaaogā tatau le taimi.”—Efeso 5:16.

 Pe a e faataga lou alo e faaaogā le social media, ia e faataatitia ni tulafono i le auala e faaaogā ai, ma faamatala i ai aogā o na tulafono e puipuia ai o ia. Ia mataala i suiga lē lelei o amioga a lau tama, lea e faaalia ai ua tatau ona faatapulaa le taimi e na te faaaogāina ai le social media.

•   Ia faaaogā le vitiō o ata tusi Faaaogā ma le Atamai Tuatusi i le Initaneti, e fesoasoani ai i lou alo e malamalama i le tāua o le pulea o le faaaogāina o le social media.

 Ua faapea mai le Tusi Paia o loo tatou ola i “aso e sili ona faigatā.” (2 Timoteo 3:1-5) O loo faailoa mai ai foʻi fautuaga aogā e fesoasoani iā i tatou e onosaia nei taimi faigatā. O loo iai se lisi o mataupu faale-Tusi Paia e sili atu ma le 20, mo mātua ma a latou fanau lea o loo maua i lenei mataupu e faatatau i faafitauli o le mafaufau o talavou.