Ua taatele faiga sauā a kegi i le atunuu o Haiti. Ua matuā aafia Aferika i Saute, Mekisikō, ma isi atunuu o Amerika Latina i soligatulafono sauā. E oo lava i vaipanoa ua faaitiitia ai faiga sauā, ua lagona e le toʻatele le leai o se saogalemu ma le popole ona o lipoti o solitulafono e pei o le gaoi, talepe fale, ma le faaleaga o meatotino a isi.

 O le ā le manatu o le Tusi Paia i le sasao faaafi o le amioleaga i le lalolagi aoao?

 Na valoia i le Tusi Paia, o le amioleaga o se vala o le faailoga o “le taufaaiʻuiʻuga o le faiga o mea a le lalolagi.” (Mataio 24:3) Na faamatala e Iesu Keriso vala o lenā faailoga ina ua fetalai:

•   “O le a maalili le alofa o le toʻatele, ona o le faatuputeleina o le amioleaga.”—Mataio 24:12.

 Na valoia foʻi e le Tusi Paia “o aso e gata ai” o le a iai “ē e lē amio pulea, o ē e sauā, o ē e lē fiafia i mea lelei.” (2 Timoteo 3:1-5) O na uiga lē lelei, ua māfua ai amioga leaga o loo taatele i aso nei.

 Ae e iai se faamoemoe mo i tatou i le lumanaʻi. Ua folafola mai i le Tusi Paia ua toeitiiti ona tafiesea lea o le amioleaga.

•   “Ua toeitiiti lava ona lē toe iai lea o le tagata amioleaga; e te vaai atu i le mea sa iai o ia, ae ua leai lava. A o ē e agamalu, e fai mo i latou le lalolagi, e matuā faafiafiaina foʻi i latou ona o le tele o le filemu.”—Salamo 37:10, 11.

 Ia aʻoaʻo atili i le feʻau o le faamoemoe mai i le Tusi Paia, ma le māfuaaga e mafai ai ona e mautinoa o mea o loo tutupu i aso nei ua faataunuuina ai valoaga o le Tusi Paia. Ia faitau i mataupu o loo mulimuli mai.

 “O se Faamoemoe Moni mo se Lumanaʻi Manuia”

 “O le ā le Faailoga o ʻAso e Gata ai,’ po o le Taimi o ʻle Iʻuga’?”

 “Po o Valoia Mai e le Tusi Paia le Auala e Mafaufau ma Gaoioi ai Tagata i Aso Nei?”