Ua silia ma le 200 gagana faataga o loo iai, ma e pe tusa ma le toʻa 70 miliona tagata logonoa i le lalolagi aoao o loo faaaogāina se tasi o na gagana e fesootaʻi ai. O le mea e faanoanoa ai, e tele ina faileagaina tagata logonoa e pei ona faamaonia i lipoti nei:

•   “I le lalolagi aoao, e tele ina lē amanaʻia aiā tatau a tagata logonoa ma ē e lē lelei le faalogo.”—Faalapotopotoga o Tagata Logonoa i le Iunaite Setete.

•   “O tagata logonoa i atunuu e lē tagolima, o i latou na e sili ona matitiva, ma e lē tele ni faamatalaga e mafai ona latou maua faapea ni avanoa e auai ai i aʻoga ma galuega.”—Faalapotopotoga o Tagata Logonoa i le Lalolagi Aoao.

 O le ā le silafaga a le Atua i tagata logonoa? O ā ni faamatalaga a le Tusi Paia e faatatau i tagata logonoa? E faapefea ona fesoasoani Molimau a Ieova iā i latou i aso nei?

Le Silafaga a le Atua i Tagata Logonoa

 Ua faailoa mai i le Tusi Paia e manatu mamafa Ieova a le Atua i tagata logonoa. E finagalo le Atua ina ia tatou faatāuaina tagata logonoa, ma aʻoaʻoina i latou i Ona ala.

 Mau: “Aua e te faamalaia i le tagata logonoa.”—Levitiko 19:14.

 Mau: “E lē faailoga tagata le Atua.”—Galuega 10:34.

 Mau: “Ona malaga atu lea o Iesu . . . ma talaʻi atu le tala lelei o le Malo.”—Mataio 9:35.

 Mau: “Ona o [Iesu], ua mafai ai ona faalogo ē na tutuli, ma tautatala ē e leʻi mafai ona tautatala.”—Mareko 7:37.

 Mau: “O le a faalogo foʻi taliga o ē e tutuli.”—Isaia 35:5.

 Uiga: Na valoia e Ieova o le a faalogo tagata logonoa.—Isaia 29:18.

Auala o Loo Fesoasoani ai Molimau a Ieova i Ē Logonoa i Aso Nei

 O loo faailoa atu e Molimau a Ieova i tagata logonoa i le lalolagi aoao le feʻau a le Atua e faatatau i le faamoemoe. E faapefea ona matou faia lenei mea? Ua matou saunia Tusi Paia ma vitiō mo suʻesuʻega faale-Tusi Paia i le silia ma le 100 gagana faataga. E matou te tauofo e aʻoaʻo atu le Tusi Paia ma faamaopoopo sauniga faa-Kerisiano i le gagana faataga. E matou te faia nei galuega e aunoa ma se totogi mo so o se tasi e fia iloa le Atua. Aiseā? Na poloaʻi Iesu: “Ia outou avatu fua, auā ua outou maua fua.”—Mataio 10:8.

 E mafai ona e maua nei mea i le Initaneti, pe kopi foʻi i lau masini faaonapōnei mai le Upega tafaʻilagi ma le polokalame lenei:

 JW.ORG. Ia oomi le faailoilo o le gagana i le pito i luga o so o se itulau i le Upega tafaʻilagi, ina ia maua ai faamatalaga e faatatau i se gagana faataga.

 Polokalame o le JW Library Sign Language. Ia kopi lenei polokalame i lau masini, ina ia mafai ona download pe matamata i vitiō i le gagana faataga.

O ā Mea ua Matou Saunia e Aʻoaʻo ai le Tusi Paia?

 Le Tusi Paia i le gagana faataga. O le Tusi Paia—O le Faaliliuga a le Lalolagi Fou i le Gagana Faataga a Amerika, o le Tusi Paia muamua atoa lea ua faaliliuina i le gagana faataga. Ua maua nei le Faaliliuga a le Lalolagi Fou i vaega po o le Tusi Paia atoa i le tele o gagana faataga, ma e faaopoopo isi gagana i tausaga taʻitasi. (Ina ia maua se lisi o gagana pe matamata i le Tusi Paia i le Initaneti, tagaʻi i le pusa “ O le Faaliliuga a le Lalolagi Fou o le Tusi Paia i le Gagana Faataga.”)

•   Ia matamata i le vitiō The Complete New World Translation Is Available in ASL ina ia iloa le auala na saunia ai le Tusi Paia i le gagana faataga a Amerika.

•   Ina ia fesoasoani i lau faitauga Tusi Paia, ia kopi le polokalame JW Library Sign Language lea e mafai ona e filifilia ai ni mau maʻoti i se Tusi Paia i le gagana faataga.

•   O Dmytro ma Vita o ni mātua e logonoa, ae e lē logonoa le la fanau. Ia mātau pe e faapefea ona aogā i lenei aiga le matamata i le Tusi Paia i le gagana faataga i aso uma.

 O vitiō e aʻoaʻo ai le Tusi Paia. Ua saunia e Molimau a Ieova vitiō i le gagana faataga e fesoasoani i tagata ina ia malamalama ma faatatau fautuaga a le Tusi Paia mo . . .

•   Ulugalii faaipoipo ma aiga

•   Talavou lāiti ma talavou matutua

•   Tamaiti

 O talanoaga faale-Tusi Paia faatasi ma se faiaʻoga. Ia aʻoaʻo le feʻau a le Tusi Paia i le gagana faataga e fua i lou tulaga, e ala i le fesoasoani a se faiaʻoga o le Tusi Paia. Ia talosaga e faataʻitaʻi atu se talanoaga faale-Tusi Paia e aunoa ma se totogi.

 E nofo Jeson Senajonon i Filipaina. Ia mātau pe na faapefea ona fesoasoani se talanoaga faale-Tusi Paia iā te ia, e atiaʻe ai se la faiā māfana ma le Atua.

 Sa avea Mario Antúnez o se faifeʻau i se lotu i Honduras. Ia faitau pe na faapefea ona tali ana fesili e faatatau i le Tusi Paia o loo faamatalaina i le talaaga o lona soifuaga “I Had More Questions Than Answers.”

 Sauniga ma faatasiga faaleagaga. E iai a matou faapotopotoga ma vaega i le gagana faataga i le lalolagi aoao, lea e potopoto ai tagata logonoa e aʻoaʻoina i latou ma tapuaʻi ai i vaiaso taʻitasi. E matou te faamaopoopoina foʻi i tausaga taʻitasi ni faatasiga tetele faaleagaga e aʻoaʻo ai le Tusi Paia. E iai tagata faaliliu e faia faailoga i lima o tagata logonoa ma tauaso i a matou sauniga ma faatasiga faaleagaga. E matou te saunia foʻi lomiga i le gagana patupatu e aunoa ma se totogi.

•   Ia saʻili se faapotopotoga e lata ane.

•   Ia faitau i faamatalaga e faatatau i a matou tauaofiaga ma fonotaga faaletausaga.

•   Ia auai i le Faamanatuga o le maliu o Iesu, o la matou sauniga lea e sili ona tāua i le tausaga.

 E nofo José Luis Ayala i Mekisikō. Na fanau mai o ia e logonoa ma mulimuli ane tauaso. Ia faitau pe na faapefea ona avea o ia o se faiaʻoga tomai o le Tusi Paia.