I le 2023, na iloa ai e tagata atamamai o le soifua mālōlōina i le lalolagi aoao, o le tuua toʻatasi o se mataupu e tatau ona ave i ai le faamuamua. Pe e mafai ona foʻia le tuua toʻatasi?

•   Ua faapea mai Dr. Vivek Murthy, o se fomaʻi e vaaia le matagaluega o le soifua mālōlōina i le Iunaite Setete: “O faalogona tuua toʻatasi ma le faaesea mai i isi tagata, e telē lona aafiaga i lo tatou soifua mālōlōina ma le mauaina o le fiafia. Ae e mafai lava ona tatou foʻiaina.” E faapefea? “E ala i le faia o gaoioiga lāiti i aso taʻitasi e faamalosia ai a tatou faauōga.” a

 E lē na o le faaesea mai i isi e māfua ai faalogona tuua toʻatasi. O nisi e lagona le tuua toʻatasi e tusa lava po o iai faatasi ma isi tagata. Po o ā lava māfuaaga o o tatou faalogona tuua toʻatasi, e mafai ona fesoasoani le Tusi Paia iā i tatou. O loo i le Tusi Paia fautuaga aogā i le auala e faamalosia ai a tatou faauōga, lea e fesoasoani e faaitiitia ai faalogona tuua toʻatasi.

 Ia lelei le auala e te fesootaʻi ai ma isi. E aofia ai le faailoa atu i isi o ou faalogona, ma le faalogologo lelei a o talanoa mai isi. O le tele lava e te faaalia ai le naunau moni i se tasi, o le faamalosia foʻi lenā o la oulua faauōga.

•   Mataupu silisili o le Tusi Paia: ʻIa vaavaai ma le naunau e lē gata i au lava mea, ae i mea foʻi e lelei ai isi.’—Filipi 2:4.

 Ia faauō atu i so o se tasi. Ia faauō atu iā i latou e matutua pe lāiti ifo iā te oe, po o ē e eseese a outou aganuu po o atunuu.

•   Mataupu silisili o le Tusi Paia: ʻIa faalautele o outou loto.’—2 Korinito 6:13.

 Mo nisi faamatalaga i le auala e atiaʻe ai faauōga māfana ma isi, faitau i le mataupu “Le Mauaina o ni Uō.”