Na faailoa mai e le World Wildlife Fund iā Oketopa 9, 2024, se lipoti e faapopoleina ai e faatatau i aafiaga o gaoioiga a tagata i meaola. O loo taʻua i lenā lipoti, “e 73% ua faaitiitia ai le aofaʻi o meaola talu mai le 50 tausaga ua mavae (1970-2020).” Ua faapea atili mai le lipoti: “E faalagolago le mauaina pea o le ola i le lalolagi, i mea o le a tutupu i le isi lima tausaga i le lumanaʻi.”

 O na ituaiga o lipoti e faateʻia ai le toʻatele o tagata. E tatou te lē mananaʻo e faaleaga le siʻosiʻomaga ma soonafai meaola. O le māfuaaga, ona na foafoaina i tatou e Ieova ma le faanaunauga e tausia faapelepele meaola.—Kenese 1:27, 28; Faataoto 12:10.

 E te ono mafaufau, ‘Pe e mafai ona tatou puipuia meaola i le lalolagi? O le ā le manatu o le Tusi Paia?’

 E ui i a tatou taumafaiga malolosi e puipuia meaola, ae e na o le Atua e mafai ona ia faia faapea. Ua valoia mai i le Faaaliga 11:18, o le a ‘faafanoina e le Atua i latou o loo faaleagaina le laueleele.’ E lua manatu tāua e tatou te aʻoaʻoina mai i lenā fuaiupu:

1.  1. O le a taofia e le Atua tagata mai i le faaleagaina atoatoa o le laueleele.

2.  2. O le a vave gaoioi le Atua. E faapefea ona tatou iloa? Ua sili atu ona soonafai e tagata meaola i aso nei nai lo o se isi lava taimi.

 O le ā o le a faia e le Atua e foʻia ai lenei faafitauli? O le a ia faaaogā lona Malo i le lagi e pulea le lalolagi atoa. (Mataio 6:10) O le a aʻoaʻoina ma toleni e lenā Malo tagata usiusitaʻi, ina ia mafai ona latou tausia ma puipuia meaola i le lalolagi.—Isaia 11:9.