E tusa ai ma le nusipepa a le Katoliko e taʻua o le Catholic News Service, a o faia se sauniga lotu i St. Peter’s Basilica iā Mati 25, 2022, na tū ai Pope Francis i luma o le faatusa o Maria “a o moeiini ma ifo atu i ai ma tatalo.” Na ia “talosaga atu iā Maria” mo le filemu. Na taʻua atili i se lipoti mai i le Vatican News, na tatalo le Pope iā Maria e talosagaina ai le puipuiga o tagata uma aemaise lava Rusia ma Ukraine.

 O le ā sou manatu? Pe e talafeagai le tatalo i faatusa pe faaaogā i tapuaʻiga? Seʻi iloilo mau mai i le Tusi Paia o loo mulimuli mai:

•   “Aua neʻi e faia se tupua ua tā po o se faatusa o se mea o i le lagi i lugā, po o se mea i lalo nei i le laueleele, po o se mea i le vai i lalo o le laueleele. Aua e te ifo i ai pe auauna i ai, auā o aʻu o Ieova lou Atua, o le Atua e manaʻo e tapuaʻi mai e tau lava o aʻu.”—Esoto 20:4, 5. a

•   ʻO o latou tupua e faia i siliva ma auro, o galuega ia a lima o tagata. E fai o latou gutu, ae e lē tautatala; e fai o latou mata, ae e lē vāai; e fai o latou taliga, ae e lē faalogo; e fai o latou isu, ae e lē sogisogi; e fai o latou lima, ae e lē fetagofi; e fai o latou vae, ae e lē savavali; e leai foʻi se leo i o latou faaʻī. O i latou e faia tupua, e pei lava i latou o na mea, e faapea foʻi i latou uma e faatuatua i ai.’—Salamo 115:4-8.

•   “O aʻu o Ieova. O loʻu igoa lea; ou te lē avatua loʻu mamalu i se tasi, e lē avatua foʻi loʻu viiga i faatusa ua tā.”—Isaia 42:8.

•   “Ia sosola ese mai i le ifo i tupua.”—1 Korinito 10:14.

•   “Ia leoleo outou mai i tupua.”—1 Ioane 5:21.

 Mo nisi faamatalaga i le manatu o le Tusi Paia e faatatau i le faaaogāina o faatusa i tapuaʻiga, faitau i le mataupu “Le Manatu o le Tusi Paia—Faatusa” pe maimoa i le vitiō Pe e Talia e le Atua le Faaaogāina o Faatusa i Tapuaʻiga?

 Atonu foʻi e te fia iloa le manatu o le Tusi Paia i mataupu nei:

•   “O le ā le Manatu o le Tusi Paia e Faatatau i le Taupou o Maria?”

•   “O le a Faapefea Ona Maua le Filemu i le Lalolagi?”

Ē ana le ata: Vincenzo Pinto/AFP via Getty Images